قصة اغتصاب ﻳﺎﺳﻤﻴﻦ +18

قصة اغتصاب ﻳﺎﺳﻤﻴﻦ :

الجزء الاول

ﻛﺎﻥ ﺍﻟﺤﺎﻝ ﺑﺎﺭﺩ ﺑﺰﺍﻑ ﺑﺤﺎﻻ‌ ﺍﻟﺸﺘﺎﺀ ﺑﺎﻏﺎ ﺍﻟﻄﻴﺢ، 23:39 ﺩﺍﺑﺎ ، ﺍﻟﻀﻼ‌ﻡ ﻋﺎﻓﻂ ﻋﻠﻰ ﺍﻟﺪﻧﻴﺎ
ﻏﻴﺮ ﺷﻲ ﻻ‌ﻣﺒﺎﺕ ﺑﻌﺎﺩ ﻟﻲ ﻣﺨﺘﺎﺭﻗﻴﻦ ﻫﺎﺩ ﺍﻟﻮﺣﺶ، ﺍﻟﺤﺲ ﻣﻘﻄﻮﻉ ، ﻛﻨﺴﻤﻊ ﻏﻴﺮ ﺻﻮﺕ ﺍﻟﺮﻳﺢ ﺍﻭ ﺷﻲ ﻃﻮﻣﻮﺑﻴﻼ‌ﺕ ﺍﻻ‌ ﺩﺍﺯﻭ ، ﻣﺮﺑﻌﺔ ﺍﻳﺪﻳﺎ ﺍﻭ ﻣﺨﺸﻴﺔ ﻓﻤﻮﻧﻄﻮﻳﺎ ﺑﺤﺎﻻ‌ ﻛﻨﺤﻤﻲ ﺭﺍﺳﻲ ﻣﻦ ﻟﺴﻌﺎﺕ ﺩﻳﺎﻝ ﺍﻟﺒﺮﺩ ، ﻗﻠﺒﻲ ﻛﻴﻀﺮﺏ ﺑﺠﻬﺪ ﻛﺜﺮ ﻣﻦ ﺍﻟﻘﻴﺎﺱ ﻫﺎﺩ ﺍﻟﻤﺮﺓ، ﻓﻌﻼ‌ ﺍﻧﺎ ﺩﻳﻤﺎ ﻛﻨﺨﺎﻑ ﻣﻦ ﻫﺎﺩ ﺍﻟﻮﻗﻴﺘﺎ ﻭﻟﻜﻦ ﻟﻴﻮﻣﺎ ﻛﺎﻥ ﻏﻴﺮ ، ﻛﻨﺖ ﻛﻨﺤﺲ ﻗﻠﺒﻲ ﻏﻴﻮﻗﻒ ﻣﻦ ﺍﻟﺨﻠﻌﺔ ، ﺑﻘﻴﺖ ﻛﻨﺮﺩﺩ " ﻣﻐﻴﻄﺮﺍ ﻭﺍﻟﻮ ﺍﻥ ﺷﺎﺀ ﺍﻟﻠﻪ ، ﻣﻐﻴﻄﺮﺍ ﻭﺍﻟﻮ " ﺍﻭ ﻣﻊ ﺫﺍﻟﻚ ﺩﺍﻙ ﺍﻟﺨﻮﻑ ﻏﺎﺩﻱ ﺍﻭ ﻛﻴﻜﺒﺮ ، ﻏﺎﺩﺍ ﻓﺎﻟﺸﺎﺭﻉ ﺍﻭ ﻣﺒﻘﺎﻭ ﻟﻴﺎ ﺍﻻ‌ ﺍﻣﺘﺎﺭ ﺑﺎﺵ ﻧﻮﺻﻞ ﻟﻤﺤﻄﺔ ﺍﻷﻣﺎﻥ ﻟﻲ ﺩﺍﺭﻧﺎ ، ﺷﻮﻳﺔ ﻛﻨﺴﻤﻊ ﺷﻲ ﺿﺤﻜﺎﺕ ﻗﺮﻳﺒﺔ ، ﺑﺎﻳﻨﺔ ﺩﻳﺎﻝ ﺷﻲ ﺷﻤﺎﻛﺮﻳﺔ ، ﺗﺨﻠﻌﺖ ﺍﻭ ﻗﺮﺭﺕ ﻧﺒﺪﻝ ﺍﻟﻄﺮﻳﻖ ﺍﻭ ﻷﻭﻝ ﻣﺮﺓ ﻣﻦ ﻧﻬﺎﺭ ﺧﺪﻣﺖ ﻓﻬﺎﺩ ﺍﻟﺨﺪﻣﺔ ﺍﻟﻤﻨﺤﻮﺳﺔ ، ﻣﺎ ﺧﺘﺎﺭﻳﺘﺶ ﺍﻟﻄﺮﻳﻖ ﺣﻴﺖ ﺗﺨﻠﻌﺖ ﻳﺸﻮﻓﻮﻧﻲ ﺩﺯﺕ ﻣﻦ ﻭﺍﺣﺎﺩ ﺍﻟﻄﺮﻳﻖ ﺷﻮﻳﺔ ﻣﻀﻠﻤﺔ ﻭﻟﻜﻦ ﻫﻲ ﺍﻗﺮﺏ ﻃﺮﻳﻖ ﺗﻘﻀﺮ ﺗﻮﺻﻠﻨﻲ ﻟﻠﺪﺍﺭ ، ﻛﻨﺖ ﻛﻨﺘﻔﺎﺩﺍﻫﺎ ﻋﻠﻰ ﻗﺒﻞ ﺩﺍﻙ ﺍﻟﺴﻘﻴﻞ ﻟﻲ ﺳﺎﻛﻨﻬﺎ ﻭﻟﻜﻦ ﻛﻴﻒ ﻛﻴﻘﻮﻟﻮ " ﻟﻠﻀﺮﻭﺭﺓ ﺍﺣﻜﺎﻡ " ، ﺗﻤﻴﺖ ﻏﺎﺩﺍ ﺍﻭ ﺑﺎﻗﺎ ﻓﻨﻔﺲ ﺍﻟﻮﺿﻌﻴﺔ ﻣﻌﻨﻘﺔ ﺭﺍﺳﻲ ﺍﻭ ﻏﻴﺮ ﺻﻮﺕ ﺧﻄﻮﺍﺗﻲ ﻟﻲ ﻛﻴﺘﺴﻤﻌﻮ ، ﺍﻭ ﻟﻲ ﺷﻔﺖ ﺧﻼ‌ﻧﻲ ﺗﺴﻤﺮﺕ ﺍﻭ ﻭﻗﻒ ﻟﻴﺎ ﺍﻟﺘﺎﺭﻳﺞ ﺍﻭ ﺍﻟﺪﻡ ﻫﺮﺏ ﻣﻨﻲ ، ﻭﺍﺧﺎ ﻛﺎﻥ ﺍﻟﻀﻼ‌ﻡ ﺑﺎﻟﻠﻤﺒﺔ ﻟﻲ ﻛﺎﻧﺖ ﺑﻌﻴﺪﺓ ﺷﻮﻳﺔ ﻗﺪﺭﺍﺕ ﺗﺨﻠﻴﻨﻲ ﻧﻤﻴﺰ ﺷﻨﻮ ﺷﻔﺖ ، ﻛﺎﻥ ﻃﻮﻳﻞ ﺍﻭ ﻋﺎﻣﺮ ﺍﻭ ﻫﺎﺯ ﺟﻨﻮﻳﺔ ﻓﺎﻳﺪﻭ ، ﻣﻌﺮﻓﺘﺶ ﻭﺍﺵ ﻧﺘﺮﺍﺟﻊ ﺍﻭ ﻧﻠﻘﻰ ﺣﺘﻔﻲ ﻣﻊ ﺩﻭﻙ ﺍﻟﺸﻤﺎﻛﺮﻳﺔ ﻭﻻ‌ ﻧﺘﻘﺪﻡ ﺍﻭ ﻧﻤﻮﺕ ، ﺷﺪﻳﺖ ﺑﻼ‌ﺻﺔ ﻗﻠﺒﻲ ﺍﻭ ﺯﻳﺮﺕ ﻋﻠﻴﻬﺎ ﺣﻴﺖ ﻛﻨﺖ ﻛﻨﺤﺲ ﺑﻴﻪ ﻏﻴﺨﺮﺝ ﻣﻦ ﺑﻼ‌ﺻﺘﻮ ، ﺍﻭ ﻣﻦ ﺑﻌﺪ ﺗﻔﻜﻴﺮ ﻃﻮﻳﻞ ﻗﺮﺭﺕ ﻧﺮﺟﻊ ، ﺩﺭﺕ ﺍﻭ ﺑﺄﻗﺼﻰ ﺳﺮﻋﺔ ﻋﻨﺪﻱ ﺟﺮﻳﺖ ، ﻛﻨﺠﺮﻱ ﺍﻭ ﻛﻨﺴﻤﻊ ﺧﻄﻮﺍﺗﻮ ﻛﻴﺠﺮﻱ ﻭﺭﺍﻳﺎ ، ﺍﻟﺸﺘﺎﺀ ﺑﺪﺍﺕ ﻛﺘﺼﺐ ، ﺣﺠﺒﺎﺕ ﻋﻠﻴﺎ ﺍﻟﺮﺅﻳﺔ ﺷﻮﻳﺔ، ﺑﺪﻳﺖ ﻛﻨﺴﻤﻊ ﺧﻄﻮﺍﺗﻮ ﻛﺘﻘﺮﺏ ﻣﻨﻲ ، ﺑﺪﻳﺖ ﻛﻨﻐﻮﺕ ﺍﻭ ﻛﻨﺒﻜﻲ ﻭﻟﻜﻦ ﺑﺤﺎﻻ‌ ﻛﻴﻨﺎ ﻏﻴﺮ ﺍﻧﺎ ﻭﻳﺎﻩ ﻓﻬﺎﺩ ﺍﻟﺪﻧﻴﺎ ، ﻛﻴﺒﺎﻥ ﻟﻴﺎ ﺍﻟﺸﺎﺭﻉ ﻗﺪﺍﻣﻲ ، ﺣﺴﻴﺖ ﺑﺸﻮﻳﺔ ﺍﻷﻣﻞ ﺍﻧﻨﻲ ﻧﻘﻀﺮ ﻧﻠﻘﻰ ﻟﻲ ﻳﻌﻮﻧﻲ ، ﻭﻟﻜﻦ ﻓﻠﺤﻈﺔ ﺍﻣﻠﻲ ﺗﻼ‌ﺷﻰ ، ﺣﺴﻴﺖ ﺑﻴﻪ ﺷﺪﻧﻲ ﻣﻦ ﺷﻌﺮﻱ ﺍﻭ ﻟﻮﺍﻩ ﻓﺎﻳﺪو ﺍﻭ ﺟﺮﻧﻲ ﺣﺖ ﻃﺤﺖ ﻓﺎﻷﺭﺽ ....

الجزء 2

ﺟﺮﻧﻲ ﺣﺘﻰ ﻃﺤﺖ ﻓﺎﻷﺭﺽ ﺍﻭ ﺑﺪﺍ ﻛﻴﺠﺮ ﻓﻴﺎ ،ﺍﻭ ﺍﻧﺎ ﺷﺎﺩﺍ ﺍﻳﺪﻭ ﺍﻭ ﻛﻨﺘﻌﻠﻖ ﻓﻴﻬﺎ ﺑﺎﺵ ﺍﻷﻟﻢ ﻳﻜﻮﻥ ﺍﺧﻒ ، ﻛﻨﺘﺮﺟﺎﻩ ﻳﻄﻠﻘﻨﻲ ﺍﻭ ﻛﻨﺒﻜﻲ ﺍﻭ ﻧﻐﻮﺕ ، ﻭﻟﻜﻦ ﻫﻮ ﺑﺤﺎﻻ‌ ﻣﻜﻴﺴﻤﻌﻨﻴﺶ ، ﻣﻘﻀﺮﺗﺶ ﻧﺸﻮﻓﻮ ﻧﻬﺎﺋﻴﺎ ﻣﻦ ﻏﻴﺮ ﻭﺍﺣﺎﺩ ﺍﻟﻮﺷﻢ ﺻﻐﻴﺮ ﻓﺈﻳﺪﻭ ، ﺑﺪﻳﺖ ﻛﻨﻄﻠﺐ ﻓﻴﻪ ﺍﻭ ﻛﻨﻐﻮﺕ ﻋﻠﻰ ﺣﺮ ﻣﻦ ﺟﻬﺪﻱ ﺍﻭ ﻓﻠﺤﻈﺔ ﺣﺴﻴﺖ ﺑﻀﺮﺑﺔ ﻗﻮﻳﺔ ﻓﺮﺍﺳﻲ ﻓﻘﺪﺍﺗﻨﻲ ﺍﻟﻮﻋﻲ ، ﻛﻨﺖ ﻛﻨﺸﻮﻑ gﺍﻉ ﺍﻷﺣﺪﺍﺙ ﻟﻲ ﻭﻗﻌﻮ ﻟﻴﺎ ﻗﺒﻞ 45 ﺩﻗﻴﻘﺔ .. ﺣﻠﻴﺖ ﻋﻴﻨﻴﺎ ، ﺍﻟﺼﻮﺭﺓ ﻣﻮﺍﺿﺤﺎﺵ ﻣﺰﻳﺎﻥ ﻏﻤﻀﺘﻬﻢ ﻣﺰﻳﺎﻥ ﺍﻭ ﺣﻠﻴﺘﻬﻢ ﺍﻭ ﺑﻘﻴﺖ ﻛﻨﺮﻣﺸﻬﻢ ﻋﺎﺩ ﺷﻮﻳﻴﻴﻴﺔ ﺑﺪﺍﺕ ﻛﺘﻮﺿﺎﺡ ، ﻛﻨﺴﻤﻊ ﺻﻮﺕ ﺍﻵﻻ‌ﺕ ﺩﻳﺎﻝ ﺍﻟﻤﺴﺘﺸﻔﻰ ، ﺍﻭ ﺷﻲ ﻓﺮﻣﻠﻴﺔ ﻛﺘﻘﻮﻝ : ﻻ‌ﻟﺔ ﺑﻨﺘﻚ ﻓﺎﻗﺖ ﺍﻧﺎ ﻏﻨﻤﺸﻲ ﻧﻌﻴﻂ ﻋﻠﻰ ﺍﻟﻄﺒﻴﺐ " .. ﺳﺮﺣﺖ ﻋﻴﻨﻴﺎ ﺍﻭ ﺑﻤﺪﺓ ﻣﺎﺷﻲ ﻗﺼﻴﺮﺓ ﻋﺮﻓﺖ ﺭﺍﺳﻲ ﺍﻧﺎ ﻓﺎﻟﺴﺒﻴﻄﺎﺭ ، ﺗﻔﻜﺮﺕ ﺍﻟﺤﺎﺩﺛﺔ ﻟﻲ ﻭﻗﻌﺎﺕ ﻗﻠﺒﻲ ﺗﻘﺒﺾ ﺍﻭ ﺑﺪﺍ ﻛﻴﻀﺮﺏ ﺑﺤﺎﻝ ﻣﻠﻲ ﺷﻔﺖ ﺩﺍﻙ ﺍﻟﻤﺘﻮﺣﺶ ، ﻭﻟﻜﻦ ﺍﺷﻨﻮ ﻃﺮﺍ؟ .. ﻣﺎﻣﺎ ﺟﺎﺕ ﻋﻨﺪﻱ ﺍﻭ ﺑﺎﺳﺖ ﺭﺍﺳﻲ ﺍﻭ ﺷﺪﺍﺕ ﺍﻳﺪﻱ ﺍﻭ ﺑﺪﺍﺕ ﻛﺘﻀﺤﻚ : ﻋﻠﻰ ﺳﻼ‌ﻣﺘﻚ ﺍ ﺍﻟﺤﺒﻴﺒﺔ ﺩﻳﺎﻟﻲ ، ﺑﺎﺵ ﻛﺘﺤﺴﻲ ﺩﺍﺑﺎ ﺍ ﻣﻴﻤﺘﻲ؟" ، ﻏﻤﻀﺖ ﻋﻴﻨﻲ ﺍﻭ ﺣﻠﻴﺘﻬﻢ ﺑﻄﺮﻳﻘﺔ ﻛﺘﻮﺣﻲ ﺑﻴﻠﻲ ﺍﻧﺎ ﺑﻴﺨﻴﺮ ، ﻧﻴﻔﻲ ﻓﻴﻪ ﺍﻷﻛﺴﺠﻴﻦ ﺍﻭ ﺍﻳﺪﻱ ﻓﻴﻬﺎ ﺍﻟﺼﻴﺮﻭﻡ ﺍﻭ ﺍﻟﺨﻴﻮﻃﺎ ﺑﺰﺍﻑ ، ﺍﻭ ﺍﻧﺎ ﻋﺮﻳﺎﻧﺔ ﻏﻴﺮ ﺍﻳﺰﺍﺭ ﻟﻲ ﻣﻐﻄﻴﺎ ﺑﻴﻪ .. ﺷﻮﻳﺔ ﺟﺎ ﺍﻟﻄﺒﻴﺐ ﺍﻭ ﺧﺮﺝ ﻣﺎﻣﺎ ﺍﻭ ﺑﺪﺍ ﻛﻴﻬﺪﺭ ﻣﻌﺎﻳﺎ ﺍﻭ ﺍﻧﺎ ﻋﻠﻰ ﺷﺤﺎﻝ ﻏﺎﺩ ﻛﻨﺠﻮﺑﻮ، ﻛﻨﺤﺲ ﺑﻠﺼﺎﻧﻲ ﺗﻘﻴﻞ ، ﺍﻭ ﻛﻨﺤﺲ ﺑﻴﻠﻲ ﻛﻠﻴﻴﻴﻲ ﻣﻄﺤﻄﺤﺔ ، ﺳﺮﺣﺖ ﻋﻴﻨﻴﺎ ﻓﻠﺤﻤﻲ ﻛﻨﺸﻮﻓﻮ ﻛﻠﻮ ﻛﺪﻣﺎﺕ ، ﺍﻭ ﻋﻨﺪﻱ ﻋﻴﻦ ﻣﻜﺘﺒﻐﻴﺶ ﺗﺤﻞ ، ﻣﻌﺮﻓﺘﺶ ﻭﺟﻬﻲ ﻛﻴﻒ ﺩﻳﺮ ﺍﻟﻤﻬﻢ ﺍﻧﻪ ﻛﻠﻮ ﻛﻴﻌﻄﻴﻨﻲ ﺍﻟﺼﺪﺍﻉ ، ﺷﺎﻑ ﻓﺎﻵﻻ‌ﺕ ﺍﻭ ﻓﺤﺼﻨﻲ ، ﺧﻮﻯ ﺍﺑﺮﺓ ﻓﺎﻟﺼﻴﺮﻭﻡ ﺍﻭ ﺧﺮﺝ ﺍﻭ ﺧﻼ‌ﻧﻲ ، ﺣﺴﻴﺖ ﺑﻴﻠﻲ ﻣﻨﺎﻋﺴﺎﺵ ﺷﻬﺮ ﻋﻴﻨﻴﺎ ﻛﻴﺘﻠﺴﻘﻮ ﺻﺎﻓﻲ ﺩﺍﻧﻲ ﻧﻌﺎﺱ ﺍﻟﺪﺍﻧﻲ ﻧﻌﺎﺱ ﺣﺘﻰ ﻛﻨﺤﺲ ﺑﺈﻳﺪ ﺷﺪﺍﻧﻲ ﻣﻦ ﺷﻌﺮﻱ ﺍﻭ ﺟﺎﺭﺍﻧﻲ، ﺗﻘﻄﻌﻮ ﻟﻴﺎ ﺍﻟﺨﻴﻮﻃﺎ ﺍﻭ ﺑﻼ‌ﺻﺘﻬﻢ ﻭﻻ‌ﻭ ﻛﻠﻬﻢ ﺩﻡ ، ﺍﻭ ﺗﺨﺒﻄﺖ ﻣﻦ ﻓﻮﻕ ﺍﻟﻨﺎﻣﻮﺳﻴﺔ ﺩﺍﻝ ﺍﻟﻤﺴﺘﺸﻔﻰ ﻣﻊ ﺍﻷﺭﺽ ﺍﻭ ﺩﺭﺕ ﻛﻴﻒ ﺍﻟﺤﺎﺩﺛﺔ ﺗﻌﻠﻘﺖ ﻓﺎﻹﻳﺪ ﺑﺎﺵ ﻳﺨﻔﺎﻑ ﺍﻷﻟﻢ ﺍﻭ ﺑﺪﺍ ﻛﻴﺠﺮﺟﺮﻧﻲ ﻓﺎﻟﺴﺒﻴﻄﺎﺭ ﺍﻭ ﺍﻧﺎ ﻛﻨﻐﻮﺕ ﺍﻭ ﺑﺤﺎﻻ‌ ﻣﻜﻴﻦ ﺣﺘﻰ ﻭﺍﺣﺪ ، ﺍﻭ ﺷﻔﺖ ﻏﻴﺮ ﺍﻹﻳﺪ ﻧﻔﺲ ﺍﻟﻮﺷﻢ : ﻃﻠﻖ ﻣﻨﻴﻴﻴﻴﻲ ﻃﻠﻘﻨﻴﻴﻴﻲ ، ﺍﺵ ﺑﻐﻴﺘﻲ ﻋﻨﺪﻳﻴﻴﻲ" .. ﻛﻨﻐﻮﺕ ﺍﻭ ﻛﻨﺘﺮﻛﻞ ، ﺷﻮﻳﺔ ﺣﺘﻰ ﺗﺨﺸﺎﺕ ﻓﻴﺎ ﺑﺮﺓ ﺍﻭ ﺗﻬﺪﻧﺖ ، ﻛﻨﺖ ﻛﻨﺤﻠﻢ ، ﻳﺎ ﺭﺑﻲ ﺍﺷﻨﻮ ﻃﺮﺍ ﻓﻴﺎ ، ﺗﺮﺧﻴﺖ ﺍﻭ ﻋﻮﺩﺕ ﻧﻌﺴﺖ ، ﺍﻟﻤﻬﻢ ﺑﻘﻴﺖ ﺷﻲ ﻳﻮﻣﺎﻳﻦ ﺍﻭ ﺍﻧﺎ ﻫﺎﻛﺎﻙ ، ﺩﻳﻤﺎ ﻛﻨﺸﻮﻑ ﻧﻔﺲ ﺍﻟﺤﻠﻢ ﺍﻭ ﺩﻳﻚ ﺍﻹﻳﺪ ، ﺷﻜﻮﻥ ﻫﻮ ؟ ﺷﻨﻮ ﻃﺮﺍ ﻳﺎ ﺭﺑﻲ .. ﺩﺍﺯﺕ 3 ﺍﺧﺮﻯ ﺍﻭ ﺍﻧﺎ ﻟﻲ ﻛﻴﺠﻲ ﻛﻨﺴﻮﻟﻮ ﺷﻨﻮ ﻃﺮﺍ ﻓﻴﺎ ﺍﻭ ﻛﻴﻘﻮﻟﻮ ﻟﻴﺎ :ﻣﺘﻔﻜﺮﻳﺶ ﻓﺪﺍﻛﺸﻲ ﺭﺗﺎﺣﻲ ﺩﺍﺑﺎ ﺍﻭ ﻣﻦ ﺑﻌﺪ ﺍﻭ ﺗﻌﺮﻓﻲ " .. ﺍﻭ ﻣﻔﻬﻤﺘﺶ ﻟﻲ ﺟﺎ ﺗﺒﻘﻰ ﻓﻴﻪ ﺣﺎﻟﺘﻲ ﺣﺘﻰ ﻣﻦ ﺍﻟﻄﻮﺍﻟﻴﻂ ﺣﻴﺪﻭ ﻣﻨﻬﺎ ﺍﻟﻤﺮﺍﻳﺎ .. ﺟﺎﻭ ﻋﻨﺪﻱ ﺍﻟﺒﻮﻟﻴﺲ ﺑﺎﺵ ﻳﺴﺘﺠﻮﺑﻮ ﻣﻌﺎﻳﺎ : ﺍﻟﺴﻼ‌ﻡ ﻋﻠﻴﻜﻢ ، ﻛﻨﺘﻤﻨﺎﻭ ﻟﻴﻚ ﺍﻟﺸﻔﺎﺀ ﺍﻟﻌﺎﺟﻞ ، ﻋﻨﺪﻧﺎ ﻟﻴﻚ ﺷﻲ ﺍﺳﺌﻠﺔ ﺍﻭ ﻏﺘﺠﻮﺑﻴﻨﺎ ﻋﻠﻴﻬﻢ " .. ﺍﻧﺎ : ﺷﻨﻮ ﻃﺮﺍ ﻟﻴﺎ ؟ ﺍﻧﺎ ﺑﺮﺍﺳﻲ ﻣﻌﺎﺭﻓﺔ ﻭﺍﻟﻮ " .. ﺩﺍﻙ ﺍﻟﻤﺤﻘﻖ ﺑﺪﺍ ﻛﻴﺸﻮﻑ ﻓﺼﺎﺣﺒﻮ ﺑﺘﺄﺳﻒ ﺍﻭ ﺩﺍﺭ ﻋﻨﺪﻱ ﺍﻭ ﻋﻴﻨﻴﻪ ﻓﻴﻬﻢ ﺍﻟﺸﻔﻘﺔ : ﺗﻌﺮﺿﺘﻲ ﺍﻹﻏﺘﺼﺎﺏ ﺍﻭ ﺍﻟﻀﺮﺏ ﺍﻟﻤﺒﺮﺡ ، 10 ﺍﻳﺎﻡ ﺍﻭ ﻧﺘﻲ ﻛﻮﻣﺔ 

الجزء 3

ﺍﻧﺎ ﻳﺎﺳﻤﻴﻦ ، 20 ﺳﻨﺔ ، ﺧﺪﺍﻣﺔ ﻣﺤﺎﺳﺒﺔ ﺑﻤﺮﺟﺎﻥ ﺍﻭ ﻛﺎﻧﺖ ﻛﺘﻌﺠﺒﻨﻲ ﻫﺎﺩ ﺍﻟﺨﺪﻣﺔ ﺑﺰﺍﻑ ﻭﺍﺧﺎ ﻣﻜﻨﺘﺶ ﻣﺤﺘﺎﺟﺔ ﻓﻠﻮﺳﻬﺎ ﻭﻟﻜﻦ ﺑﻐﻴﺖ ﻧﺘﻼ‌ﻫﺎ ﻓﻴﻬﺎ ﻣﻦ ﺑﻌﺪ ﻣﺎ ﺧﺪﻳﺖ ﺩﻳﺒﻠﻮﻣﻲ ﻓﺎﻟﻤﺤﺎﺳﺒﺔ، ﺍﻭ ﻛﻨﺖ ﻏﻨﺨﻠﻴﻬﺎ ﺑﻌﺪ 10 ﺍﻳﺎﻡ ﺣﻴﺖ ﻏﻨﺘﺰﻭﺝ ﺑﻮﻟﺪ ﺧﺎﻟﻲ ﺍﻣﻴﻦ ﻟﻲ ﻣﻦ ﻧﻬﺎﺭ ﻋﻘﻠﺖ ﻋﻠﻰ ﺭﺍﺳﻲ ﺍﻭ ﺣﻨﺎ ﻟﻌﻀﻴﺎﺗﻨﺎ ، ﻛﻨﺒﻐﻴﻪ ﺑﺰﺍﻑ ﺍﻭ ﺣﺘﻰ ﻫﻮ ، ﺍﻭ ﻛﺎﻥ ﺩﻳﻤﺎ ﻣﺒﺮﺯﻃﻮ ﻭﻗﺘﻲ ﻟﻲ ﻛﻨﺠﻲ ﻓﻴﻪ ﺣﺘﺎﻝ ﺍﻟﻴﻞ ، ﻛﺎﻥ ﺩﻳﻤﺎ ﻛﻴﻠﺢ ﻋﻠﻴﺎ ﺑﺎﺵ ﻳﻮﻟﻲ ﻳﺠﻴﺒﻨﻲ ﻭﻟﻜﻦ ﺣﻴﺖ ﺭﺍﺳﻲ ﻗﺎﺻﺢ ﻛﻨﺖ ﻛﻨﺮﻓﺾ ﺣﻴﺖ ﻛﻴﻦ ﺍﻟﺘﺮﻭﻧﺴﺒﻮﺭ ، ﺍﻟﻴﻮﻡ ﻛﺎﻥ ﻏﻴﻜﻮﻥ ﻋﺮﺳﻲ ،ﻛﻨﺖ ﻭﺍﺧﻴﺮﺍ ﻏﻨﺘﺠﻤﻊ ﺑﺤﺐ ﺣﻴﺎﺗﻲ ﻭﻟﻜﻦ ﺩﺍﻙ ﺍﻟﻮﺣﺶ ﺍﻟﺤﻴﻮﺍﻥ ﺩﻣﺮ ﻟﻴﺎ ﺣﻴﺎﺗﻲ ﻓﺮﻣﺸﺔ ﻋﻴﻦ .. ﻣﻦ ﻧﻬﺎﺭ ﺩﺧﻠﺖ ﻟﻠﺴﺒﻴﻄﺎﺭ ﻣﺸﻔﺘﺶ ﺍﻣﻴﻦ ، ﻋﻤﺮﻭ ﺟﺎ ﺷﺎﻓﻨﻲ ، ﻳﻜﻮﻥ ﺻﺎﻓﻲ ﺗﺨﻠﻰ ﻋﻠﻴﺎ؟ ﻣﻴﻤﻜﻨﺶ ﻳﺪﻳﺮﻫﺎ .. ﻣﺰﺍﻝ ﻫﺪﺭﺗﻮ ﻛﺘﺮﺩﺩ ﻓﻮﺩﻧﻲ : ﻳﺎﺳﻤﻴﻦ، ﻭﺍﺧﺎ ﻳﻮﻗﻊ ﻟﻲ ﻭﻗﻊ ﻋﻤﺮﻱ ﻧﺨﻠﻴﻚ ﺑﻮﺣﺪﻙ ﻭﻻ‌ ﻧﺘﺨﻠﻰ ﻋﻠﻴﻚ" .. ﻋﺎﻭﺩﺕ ﻟﻠﺒﻮﻟﻴﺲ ﻛﻠﺸﻲ ﻃﺮﺍ، ﺍﻭ ﺍﻟﺨﺒﺮ ﻛﺎﻥ ﺻﺎﺩﻡ ﻣﻠﻲ ﻗﺎﻟﻲ: ﺣﻨﺎ ﺷﺪﻳﻨﺎﻩ ﺍﻭ ﻋﺘﺎﺭﻑ ﺑﻬﺎﺩﺷﻲ ﻟﻲ ﺩﺍﺭ ﺍﻭ ﻛﻨﺘﺴﻨﺎﻭﻙ ﻏﻴﺮ ﺗﺒﺮﺍﻱ ﺍﻥ ﺷﺎﺀ ﺍﻟﻠﻪ ﺍﻭ ﺗﻮﺍﺟﻬﻮ ﻓﺎﻟﻤﺤﻜﻤﺔ" .. ﺍﺧﻴﺮﺍ ﻏﻨﺸﻮﻓﻮ ، ﺑﻐﻴﺖ ﻧﺸﻮﻑ ﻋﻴﻨﻴﻪ ﻟﻲ ﻣﺎ ﻓﻴﻬﻢ ﻻ‌ ﺭﺣﻤﺔ ﻭﻻ‌ ﺷﻔﻘﺔ ، ﺷﻨﻮ ﺩﺭﺕ ﻟﻴﻪ؟ ﺍﺷﻤﻦ ﺫﻧﺐ ﺩﺭﺕ ﺑﺎﺵ ﻳﻄﺮﺍ ﻟﻴﺎ ﻫﺎﺩﺷﻲ ﻛﺎﻣﻞ ؟ ﺧﺮﺟﻮ ﺍﻟﺒﻮﻟﻴﺲ، ﺩﺧﻼ‌ﺕ ﻣﺎﻣﺎ ﻋﻨﺪﻱ ﺍﻭ ﺟﻠﺴﺎﺕ ﺣﺪﺍﻳﺎ ﺑﻮﺟﻬﻬﺎ ﻣﺒﺸﻮﺵ ﻛﻴﻒ ﺩﻳﻤﺎ : ﺳﻤﺤﻲ ﻟﻴﺎ ﺍ ﻣﺎﻣﺎ ﻣﺒﻘﻴﺘﺶ ﻛﻨﺸﺮﻓﻚ" ..ﻣﺎﻣﺎ: ﺳﻜﺘﻲ ﺍ ﻟﻬﺒﻴﻠﺔ ﻣﺘﻘﻮﻟﻴﺶ ﻫﺎﻛﺎ ﻧﺘﻲ ﻓﻮﻕ ﺭﺍﺳﻲ ﺍ ﺑﻨﺘﻲ ﺍﻭ ﻫﺪﺷﻲ ﻣﻜﺘﻮﺏ ﻋﻠﻴﻚ ﺍﻟﺤﻤﺪ ﻟﻠﻪ " .. ﺣﺴﻴﺖ ﺑﺎﻟﺸﻔﻘﺔ ﻓﻌﻴﻨﻴﻦ ﻣﺎﻣﺎ ، ﺑﻐﻴﺖ ﻧﺸﻮﻑ ﻭﺟﻬﻲ ، ﻗﻠﺖ ﻟﻤﺎﻣﺎ ﺗﻌﻄﻴﻨﻲ ﻣﺮﺍﻳﺎ ﺍﻭ ﻣﻘﺒﻼ‌ﺗﺶ ﺍﻻ‌ ﺑﻌﺪ ﺍﺻﺮﺍﺭ ﻛﺒﻴﺮ ﻣﻨﻲ ﻋﻄﺎﺗﻬﺎﻟﻲ .. ﻫﺎﺩﻱ ﻣﺎﺷﻲ ﺍﻧﺎ، ﻳﺎ ﺭﺑﻲ ﻭﺟﻬﻲ ﻛﻴﻒ ﻭﻻ‌، ﻛﻠﻮ ﻣﻀﺮﻭﺏ ﺍﻭ ﺯﺭﻕ ﺍﻭ ﻋﻨﺪﻱ ﻋﻴﻦ ﻣﻨﻔﻮﺧﺔ ﺍﻭ ﺯﺭﻗﺔ ﻫﻲ ﻟﻲ ﻣﻜﺘﺒﻐﻴﺶ ﺗﺤﻞ ﻟﻴﺎ ﻣﺰﻳﺎﻥ ﺍﺵ ﻫﺎﺩ ﺍﻟﺸﻲ ﻃﺮﺍ ﻓﻴﺎ ، ﺑﺎﻗﺎ ﻣﻘﺎﺿﺮﺍﺵ ﻧﺴﺘﻮﻋﺐ .. ﺳﻮﻟﺖ ﻣﺎﻣﺎ : ﻣﺎﻣﺎ ﻓﻴﻦ ﻫﻮ ﺍﻣﻴﻦ؟ ﻣﻦ ﻟﻲ ﻓﻘﺖ ﻣﺎ ﺷﻔﺘﻮ " .. ﻣﺎﻣﺎ :" ﻫﺎ .. ﺍﻣﻴﻦ ؟ .. ﺍﻣﻴﻦ ﻋﻨﺪﻭ ﺍﻟﺨﺪﻣﺔ ﺩﻛﺸﻲ ﻋﻼ‌ﺵ ﻣﺠﺎﺵ؟" ﻫﻬﻬﻪ ﻣﺎﻣﺎ ﻣﺴﻜﻴﻨﺔ ﻣﻜﺘﻌﺮﻓﺶ ﺗﻜﺬﺏ : ﻗﻮﻟﻲ ﺍﻟﺼﺮﺍﺣﺔ ﺍ ﻣﺎﻣﺎ ، ﺍﻣﻴﻦ ﻣﺒﻘﺎﺵ ﺑﺎﻏﻴﻨﻲ ﻳﺎﻙ؟" .. ﻣﺎﻣﺎ: ﺍ ﺑﻨﺘﻲ ﻣﺪﻳﺮﻳﺶ ﻓﺒﺎﻟﻚ ﺻﺎﻓﻲ ﻣﺸﻰ ﺍﻟﻠﻪ ﻳﻬﻨﻴﻪ ،ﻏﺘﻠﻘﺎﻱ ﻣﺤﺴﻦ ﻣﻨﻮ" .

الجزء 4

ﻣﺎﻣﺎ: ﺍ ﺑﻨﺘﻲ ﻣﺪﻳﺮﻳﺶ ﻓﺒﺎﻟﻚ ﺻﺎﻓﻲ ﻣﺸﻰ ﺍﻟﻠﻪ ﻳﻬﻨﻴﻪ ،ﻏﺘﻠﻘﺎﻱ ﻣﺤﺴﻦ ﻣﻨﻮ" .
ﻫﻬﻬﻪ ﻣﺤﺴﻦ ﻣﻨﻮ ﺑﻬﺎﺩ ﺍﻟﺤﺎﻟﺔ ، ﻣﻐﺘﺼﺒﺔ، ﺷﻜﻮﻥ ﺑﻘﻰ ﻏﻴﺸﻮﻑ ﻓﻮﺟﻬﻲ ؟ .. ﺍﻟﻤﻬﻢ ﺩﻭﺯﺕ 3 ﺍﻳﺎﻡ ﺍﻭ ﺍﻟﺤﻤﺪ ﻟﻠﻪ ﺭﺟﻌﺖ ﻟﺪﺍﺭﻣﺎ ﻭﺍﺧﺎ ﻭﺟﻬﻲ ﻣﺒﺮﺍﺵ ﻣﺰﻳﺎﻥ ، ﻓﺎﻟﻌﺸﻴﺔ ﺟﺎﻧﻲ ﺍﺳﺘﺪﻋﺎﺀ ﻟﻠﻤﺤﻜﻤﺔ ، ﻣﻌﺮﻓﺘﺶ ﻭﻟﻜﻦ ﺗﺤﻤﺴﺖ ﺑﺎﺵ ﻧﻤﺸﻲ ﻧﺸﻮﻓﻮ ﺍﻭ ﺣﻠﻔﺖ ﺑﺎﺵ ﻧﺪﻣﺮﻭ ﻛﻴﻒ ﺩﻣﺮ ﺣﻴﺎﺗﻲ .. ﻓﺎﻟﻐﺪ ﻣﺸﻴﺖ ﻟﻠﻤﺤﻜﻤﺔ ﺍﻭ ﻣﺸﺎﺕ ﻣﻌﺎﻳﺎ ﻣﺎﻣﺎ ﺣﻴﺖ ﻣﻘﺪﻳﺘﺶ ﻧﻤﺸﻲ ﺑﻮﺣﺪﻱ ، ﺩﺍﺧﻠﺔ ﺍﻭ ﻗﻠﺒﻲ ﻛﻴﻀﺮﺏ ﺑﺎﻟﺠﻬﺪ ، ﻧﻔﺲ ﺍﻹﺣﺴﺎﺱ ﻟﻲ ﻋﺸﺘﻮ ﻣﻠﻲ ﺷﻔﺘﻮ ﻫﺎﺯ ﺍﻟﺠﻨﻮﻳﺔ ﻋﻮﺩﺕ ﺣﺴﻴﺘﻮ ، ﺟﻠﺴﺖ ﺍﻧﺎ ﺍﻭ ﻣﺎﻣﺎ ﻛﻨﺘﺴﻨﻰ ﻳﻌﻴﻄﻮ ﻟﻴﺎ ، ﺍﻭ ﻣﻠﻲ ﻋﻴﻄﻮ ﻟﻴﺎ ﻃﻠﺒﻮ ﻧﺪﺧﻞ ﺑﻮﺣﺪﻱ ، ﺗﺮﺩﺩﺕ ﻓﺎﻟﻠﻮﻝ ﻭﻟﻜﻦ ﺍﻟﻜﺮﻩ ﻟﻲ ﺣﺴﻴﺘﻮ ﻣﻦ ﺟﻴﻬﺘﻮ ﻣﻠﻲ ﺗﻔﻜﺮﺗﻮ ﻗﻮﺍﻧﻲ .. ﺩﺧﻠﺖ ﺍﻭ ﺍﻧﺎ ﺣﺎﺩﺭﺓ ﺭﺍﺳﻲ ﺍﻭ ﻛﻨﻌﺮﺝ ﺑﺮﺟﻠﻲ ﺣﻴﺖ ﺗﻮﻋﺖ ﻓﻴﻬﺎ ﺣﺘﻰ ﻫﻲ .. ﻭﻗﻔﺖ ﺍﻭ ﻫﺰﻳﺖ ﺭﺍﺳﻲ ﻧﺸﻮﻑ ﻫﺎﺩ ﺍﻟﻤﺴﺦ .. ﻣﻴﻤﻜﻨﺶ .. ﺑﻘﻴﺖ ﺣﺎﻟﺔ ﻓﻤﻲ ﺍﻭ ﻛﻨﺸﻮﻑ ﻓﻴﻪ ، ﺣﻴﺖ ﻭﺟﻬﻮ ﻛﻴﺒﻴﻦ ﺑﻠﻲ ﻋﻤﺮﻭ ﻳﻔﻜﺮ ﻳﺪﻳﺮ ﻫﺎﺩ ﺍﻟﻔﻌﻠﺔ، ﻣﻠﻲ ﺷﺎﻓﻨﻲ ﻏﻤﺾ ﻋﻴﻨﻴﻪ ﺍﻭ ﻋﺾ ﻗﻨﻮﻓﺘﻮ ﺑﺤﺎﻻ‌ ﺑﻘﺎﺕ ﻓﻴﻪ ﺍﻟﺤﺎﻟﺔ ﻟﻲ ﺍﻟﺪﺍﺭ ﻓﻴﺎ .. ﻛﺎﻥ ﻛﻴﻤﻠﻚ ﻭﺟﻪ ﻣﻼ‌ﺋﻜﻲ ﻟﺪﺭﺟﺔ ﻛﻨﺖ ﻏﻨﻘﻮﻝ ﻟﻠﻘﺎﺿﻲ ﺑﻴﻠﻲ ﺭﺍﻩ ﻣﺎﺷﻲ ﻫﻮ ، ﻛﺎﻥ ﻃﻮﻳﻞ ﺍﻭ ﻋﺎﻣﺮ ﻓﻨﻔﺲ ﺍﻟﻄﺎﻱ ﺩﻳﺎﻝ ﻫﺎﺩﺍﻙ ﺍﻟﻤﺘﻮﺣﺶ، ﺑﻴﺾ ﺍﻭ ﻛﺘﺒﺎﻥ ﻓﻴﻪ ﺍﻟﺒﺮﺍﺀﺓ ، ﺧﺼﻮﺻﺎ ﻋﻴﻨﻴﻪ ﻟﻲ ﻛﺎﻧﻮ ﻣﻐﺮﻏﺮﻳﻦ ﺍﻭ ﺗﺤﺖ ﻣﻨﻬﻢ ﺣﻤﺮ ، ﻭﻟﻜﻦ ﺍﻟﺤﺎﺟﺔ ﻟﻲ ﺗﺒﺜﺎﺕ ﻟﻴﺎ ﺑﻴﻠﻲ ﻫﻮ ﺍﻭ ﺭﺟﻌﺎﺕ ﺣﻴﺎﺕ ﻟﻴﺎ ﻛﻞ ﺍﻷﻭﺟﺎﻉ ﺍﻭ ﺍﺣﺎﺳﻴﺲ ﺍﻟﻜﺮﻩ ﻫﻲ ﺍﻟﻮﺷﻤﺔ ﻟﻲ ﻓﺎﻳﺪﻭ ، ﺍﻟﻮﺷﻤﺔ ﻟﻲ ﻛﺎﻧﺖ ﻓﺎﻹﻳﺪ ﻟﻲ ﻛﺎﻧﺖ ﺷﺎﺩﺍﻧﻲ ﻣﻦ ﺷﻌﺮﻱ ﺍﻭ ﻣﺠﺮﺟﺮﺍﻧﻲ ، ﺍﻭ ﻗﺒﻞ ﻣﺎ ﻳﺒﺪﻯ ﻳﺴﻮﻝ ﺍﻟﻘﺎﺿﻲ ﻧﻄﻖ ﻫﻮ : ﺍﻧﺎ ﺑﺎﻏﻲ ﻧﺘﺰﻭﺟﻬﺎ ﺳﻴﺎﺩﺓ ﺍﻟﻘﺎﺿﻲ " ﻋﻴﻨﻴﺎ ﻭﺳﺎﻋﻮ ﺍﻭ ﻓﻤﻲ ﺗﺤﻞ ﺍﻭ ﺩﺭﺕ ﺷﻔﺖ ﻓﻴﻪ ، ﻟﻘﻴﺖ ﻣﻼ‌ﻣﺢ ﻭﺟﻬﻮ ﻛﺘﻮﺣﻲ ﺑﺎﻟﺠﺪﻳﺔ ﺍﻭ ﻣﻜﻴﻀﺤﻜﺶ ، ﻓﺠﺄﺓ ﺣﺴﻴﺖ ﺑﺮﺟﻠﻴﺎ ﺗﻘﺎﻟﻮ ﻋﻠﻴﺎ ﺍﻭ ﻋﻴﻨﻴﺎ ﺑﺎﻏﻴﻦ ﻳﺘﺴﺪﻭ ﻣﻌﻘﻠﺘﺶ ﻋﻠﻰ ﺭﺍﺳﻲ ﺣﺘﻰ ﻃﺤﺖ ﻓﺎﻷﺭﺽ ﺍﻭ ﻓﻘﺪﺕ ﺍﻟﻮﻋﻲ 

الجزء 5

ﻭﻟﻴﺖ ﻣﺸﻬﻮﺭﺓ ﻓﺎﻟﻤﺴﺘﺸﻔﻴﺎﺕ، ﻫﺎﺩ ﺍﻟﻤﺮﺓ ﻟﻘﻴﺖ ﺭﺍﺳﻲ ﻣﺘﻜﻴﺔ ﺍﻭ ﻣﺎﻣﺎ ﺣﺪﺍﻳﺎ ﺍﻭ ﻋﻴﻨﻴﻬﺎ ﻛﻠﻬﻢ ﺩﻣﻮﻉ ، ﻣﻠﻲ ﺣﻠﻴﺖ ﻋﻴﻨﻴﺎ ﺑﺪﺍﺕ ﻛﺘﻀﺤﻚ ﺍﻭ ﺧﺮﺟﺎﺕ ﻛﺘﺠﺮﻱ، ﺍﻭ ﺍﻧﺎ ﻛﻨﺤﺲ ﺑﺎﻟﺪﻭﺧﺔ ﺍﻭ ﺭﺍﺳﻲ ﺗﻘﻴﻞ ﻋﻠﻴﺎ ﺑﺪﻳﺖ ﻛﻨﻮﺽ ﺑﺸﻮﻳﺔ ﺑﺸﻮﻳﺔ ﺣﻴﺖ ﻟﺤﻤﻲ ﻭﻻ‌ ﻛﻴﻀﺮﻧﻲ ﺑﺎﻟﻨﻌﺎﺱ ، ﺩﺧﻞ ﺍﻟﻄﺒﻴﺐ ﻋﻨﺪﻱ ﻣﻊ ﻣﺎﻣﺎ ﺍﻭ ﺑﺎﻥ ﻟﻴﺎ ﻓﻮﺟﻬﻮ ﺑﻴﻠﻲ ﻣﺤﺒﻂ ﺍﻭ ﺟﺎﻳﺐ ﻣﻌﺎﻩ ﺧﺒﺎﺭ ﺧﺎﻳﺒﺔ ﻗﺎﻝ ﻟﻴﺎ: ﻻ‌ﻟﺔ ﻳﺎﺳﻤﻴﻦ، ﺧﺎﺻﻚ ﺗﻜﻮﻧﻲ ﻗﻮﻳﺔ ﺷﻮﻳﺔ ﻣﻦ ﺑﻌﺪ ﺍﻟﺨﺒﺎﺭ ﻟﻲ ﻏﻨﻘﻮﻝ ﻟﻴﻚ.. ﻧﺘﻲ ﺣﺎﻣﻠﺔ ﺍﻭ ﻋﻨﺪﻙ 15 ﻳﻮﻡ ، ﺧﺎﺻﻚ ﺗﻜﺎﻳﺴﻲ ﻋﻠﻰ ﺭﺍﺳﻚ ﺷﻮﻳﺔ " .. ﻋﻴﻨﻴﺎ ﺗﺤﻠﻮ ﻋﻠﻰ ﻗﺪﻫﻢ : ﺍﺷﻨﻮﻭﻭﻭ؟ ﺣﺎﻣﻠﺔ ؟ " .. ﻛﻴﻔﺎﺵ ﺍﻧﺎ ﺣﺎﻣﻠﺔ ، ﻳﺎ ﺭﺑﻲ ﺷﻨﻮ ﺩﺭﺕ ﺑﺎﺵ ﻳﻄﺮﺍ ﻓﻴﺎ ﻫﺪﺷﻲ ﻛﺎﻣﻞ؟ .. ﻣﻘﻀﺮﺗﺶ ﻧﺤﺒﺲ ﺩﻣﻮﻋﻲ ﺍﻭ ﺑﺪﻳﺖ ﻛﻨﺒﻜﻲ ﺑﺤﺮﻗﺔ ﺍﻭ ﻣﺎﻣﺎ ﻣﺴﻜﻴﻨﺔ ﻋﻨﻘﺎﺗﻨﻲ ﺍﻭ ﺑﺪﺍﺕ ﻛﺘﺒﻜﻲ ، ﺍﻭ ﺍﻟﻄﺒﻴﺐ ﺗﺄﺛﺮ ﺍﻭ ﻭﻻ‌ ﻛﻴﻘﻮﻝ ﻏﻴﺮ ﻻ‌ ﺣﻮﻝ ﻭﻻ‌ ﻗﻮﺓ ﺍﻻ‌ ﺑﺎﻟﻠﻪ : ﻳﺎﺳﻤﻴﻦ ﻣﺨﺼﻜﺶ ﺗﺒﻘﺎﻱ ﺗﺒﻜﻲ، ﻧﺘﻲ ﺩﺍﺑﺎ ﻓﺄﻭﻝ ﻣﺮﺍﺣﻞ ﺍﻟﺤﻤﻞ ﺍﻭ ﺍﺑﺴﻂ ﺣﺎﺟﺔ ﺗﻘﻀﺮ ﺍﻟﺪﻳﺮ ﻟﻴﻚ ﺍﻹﺟﻬﺎﺽ ﺣﻴﺖ ﺻﺤﺘﻚ ﺿﻌﻴﻔﺔ ﺷﻮﻳﺔ" .. ﻭﻟﻜﻦ ﺷﻜﻮﻭﻭﻥ ﻗﻀﺮ ﻳﺤﺒﺲ ﺩﻣﻮﻋﻮ ، ﺍﺷﻨﻮ ﻧﺪﻳﺮ ﺩﺍﺑﺎ؟ ﻛﻠﺸﻲ ﺟﺎ ﺩﻗﺔ ﻭﺣﺪﺓ ، ﺧﺪﻣﺘﻲ ﻣﺸﺎﺕ ، ﺣﺐ ﺣﻴﺎﺗﻲ ﺗﺨﻠﻰ ﻋﻠﻴﺎ ، ﺗﻐﺘﺎﺻﺒﺖ ﺍﻭ ﻛﻠﻴﺖ ﻗﺘﻠﺔ ﺩ ﻟﻌﺼﺎ ، ﺍﻭ ﻓﻮﻕ ﻫﺪﺷﻲ ﻛﺎﻣﻞ ﺣﺎﻣﻠﺔ .. ﻻ‌ ﻻ‌ ﺍﻧﺎ ﻣﻴﻤﻜﻨﺶ ﻧﺨﻠﻴﻪ ﻓﻜﺮﺷﻲ ﻏﻨﺤﻴﺪﻭ.. ﻭﻟﻜﻦ ،ﻭﻟﻜﻦ ﻫﻮ ﻣﻌﻨﺪﻭ ﺣﺘﻰ ﺫﻧﺐ ﻓﻬﺎﺩﺷﻲ .. ﺭﺟﻌﺖ ﺑﻴﺎ ﺍﻟﺬﺍﻛﺮﺓ ﻟﻠﻮﺭ ﻓﺎﺵ ﻛﻨﺖ ﻛﻨﺒﻜﻲ ﻣﻠﻲ ﺑﺎﺑﺎ ﺗﺨﻠﻰ ﻋﻠﻴﻨﺎ ﺍﻭ ﺟﺎﺗﻨﻲ ﺃﺯﻣﺔ ، ﺍﻭ ﺷﺤﺎﻝ ﻛﻨﺖ ﻛﻨﺒﻜﻲ ﻓﺎﺵ ﻛﻨﺸﻮﻑ ﺷﻲ ﺭﺍﺟﻞ ﺷﺎﺩ ﺍﻳﺪ ﺑﻨﺘﻮ .. ﺍﻭ ﻋﻮﺩﺕ ﺗﻔﻜﺮﺕ ﺍﻣﻴﻦ ﻓﺎﺵ ﻛﺎﻥ ﻛﻴﺤﻂ ﺍﻳﺪﻭ ﻋﻠﻰ ﻛﺮﺷﻲ ﻭﻛﻴﻘﻮﻝ ﻟﻴﺎ : ﻫﻨﺎ ﻓﻴﻦ ﻏﻴﻜﺒﺮ ﻭﻟﺪﻧﺎ ، ﻭﻟﺪﻱ ﺍﻧﺎ ﻭﻳﺎﻙ ﺍ ﺣﻴﺎﺗﻲ " .. ﻛﻨﺎ ﻏﻨﺪﻳﺮﻭ ﺍﻟﻌﻘﺪ ﻗﺒﻞ ﻭﻟﻜﻦ ﻫﻮ ﺧﺘﺎﺭ ﻧﺪﻳﺮﻭﻩ ﻣﻊ ﺍﻟﻌﺮﺱ ، ﺗﻮﺣﺸﺘﻮ ﺑﺰﺍﻑ .. ﻓﺠﺄﺓ ﻃﺎﺣﺖ ﻟﻴﺎ ﺻﻮﺭﺓ ﺩﺍﻙ ﺍﻟﺤﻴﻮﺍﻥ ﻓﺒﺎﻟﻲ ﻓﺎﺵ ﻛﺎﻥ ﻛﻴﻘﻮﻝ ﻟﻠﻘﺎﺿﻲ : ﺍﻧﺎ ﺑﺎﻏﻲ ﻧﺘﺰﻭﺟﻬﺎ ﺳﻴﺎﺩﺓ ﺍﻟﻘﺎﺿﻲ" .. ﺑﻬﺎﺩ ﺍﻟﺒﺴﺎﻃﺔ؟ ﻧﻐﺘﺼﺐ ﺍﻭ ﻧﻘﺘﻞ ﺍﻭ ﻧﺤﻤﻞ ﺍﻭ ﺗﺤﻞ ﺑﺎﻟﺰﻭﺍﺝ ؟ ﺩﻣﺎﻏﻲ ﻏﻴﻨﻔﺠﺮ ﺑﺎﻟﺘﻔﻜﻴﺮ ﻣﺒﻘﻴﺖ ﻋﺎﺭﻓﺔ ﻣﻨﺪﻳﺮ، ﺧﺮﺝ ﻟﻴﺎ ﺍﻟﻄﺒﻴﺐ ﺷﻲ ﻣﺴﻜﻨﺎﺕ ﺍﻭ ﻭﺻﺎﻧﻲ ﺑﺎﺵ ﻧﺘﻜﺎﻳﺲ ﻋﻠﻰ ﺭﺍﺳﻲ ﺍﻭ ﻧﺮﺗﺎﺡ، ﻭﻟﻜﻦ ﻭﺍﺵ ﺑﺼﺢ ﻏﻨﺮﺗﺎﺡ ﻣﻦ ﺑﻌﺪ ﻫﺪﺷﻲ ﻟﻲ ﻃﺮﺍ ﻓﻴﺎ؟ .. ﻣﺤﺎﻝ ﻧﺸﻮﻑ ﺍﻟﺮﺍﺣﺔ ﻣﻦ ﺑﻌﺪ ﺍﻟﻴﻮﻡ .. ﻭﻟﻜﻦ ﻋﻼ‌ﺵ ﺍﻧﺎ؟ ﻫﻮ ﻟﻲ ﻣﻐﻴﺸﻮﻓﻬﺎﺵ ، ﻭﺣﻴﺎﺓ ﻫﺎﺩ ﺍﻟﻮﻟﺪ ﻟﻲ ﻓﻜﺮﺷﻲ ﺍﻭ ﻟﻲ ﻣﻌﻨﺪﻭ ﺣﺘﻰ ﺫﻧﺐ ﻣﺴﻜﻴﻦ ﺍﻻ‌ ﺧﻠﻴﺘﻚ ﺗﺮﺗﺎﺡ، ﻏﻨﻮﺭﻳﻚ ﺍﻟﻮﻳﻞ ﺍﻭ ﻧﻌﻠﻤﻚ ﺗﻜﺮﻓﺲ ﻋﻠﻰ ﺑﻨﺎﺕ ﺍﻟﻨﺎﺱ .. ﺭﺟﻌﺖ ﻟﺪﺍﺭﻧﺎ ﺍﻭ ﻏﻴﺮ ﺣﻄﻴﺖ ﺭﺍﺳﻲ ﻧﻌﺴﺖ .. ﻋﻤﺮﻧﻲ ﻛﻨﺖ ﻫﺎﻛﺎ ﻭﻻ‌ ﻋﻤﺮﻧﻲ ﺗﺨﻴﻠﺖ ﺭﺍﺳﻲ ﻧﻮﺻﻞ ﻟﻬﺎﺩﺷﻲ ، ﻛﻨﺖ ﻣﺨﻄﻄﺔ ﻟﻤﺴﺘﻘﺒﻠﻲ ، ﻛﻨﺖ ﻏﻨﻜﻮﻥ ﺍﻟﺰﻭﺟﺔ ﺍﻟﻮﻓﻴﺔ ﻟﺮﺍﺟﻠﻬﺎ، ﻟﻠﺤﺒﻴﺐ ﺩﻳﺎﻟﻲ ﺍﻣﻴﻦ ﻟﻲ ﻏﻨﺒﺪﺍ ﻧﺪﻓﻦ ﺍﻟﺤﺐ ﺩﻳﺎﻟﻮ ﻓﻘﻠﺒﻲ ﻣﻦ ﺍﻟﻴﻮﻣﺎ ، ﺍﻧﺎ ﻣﻜﻨﻮﻟﻮﻣﻮﺵ ﺣﻴﺖ ﺧﻼ‌ﻧﻲ ﻟﺤﻘﺎﺵ ﻣﻴﻤﻜﻨﺶ ﻳﺒﻘﺎ ﻳﺸﻮﻑ ﻓﻮﺣﺪﺓ ﺗﻐﺘﺎﺻﺒﺎﺕ ﺍﻭ ﻫﺎﺯﺓ ﻭﻟﺪ ﻓﻜﺮﺷﻬﺎ ، ﺩﻭﺯﺕ ﻣﻌﺎﻩ ﺍﺣﻠﻰ ﻟﺤﻈﺎﺕ ﺣﻴﺎﺗﻲ .. ﻛﻨﺖ ﺍﻟﺒﻨﺖ ﻟﻲ ﻛﻠﻬﺎ ﺣﻴﻮﻳﺔ ﻭﻧﺸﺎﻁ ، ﺧﺼﻨﻲ ﻛﻞ ﺻﺒﺎﺡ ﻧﺨﺮﺝ ﻧﺠﺮﻱ ﺍﻧﺎ ﻭ ﺍﻣﻴﻦ ﻋﻠﻰ ﺷﻂ ﻟﺒﺤﺮ ، ﻋﻠﻤﻨﻲ ﺷﻲ ﺣﻮﺍﻳﺞ ﻓﺎﻟﻤﻴﻜﺎﻧﻴﻚ ﺣﻴﺖ ﻛﺎﻥ ﻣﻴﻜﺎﻧﻴﻜﻲ ﻣﺤﺘﺮﻑ ﺍﻭ ﻋﻨﺪﻭ ﻣﺤﻞ ﻛﺒﻴﺮ ، ﻫﻬﻪ ﻛﻨﺖ ﻛﻨﻘﻮﻝ ﻟﻴﻪ ﺍﻧﺎ ﻣﻨﺘﺰﻭﺟﺶ ﺑﻴﻚ ﺣﻴﺖ ﺗﻮﻟﻲ ﺗﺠﻴﻨﻲ ﻛﻠﻚ ﻋﺎﻣﺮ ﻻ‌gﺭﻳﺲ ﻫﻬﻪ ﺍﻭ ﻛﺎﻥ ﻛﻴﻘﻮﻟﻲ ﻭﻟﺪﻧﺎ ﻋﻠﻰ ﻫﺎﺩ ﺍﻟﺤﺴﺎﺏ ﻏﻴﻜﻮﻥ ﻛﺤﻞ ﻏﻴﺮ ﻫﻬﻪ ، ﺍﻟﻀﺤﻜﺔ ﻣﻜﺎﻧﺘﺶ ﻛﺘﻔﺎﺭﻕ ﻭﺟﻬﻲ ،ﺍﻣﺎ ﺩﺍﺑﺎ ﺧﺪﺍﻭ ﺑﻼ‌ﺻﺘﻬﻢ ﺩﻣﻮﻋﻲ .. ﻣﻌﻨﺪﻳﺶ ﺷﻲ ﺫﻛﺮﻯ ﻣﻔﻴﻬﺎﺵ امين 

الجزء 6

ﺍﻣﻴﻦ ، ﻳﺎ ﺭﺑﻲ ﺗﺼﺒﺮﻧﻲ ﻋﻠﻰ ﻓﺮﺍﻗﻮ .. ﻓﺎﻟﻐﺪ ﻣﺸﻴﻨﺎ ﻟﻠﻤﺤﻜﻤﺔ ﺑﺎﺵ ﻧﻜﻤﻠﻮ ﺍﻟﻘﻀﻴﺔ ،ﺟﻠﺴﺖ ﻛﻨﺘﺴﻨﻰ ﻧﻮﺑﺘﻲ ﺍﻭ ﻫﻮ ﻳﺠﻲ ﺍﻭ ﻛﺎﻥ ﻓﺈﻳﺪﻭ ﻭﻟﺪ ﺯﻭﻳﻦ ﺑﺰﺍﻑ، ﺍﻭ ﻛﻴﺸﺒﻪ ﻟﻴﻪ ﺷﻮﻳﻴﻴﺔ ، ﻳﻤﻜﻦ ﻭﻟﺪﻭ ﻣﻦ ﺷﻲ ﺑﻨﺖ ﺍﺧﺮﻯ ﺣﻴﺖ ﺑﺤﺎﻝ ﻫﺎﺩ ﺍﻷﺷﻜﺎﻝ ﺳﺎﻫﻞ ﻋﻠﻴﻬﻢ ﻫﺪﺷﻲ ، ﺍﻭ ﻛﺎﻧﺖ ﻣﻌﺎﻩ ﻣﺮﺓ ﺷﻮﻳﺔ ﻛﺒﻴﺮﺓ ﺍﻭ ﻻ‌ﺑﺴﺔ ﺯﻭﻳﻦ ﺑﺎﻳﻨﺔ ﻣﺎﻣﺎﻩ ، ﺍﻧﺎ ﻛﻨﺸﻮﻑ ﺍﻭ ﻛﻨﺨﻨﺰﺭ ، ﺟﻠﺴﻮ ﻓﺎﻟﻜﺮﺍﺳﺎ ﻗﺪﺍﻣﻲ ﺍﻭ ﺟﻠﺲ ﺩﺍﻙ ﺍﻟﻮﺍﻟﺪ ﻓﻮﻕ ﺭﺟﻠﻮ ﺍﻭ ﺍﻟﻮﻟﺪ ﺣﻂ ﺭﺍﺳﻮ ﻋﻠﻰ ﺳﺪﺭ ﺩﺍﻙ ﺍﻟﻤﺴﺦ ﺍﻭ ﺍﻟﻤﺮﺃﺓ ﺷﺎﺩﺓ ﻟﻴﻪ ﻓﺈﻳﺪﻭ ﺍﻭ ﻛﺘﻮﺍﺳﻴﻪ ﺑﺤﺎﻻ‌ ﻫﻮ ﻣﺴﻜﻴﻦ ﺍﻭ ﺍﻧﺎ ﻟﻲ ﻇﺎﻟﻤﺎﻩ ، ﺍﻟﻤﺮﺃﺓ ﻏﻴﺮ ﺷﺎﻓﺘﻨﻲ ﺍﻭ ﺷﺎﻓﺖ ﻭﺟﻬﻲ ﻟﻲ ﻭﻻ‌ ﺑﺤﺎﻝ ﺍﻟﻠﻮﺣﺔ ﺍﻟﺘﺸﻜﻴﻠﻴﺔ ﺷﻬﻘﺖ ﺍﻭ ﺧﺮﺟﺖ ﻋﻴﻨﻴﻬﺎ ﺍﻭ ﺣﻄﺎﺕ ﺍﻳﺪﻳﻬﺎ ﻋﻠﻰ ﻓﻤﻬﺎ، ﺍﻧﺎ ﻭﺍﺧﺎ ﺍﺳﺘﻐﺮﺑﺖ ﻣﻦ ﺩﺍﻙ ﺍﻟﻤﻨﻈﺮ ﻣﺒﻴﻨﺘﺶ ﺍﻭ ﺩﻭﺭﺕ ﻭﺟﻬﻲ ﺍﻭ ﺭﺑﻌﺖ ﺍﻳﺪﻳﺎ ﻋﻨﺪﻱ ، ﺷﻮﻳﺔ ﺑﺎﻧﺖ ﻟﻴﺎ ﻧﺎﺿﺖ ﺍﻭ ﺟﺎﻳﺔ ﺟﻴﻬﺘﻲ ﺣﺘﻰ ﺧﺮﺝ ﻭﺍﺣﺪ ﺍﻭ ﻋﻴﻂ ﻋﻠﻴﻨﺎ :" ﻳﺎﺳﻤﻴﻦ ﺍﻟﺒﺸﻴﺮﻱ ، ﺍﻣﻴﺮ ﺍﻟﻤﺘﻘﻲ " ﺑﺒﺒﻔﻔﻒ gﺍﻟﻚ ﺳﻤﻴﺘﻮ ﺍﻣﻴﺮ .. ﺍﺳﺘﻐﻠﻴﺖ ﺍﻟﻔﺮﺻﺔ ﺍﻭ ﺩﺧﻠﺖ ﻟﻠﻘﺎﻋﺔ ﻗﺒﻞ ﻣﺘﺠﻲ ﻋﻨﺪﻱ ، ﻭﻗﻔﺖ ﺍﻭ ﻫﻮ ﻭﻗﻒ ﻣﻘﺎﺑﻞ ﻣﻌﺎﻳﺎ .. ﺍﻟﻴﻮﻣﺎ ﻏﻨﻌﺮﻑ ﻋﻼ‌ﺵ ﺩﺍﺭ ﻓﻴﺎ ﻫﺎﺩ ﺍﻟﺤﺎﻟﺔ .. " ﺍﻣﻴﺮ ﺍﻟﻤﺘﻘﻲ، ﻧﺘﺎ ﻣﺘﻬﻢ ﺑﺎﻟﻀﺮﺏ ﺍﻭ ﺍﻹﻏﺘﺼﺎﺏ ﻟﻠﻤﺠﻨﻲ ﻋﻠﻴﻬﺎ ﻳﺎﺳﻤﻴﻦ ﺍﻟﺒﺸﻴﺮﻱ ﺣﻴﺚ ﻛﺘﻮﺻﻞ ﺍﻟﻌﻘﻮﺑﺔ ﺩﻳﺎﻟﻬﺎ ﻣﺎ ﺑﻴﻦ ﻋﺎﻣﺎﻳﻦ ﺣﺘﺎﻝ 5 ﺳﻨﻴﻦ .. ﺷﻨﻮ ﻛﺘﻘﻮﻝ ﺑﺎﻟﻨﺴﺒﺔ ﻟﻠﻤﻨﺴﻮﺏ ﺍﻟﻴﻚ " .. ﺍﻣﻴﺮ: ﻛﻠﺸﻲ ﺑﺼﺢ، ﺍﻧﺎ ﻛﻨﻌﺘﺎﺭﻑ ﺑﻴﻠﻲ ﻫﺪﺷﻲ ﺩﺭﺗﻮ " .. ﻣﻦ ﻏﻴﺮ ﻣﺎ ﻧﻔﻜﺮ ﻗﻠﺖ ﻟﻴﻪ " ﻋﻼ‌ﺵ" .. ﺩﺍﺭ ﺷﺎﻑ ﻓﻴﺎ ﺑﺤﺎﻻ‌ ﻣﻜﺎﻧﺶ ﻣﺘﻮﻗﻊ ﻧﺴﻮﻟﻮ ﺍﻧﺎ ، ﺣﺪﺭ ﺭﺍﺳﻮ ﺍﻭ ﺭﻣﺎ ﻋﻴﻨﻴﻪ ﻓﺎﻷﺭﺽ ﺑﺤﺎﻻ‌ ﻛﻴﻘﻠﺐ ﻋﻠﻰ ﺍﻟﺠﻮﺍﺏ ، ﻋﻮﺩ ﻫﺰ ﺭﺍﺳﻮ ﺍﻭ ﺑﺪﺍ ﻛﻴﺤﺮﻙ ﺭﺍﺳﻮ ﺏ ﻻ‌ ﺑﺤﺎﻻ‌ ﻛﻴﻘﻮﻝ ﻟﻴﺎ ﻣﺎﺷﻲ ﺩﺍﺑﺎ .. ﻃﻠﻌﺎﺕ ﻟﻴﺎ ﺍﻟﻘﺮﺩﺓ ﻟﺮﺍﺳﻲ ﺍﻭ ﺑﺪﻳﺖ ﻛﻨﻐﻮﺕ : ﻋﻼ‌ﺵ ﺩﺭﺗﻲ ﻓﻴﺎ ﻫﺎﻛﺎ ﺩﻭﻱ .. ﻋﻼ‌ﺵ ﺩﺭﺗﻲ ﻫﺎﻛﺎ؟" .. ﺍﻟﻘﺎﺿﻲ ﺑﺪﺍ ﻛﻴﻀﺮﺏ ﺍﻭ ﻛﻬﺪﺉ ﻓﺎﻟﻮﺿﻊ : ﻫﺪﻭﺀ ، ﺍﻵﻧﺴﺔ ﻳﺎﺳﻤﻴﻦ ، ﺍﻣﻴﺮ ﺍﻋﺘﺎﺭﻑ ﺑﺎﻷﻓﻌﺎﻝ ﺍﻟﻤﻨﺴﻮﺑﺔ ﻟﻴﻪ ﺍﻭ ﻗﺘﺎﺭﺡ ﺍﻟﺰﻭﺍﺝ ، ﻧﺘﻲ ﻟﻲ ﺑﺈﻳﺪﻙ ﺍﻟﻘﺮﺍﺭ ﻳﺎ ﺍﻣﺎ ﺗﺪﺧﻠﻴﻪ ﻟﻠﺤﺒﺲ ﻭﻻ‌ ﺗﻘﺒﻠﻲ ﺍﻟﺰﻭﺍﺝ ﺍﻭ ﻳﺘﻢ ﺍﻹﻓﻌﺎﺀ ﻋﻠﻴﻪ " .. ﺩﺭﺕ ﺷﻔﺖ ﻓﻴﻪ ، ﻋﻴﻨﻴﻪ ﻣﻐﺮﻏﺮﻳﻦ ﻣﻜﻴﺒﻴﻨﻮﺵ ﺑﻴﻠﻲ ﻫﻮ ﻳﻘﺪﺭ ﻳﺪﻳﺮ ﺩﻳﻚ ﺍﻟﻔﻌﻠﺔ ، ﺍﻭ ﺩﻳﺮﺓ ﺑﻌﻴﻨﻴﻪ ﺍﻟﻬﺎﻻ‌ﺕ ﺍﻟﺴﻮﺩﺍﺀ ﺑﺤﺎﻻ‌ ﻣﻨﺎﻋﺴﺶ ﺷﺤﺎﻝ ﻫﺎﺩﻱ 

الجزء 7

ﺗﻔﻜﺮﺕ ﺍﻣﻴﻦ ، ﺗﻔﻜﺮﺕ ﺍﻟﺤﺎﺩﺛﺔ ، ﺗﻔﻜﺮﺕ ﺍﻟﻮﻟﺪ ﻟﻲ ﻓﻜﺮﺷﻲ ، ﺗﻔﻜﺮﺕ ﺍﻭ ﺗﻔﻜﺮﺕ ﺍﻭ ﺗﻔﻜﺮﺕ ... ﺍﻭ ﻓﺎﻷﺧﻴﺮ ﻧﻄﻘﺘﻬﺎ " ﻣﻮﺍﻓﻘﺔ ﻧﺘﺰﻭﺝ ﺑﻴﻪ " .. ﻏﻤﺾ ﻋﻴﻨﻴﻪ ﺍﻭ ﺣﺪﺭ ﺭﺍﺳﻮ ﻷﺭﺽ ﺍﻭ ﺑﺘﺎﺳﻢ ﺍﺑﺘﺴﺎﻣﺔ ﺧﻔﻴﻔﺔ ، ﺍﻭ ﺍﻟﻘﺎﺿﻲ ﻧﻄﻖ ﺑﺎﻟﺤﻜﻢ :" ﺣﻜﻤﺖ ﺍﻟﻤﺤﻜﻤﺔ ﺣﻀﻮﺭﻳﺎ ﻋﻠﻰ ﺍﻟﻤﺘﻬﻢ ﺍﻣﻴﺮ ﺍﻟﻤﺘﻘﻲ ﺑﺎﻹﻓﺮﺍﺝ .. ﻭﺍﻟﺰﻭﺍﺝ ﺑﺎﻟﻤﺪﻋﻲ ﻋﻠﻴﺎ ﻳﺎﺳﻤﻴﻦ ﺍﻟﺒﺸﻴﺮﻱ ﻟﻤﺪﺓ ﺳﻨﺔ ﻛﺎﻣﻠﺔ" .. ﻣﻠﻲ ﻧﻄﻖ ﺍﻟﻘﺎﺿﻲ ﺑﺎﻟﺤﻜﻢ ﻧﺪﻣﺖ ﻧﺪﻡ ﺷﺪﻳﺪ ، ﺑﻐﻴﺘﻮ ﻳﺘﺸﺪ ﻭﻟﻜﻦ ﺻﺎﻓﻲ ﻓﺎﺕ ﺍﻟﻔﻮﺕ ﺩﺍﺑﺎ ﺍﻭ ﻏﻨﺴﺘﺤﻤﻞ ﻧﻌﻴﺶ ﻣﻌﺎﻩ ﻋﺎﻡ ﻛﺎﻣﻞ .. ﻗﺎﻝ ﻟﻴﻨﺎ ﺍﻟﻘﺎﺿﻲ ﺑﻴﻠﻲ ﻣﻦ ﺑﻌﺪ 15 ﻳﻮﻡ ﻧﺮﺟﻌﻮ ﺑﺎﺵ ﻧﺘﺰﻭﺟﻮ ، ﺧﺮﺟﺖ ﺍﻧﺎ ﻛﻨﻌﺮﺝ ﻋﻨﺪ ﻣﺎﻣﺎ ﻟﻲ ﻋﻨﻘﺎﺗﻨﻲ ﻣﺴﻜﻴﻨﺔ ، ﺍﻭ ﻫﻮ ﻣﻠﻲ ﺧﺮﺝ ﺗﻼ‌ﺡ ﻋﻠﻴﻪ ﺩﺍﻙ ﺍﻟﻮﻟﺪ ﺑﺘﻌﻨﻴﻘﺔ ﺍﻭ ﻣﻮ ﺣﺘﻰ ﻫﻲ ﺍﻭ ﻣﺸﺎﻭ .. ﺍﻟﻤﻬﻢ ﻫﺎﺩ 15 ﻳﻮﻡ ﺩﻭﺯﺗﻬﺎ ﺣﺎﻟﺘﻲ ﻣﻊ ﺍﻟﺒﺪﻳﺔ ﺩﻳﺎﻝ ﺍﻟﺤﻤﻞ ، ﻛﻞ ﻣﺮﺓ ﺩﻳﺨﺔ ﺍﻭ ﺍﻟﺮﺩﺍﻥ ﺍﻭ ﺍﻟﻘﺮﺣﺔ ﻭﺍﺍﻭ ، ﺍﻭ ﻭﺟﻬﻲ ﺑﺪﺍ ﻛﻴﺼﻔﻰ ﺷﻮﻳﺔ ﻣﻦ ﺩﻭﻙ ﺍﻟﻜﺪﻣﺎﺕ ﻟﻲ ﺧﻼ‌ ﻟﻴﺎ ﺩﺍﻙ ﺍﻟﻤﺘﻮﺣﺶ ، ﻭﻟﻜﻦ ﻋﻼ‌ﺵ ﻣﺒﻐﺎﺵ ﻳﻘﻮﻝ ﻟﻴﺎ ﺷﻨﻮ ﺳﺒﺎﺏ ﻟﻲ ﺧﻼ‌ﻩ ﻳﺪﻳﺮ ﻓﻴﺎ ﻫﺎﻛﺎ .. ﺍﻟﻴﻮﻡ ﻏﻨﻤﺸﻲ ﻧﺪﻓﻦ ﺭﺍﺳﻲ ﺍﻭ ﺍﻧﺎ ﺣﻴﺔ ، ﻣﻜﻨﺤﺲ ﺑﻮﺍﻟﻮ ﻣﻦ ﻏﻴﺮ ﺍﻟﻜﺮﻩ ﻟﻲ ﻏﺎﺩﻱ ﺍﻭ ﻛﻴﺘﺰﺍﺩ ، ﺍﻟﻴﻮﻡ ﻏﻨﺘﺰﻭﺝ ﻫﻬﻬﻪ ﺷﺤﺎﻝ ﺯﻭﻳﻨﺔ ﺗﻘﻮﻟﻬﺎ ﺑﺎﻟﻔﻢ ﺍﻭ ﺷﺤﺎﻝ ﺧﻴﺒﺔ ﺗﺤﺲ ﺑﻴﻬﺎ .. ﻛﺎﻥ ﻏﻴﻜﻮﻥ ﺍﺣﻠﻰ ﻧﻬﺎﺭ ﻓﺤﻴﺎﺗﻲ ﻣﻊ ﺣﺒﻴﺒﻲ ﻟﻲ ﻋﺸﺖ ﺣﻴﺎﺗﻲ ﻛﺎﻣﻠﺔ ﻣﻌﺎﻩ، ﻛﻨﺖ ﻛﻞ ﺣﺎﺟﺔ ﻛﻨﺪﻳﺮﻫﺎ ﺍﻧﺎ ﻭﻳﺎﻩ، ﻛﻴﻔﺎﺵ ﻗﻀﺮ ﻳﺘﺨﻠﻰ ﻋﻠﻴﺎ ﺑﻬﺎﺩ ﺍﻟﻄﺮﻳﻘﺔ؟ ﻓﻴﻦ ﻣﺸﻰ ﺍﻟﺤﺐ ﻟﻲ ﻛﺎﻥ ﺑﻴﻨﺎﺗﻨﺎ ، ﺩﻭﻙ ﺍﻟﺸﻮﻓﺎﺕ ﻟﻲ ﻛﺎﻥ ﻛﻴﺪﻳﺮ ﻓﻴﺎ ﻣﻠﻲ ﻛﻨﻜﻮﻧﻮ ﺧﺎﺭﺟﻴﻦ ﺍﻭ ﻻ‌ﺑﺴﺔ ﺯﻭﻳﻦ ﺍﻭ ﻛﻴﺸﺪ ﻓﺈﻳﺪﻱ ﺍﻭ ﻳﻘﻮﻝ ﻟﻴﺎ " ﻛﻞ ﻧﻬﺎﺭ ﻛﺘﺰﻳﺪﻱ ﺗﺰﻳﺎﻧﻲ" ، ﻋﻤﺮﻧﻲ ﺷﻔﺖ ﻓﺸﻲ ﻭﺍﺣﺪ ﻣﻦ ﻏﻴﺮﻭ ﻭﻻ‌ ﺣﺘﻰ ﻓﻜﺮﺕ ﻧﺪﻳﺮﻫﺎ ، ﻛﻨﺖ ﻷﻣﻴﻦ ﺑﻮﺣﺪﻭ ، ﻛﻴﻔﺎﺵ ﻗﻀﺮ ﻳﺨﻠﻴﻨﻲ ﻧﻜﻮﻥ ﻟﻮﺍﺣﺪ ﺁﺧﺮ .. ﻟﺒﺴﺖ ﺍﻟﻜﺤﻞ ﻓﺎﻟﻜﺤﻞ ﺍﻭ ﺟﻤﻌﺖ ﺷﻌﺮﻱ ﻋﻠﻰ ﺷﻜﻞ ﻛﻌﻜﺔ ﺍﻭ ﺩﺭﺕ ﻧﻀﺎﺿﺮ ﻋﻠﻰ ﻗﺒﻞ ﻫﺎﺩ ﺍﻟﻌﻴﻨﻴﻦ ﻟﻲ ﻭﻻ‌ﺕ ﺩﻳﺮﺓ ﺑﻴﻬﻢ ﺍﻟﺰﺭﻭﻗﻴﺔ ، ﺩﺍﺑﺎ ﻋﻨﺪﻱ ﺷﻬﺮ ﺩﻳﺎﻝ ﺍﻟﺤﻤﻞ ، ﻭﻟﻜﻦ ﻣﺰﺍﻝ ﻛﺮﺷﻲ ﻣﺎ ﺑﺎﻧﺖ ﺍﻭ ﻫﺎﺩﻱ ﺍﺣﺴﻦ ﺣﺎﺟﺔ .. ﻭﺻﻠﺖ ﺍﻭ ﻫﺎﺩ ﺍﻟﻤﺮﺓ ﺑﻮﺣﺪﻱ ﻣﻤﺸﺎﺗﺶ ﻣﻌﺎﻳﺎ ﻣﺎﻣﺎ ، ﺩﺧﻠﺖ ﻣﻊ ﺍﻟﻤﺤﻜﻤﺔ ﻛﻴﺒﺎﻥ ﻟﻴﺎ ﻻ‌ﺑﺲ ﻛﻮﺳﺘﻴﻢ ﻓﺎﻟﻨﻮﺍﺭ ﺍﻭ ﻣﻘﺎﺩ ﺭﺍﺳﻮ ﺑﺤﺎﻻ‌ ﻋﺮﻳﺲ ﺩﻳﺎﻝ ﺑﺼﺢ ، ﺿﻐﻄﺖ ﻋﻠﻰ ﺳﻨﺎﻧﻲ ﺍﻭ ﺟﻤﻌﺖ ﺍﻳﺪﻱ ﻋﻠﻰ ﺷﻜﻞ ﻗﺒﻀﺔ ﺍﻭ ﻣﺸﻴﺖ ﺭﻳﺤﺖ .. ﺍﻭ ﺍﻟﻤﻔﺎﺟﺌﺔ ﻫﻲ ﻣﻠﻲ ﺟﺎ ﻋﻨﺪﻱ ﺍﻟﻮﻟﺪ ﺍﻟﺼﻐﻴﻮﺭ ﻟﻲ ﻛﻴﻜﻮﻥ ﻣﻌﺎﻩ ، ﺟﺎ ﺍﻭ ﺗﻜﻮﻥ ﻋﻨﺪﻭ ﺩﻳﻚ 4 ﺳﻨﻴﻦ ، ﻗﺮﺏ ﻟﻮﺟﻬﻲ ﺍﻭ ﺑﺪﺍ ﻛﻴﻘﻴﺲ ﻓﻴﻪ ﺑﺸﻮﻳﺔ ﺍﻧﺎ ﺗﺼﺪﻣﺖ ﻣﻌﺮﻓﺖ ﻣﻨﺪﻳﺮ ﻣﻦ ﻏﻴﺮ ﺑﻘﻴﺖ ﻏﻴﺮ ﺟﺎﻟﺴﺔ ، ﺣﻴﺪ ﻟﻴﺎ ﺍﻟﻨﻀﺎﺿﺮ ﺍﻭ ﺣﻨﺎ ﺭﺍﺳﻲ ﺟﻨﺐ ﺑﺤﺎﻻ‌ ﺑﺎﻏﻲ ﻳﻘﺮﻯ ﻟﻴﺎ ﺍﻟﻤﻼ‌ﻣﺢ ﺩﻳﺎﻝ ﻭﺟﻬﻲ ﺩﻭﺯ ﺍﻳﺪﻭ ﻋﻠﻰ ﻋﻴﻨﻴﺎ ﻧﻴﻔﻲ ﻓﻤﻲ ﺍﻭ ﻋﺎﻭﺩ ﺭﺟﻪ ﻟﺠﺒﻬﺘﻲ ،ﺍﻭ ﺣﻴﺖ ﻛﻴﻨﺔ ﻛﺪﻣﺔ ﻣﺰﺍﻝ ﻣﺎ ﺑﺮﺍﺕ ﺗﻮﻋﺖ ﺍﻭ ﻗﻔﺰﺕ ﺍﻭ ﺣﺘﻰ ﻫﻮ ﻗﻔﺰ ﺍﻭ ﺟﻤﻊ ﺍﻳﺪﻭ، ﺍﻭ ﺗﻢ ﺭﺍﺟﻊ ﺍﻭ ﻣﺸﻰ ﺍﻭ ﺩﺍ ﻣﻌﺎﻩ ﻧﻀﺎﺿﺮ ، ﺍﻭ ﻣﺸﻰ ﻋﻨﺪ ﺍﻣﻴﺮ ،ﻟﻘﻴﺘﻮ ﻣﺼﺪﻭﻡ ﻣﻔﻬﻤﺖ ﻭﺍﻟﻮ، ﺷﻮﻳﺔ ﻋﻴﻄﻮ ﻟﻴﻨﺎ ، ﺧﻼ‌ ﺍﻟﻮﻟﺪ ﻣﻊ ﻣﺎﻣﺎ ﻟﻲ ﻓﻨﻤﺎ ﺗﺸﻮﻓﻨﻲ ﺗﺒﻘﻰ ﺗﺤﺴﺮ .. ﺩﺧﻠﻨﺎ ﺍﻭ ﻫﺎﺩ ﺍﻟﻤﺮﺓ ﻭﻗﻔﻨﺎ ﺣﺪﺍ ﺑﻌﻀﻴﺎﺗﻨﺎ ، ﺑﻼ‌ﻣﺎ ﻧﻄﻮﻝ ﻋﻠﻴﻜﻢ ﺍﻭ ﻧﻘﻮﻟﻜﻢ ﺍﻟﻬﺪﺭﺓ ﺩﻳﺎﻝ ﺍﻟﻘﺎﺿﻲ ﺍﻟﻤﻬﻢ ﻗﺎﻝ ﻟﻴﻪ ﻭﺍﺵ ﻧﺘﺎ ﻣﻮﺍﻓﻖ ﺗﺰﻭﺝ ﻳﺎﺳﻤﻴﻦ ﺍﻟﺒﺸﻴﺮﻱ ؟ ﻭﺍﻓﻖ ﺩﻏﻴﺎ ، " ﻳﺎﺳﻤﻴﻦ ﺍﻟﺒﺸﻴﺮﻱ، ﻛﺘﻮﺍﻓﻘﻲ ﺗﺰﻭﺟﻲ ﺑﺄﻣﻴﺮ ﺍﻟﻤﺘﻘﻲ ﻣﻦ ﺩﻭﻥ ﺿﻐﻂ ﻭﻻ‌ ﺍﻛﺮﺍﻩ ﻋﻠﻴﻚ؟" .. ﺑﻘﻴﺖ ﺳﺎﻛﺘﺔ ﺍﻭ ﻗﻠﺒﻲ ﺑﺪﺍ ﻛﻴﻀﺮﺏ، ﺣﺴﻴﺖ ﺑﻨﻔﺴﻲ ﻛﺘﻤﺸﻲ ﺍﻭ ﺗﺨﻨﻘﺖ ﺍﻭ ﻋﻴﻨﻴﺎ ﻏﺮﻏﺮﻭ، ﺩﺍﺯ ﺷﺮﻳﻂ ﺣﻴﺎﺗﻲ ﻣﻊ ﺍﻣﻴﻦ ﺑﺤﺎﻻ‌ ﻏﻨﻤﻮﺕ ، ﻫﺰﻳﺖ ﻋﻴﻨﻲ ﻓﺎﻟﻘﺎﺿﻲ ﺍﻭ ﺩﻣﻮﻋﻲ ﻋﻠﻰ ﻃﺮﻑ ﻋﻴﻨﻲ ﺍﻭ ﻫﻮ ﻛﻴﻘﻮﻝ ﻟﻴﺎ "ﺩﻭﻱ ﺍ ﺑﻨﺘﻲ ﺩﻭﻱ " .. " ﺍﻩ " .. ﻣﻦ ﺑﻌﺪ ﻗﺎﻝ ﻟﻴﺎ ﺷﻨﻮ ﻫﻲ ﺷﺮﻭﻃﻚ ﺍ ﺑﻨﺘﻲ .. ﺍﻭﻝ ﺣﺎﺟﺔ ﻃﺎﺣﺖ ﻓﺒﺎﻟﻲ ﻫﻲ ﻧﻄﻠﻖ ﻣﻦ ﺑﻌﺪ ﻫﺎﺩ ﺍﻟﺴﻨﺔ .. ﻗﻠﺘﻬﺎ ﻟﻠﻘﺎﺿﻲ ﺍﻭ ﻛﺘﺒﻮﻫﺎ ﻓﺎﻟﻌﻘﺪ ،ﺣﺴﻴﺖ ﺑﻴﻠﻲ ﺍﻟﻘﺎﺿﻲ ﻭﺍﻗﻒ ﻣﻌﺎﻳﺎ .. ﻣﻦ ﺑﻌﺪ ﻃﻠﺐ ﻣﻨﺎ ﺍﻟﻘﺎﺿﻲ ﻧﺴﻨﻴﻮ ﻋﻠﻰ ﺍﻟﻮﺭﺍﻕ ﻫﺎﺩﻱ .. ﻣﻦ ﺑﻌﺪ ﻣﺎ ﺳﻨﻴﺖ ﺭﺟﻠﻴﺎ ﻓﺸﻠﻮ ﻋﻠﻴﺎ ﺍﻭ ﻛﻨﺖ ﻏﻨﻄﻴﺢ ﺍﻭ ﻫﻮ ﻳﺸﺪﻧﻲ: ﻃﻠﻖ ﻣﻨﻲ ﻣﺘﻤﺴﻨﻴﺶ" ﺍﻭ ﺟﻠﺴﺖ ﻟﻸﺭﺽ ﺍﻭ ﺑﺪﻳﺖ ﻛﻨﺒﻜﻲ ﺑﺤﺎﻝ ﺍﻻ‌ ﻣﺎﺕ ﻟﻴﺎ ﺷﻲ ﻭﺍﺣﺪ ﻋﺰﻳﺰ، ﻛﺎﻥ ﺭﺍﺳﻲ ﻟﻲ ﻣﺎﺕ ﻧﻮﺿﺘﻨﻲ ﺍﻟﻜﺎﺗﺒﺔ ﻟﻲ ﻣﻊ ﺍﻟﻘﺎﺿﻲ ﺍﻭ ﺟﻠﺴﺎﺗﻨﻲ ﺍﻭ ﻋﻄﺎﺗﻨﻲ ﻗﺮﻋﺔ ﺍﻟﻤﺎ ﻧﺸﺮﺏ 

الجزء 8

ﻫﺰﻳﺖ ﺭﺍﺳﻲ ﻟﻲ ﻭﻻ‌ ﻛﻠﻮ ﺩﻣﻮﻉ ﻟﻘﻴﺘﻮ ﺟﺎﻟﺲ ﺍﻭ ﺷﺎﺩ ﺭﺍﺳﻮ ، ﻣﻦ ﺑﻌﺪ ﻗﺎﻝ ﻟﻴﻨﺎ ﺍﻟﻘﺎﺿﻲ ﺑﺎﺵ ﻏﺪﺍ ﻧﺠﻴﻮ ﻧﺎﺧﺪﻭ ﺍﻟﻌﻘﺪ .. ﺷﺪﺍﺕ ﺑﺈﻳﺪﻳﺎ ﺍﻟﻜﺎﺗﺒﺔ ﺍﻭ ﺧﺮﺟﺎﺗﻨﻲ ﺍﻭ ﻛﻤﻠﺖ ﺍﻧﺎ ، ﺍﻭ ﻫﻮ ﺧﺮﺝ ﻋﻨﺪ ﻣﻮ ﺍﻭ ﺩﺍﻙ ﺍﻟﻮﻟﺪ .. ﺗﻤﻴﺖ ﻏﺎﺩﺓ ﺍﻭ ﻛﻨﻤﺴﺢ ﻓﺪﻣﻮﻋﻲ ﺍﻭ ﺷﺎﺩﺓ ﺩﺭﻋﻴﻨﻲ ﺑﺈﻳﺪﻳﺎ ﺣﻴﺖ ﺣﺴﻴﺖ ﺑﺎﻟﺒﺮﺩ ، ﺷﻮﻳﺔ ﺳﻤﻌﺖ ﺷﻲ ﻣﺮﺍ ﻛﺘﻌﻴﻜﻢ ﻋﻠﻴﺎ ، ﺩﺭﺕ ﻟﻘﻴﺘﻬﺎ ﻣﻮ : ﺑﻨﺘﻲ ﻳﺎﺳﻤﻴﻦ ، ﻧﺘﻲ ﻣﻐﺘﻘﺪﻳﺶ ﺗﻤﺸﻲ ﺧﻠﻴﻨﺎ ﻧﻮﺻﻠﻮﻙ ﻣﻌﺎﻧﺎ " .. ﺍﻧﺎ : ﻻ‌ ﻧﻘﻀﺮ ﻧﻤﺸﻲ ﺑﻮﺣﺪﻱ " .. ﺍﻡ ﺍﻣﻴﺮ : ﺑﻨﺘﻲ ﻧﺘﺎ ﻏﺪﺍ ﻏﺘﻤﺸﻲ ﻣﻌﺎﻧﺎ ﻟﻠﺪﺍﺭ ﺣﻴﺖ ﻫﺪﺷﻲ ﻟﻲ ﺣﻜﻢ ﺑﻴﻪ ﺍﻟﻘﺎﺿﻲ، ﺧﺼﻨﺎ ﻧﻌﺮﻓﻮ ﺩﺍﺭﻛﻢ ﻓﻴﻦ ﺟﺎﺕ ﺍﻭ ﺧﺎﺻﻚ ﺗﺠﻤﻌﻲ ﺣﻮﻳﺠﻚ " .. ﻣﻌﺮﻓﺖ ﻣﻨﺪﻳﺮ ، ﺍﻭ ﻭﺍﻓﻘﺖ ﺑﺎﺵ ﻳﺸﻮﻓﻮ ﺩﺍﺭﻧﺎ ﻓﻴﻦ ﺟﺎﺕ ، ﻭﻟﻜﻦ ﻃﻠﺒﺖ ﻣﻦ ﻣﻮ ﺑﺎﺵ ﺗﻘﻮﻝ ﻟﻴﻪ ﻣﻴﻬﺪﺭﺵ ﻣﻌﺎﻳﺎ ، ﺗﻤﻴﻨﺎ ﻏﺎﺩﻳﻦ ﻟﺘﻮﺍﺭg.. ﺑﻴﻨﺔ ﻓﻴﻬﻢ ﻻ‌ﺑﺎﺱ ﻋﻠﻴﻬﻢ، ﺩﻛﺸﻲ ﻋﻼ‌ﺵ ﻛﻴﺪﻳﺮ ﻫﺎﻛﺎ ، ﻭﻟﻜﻦ ﺷﻨﻮ ﻛﺎﻥ ﻛﻴﺪﻳﺮ ﻓﺪﻳﻚ ﺍﻟﺒﻼ‌ﺻﺔ ﺗﻤﺎﻙ ﻛﻴﻨﻴﻦ ﻏﻴﺮ ﺍﻷﺣﻴﺎﺀ ﺍﻟﺸﻌﺒﻴﺔ ، ﺍﻟﻤﻬﻢ ﻣﺎﻣﺎﻩ ﺣﻼ‌ﺕ ﻟﻴﺎ ﺍﻟﺒﺎﺏ ﻟﻲ ﺣﺪﺍﻩ ﺍﻭ ﺍﻧﺎ ﻧﺤﺮﻙ ﻟﻴﻬﺎ ﺭﺍﺳﻲ ﺏ ﻻ‌ ﺍﻭ ﻣﺸﻴﺖ ﺣﻠﻴﺖ ﺍﻟﺒﺎﺏ ﺍﻟﻠﻮﺭ ، ﺟﻠﺴﺖ ﺣﺪﺍ ﺍﻟﺒﺎﺏ ﺍﻭ ﺑﻘﻴﺖ ﻛﻨﺸﻮﻑ ﻓﺎﻟﺰﺍﺝ ﺍﻭ ﺟﻠﺴﻮ ﺣﺪﺍﻳﺎ ﺍﻟﻮﻟﺪ .. ﺍﻟﻤﻬﻢ ﻃﺮﻳﻖ ﻛﺎﻣﻠﺔ ﺍﻭ ﺩﻣﻮﻋﻲ ﺩﻳﺰﻳﻦ ﺍﻭ ﻣﺪﻳﺮﺍﺵ ﺍﻟﺤﺲ ﺣﺘﻰ ﻭﺻﻠﻨﺎ ( ﻭﺭﻳﺖ ﻟﻤﺎﻣﺎﻩ ﺍﻟﻄﺮﻳﻖ ﻗﺒﻞ ﻣﺎ ﻧﺮﻛﺐ ) ﻧﺰﻟﺖ ﻣﻘﻠﺖ ﻭﺍﻟﻮ ﺍﻭ ﺗﻤﻴﺖ ﻏﺎﺩﺍ ﻫﻲ ﺗﻌﻴﻂ ﻋﻠﻴﺎ ﻣﺎﻣﺎﻩ ، ﻭﻗﻔﺖ ﺍﻭ ﻫﻲ ﺗﺠﻲ ﻋﻨﺪﻱ : ﺑﻨﺘﻲ ﻏﺪﺍ ﻣﻊ 9 ﻏﺎﺩﻱ ﻧﻄﺮgﻭﻙ ﺑﺎﺵ ﺗﻤﺸﻲ ﻟﻠﻤﺤﻜﻤﺔ ﺍﻭ ﻣﻦ ﺗﻤﺎﻙ ﻟﺪﺍﺭﻙ ﺍﻟﺠﺪﻳﺪﺓ " ، ﺣﺮﻛﺖ ﺭﺍﺳﻲ ﺏ ﺍﻩ ﺍﻭ ﻣﺸﻴﺖ .. ﻃﻠﻌﺖ ﻟﻠﺪﺍﺭ ﺍﻭ ﻛﻨﺤﺲ ﺑﻌﻀﺎﻣﻲ ﺗﻘﺎﻝ ﻋﻠﻴﺎ ، ﺩﺧﻠﺖ ﻟﺒﻴﺘﻲ ﺑﻼ‌ﻣﺎ ﻧﻬﺪﺭ ﻣﻊ ﻣﺎﻣﺎ ﺍﻭ ﻧﻌﺴﺖ ﻣﺎ ﻓﻘﺖ ﺣﺘﺎﻝ 9 ﺩﻳﺎﻝ ﺍﻟﻴﻞ ﻟﻘﻴﺖ ﻣﺎﻣﺎ ﻣﻄﻴﺒﺔ ﻟﻌﺸﺎﺀ .. ﻣﺼﺎﻭﺑﺔ ﺍﻟﺒﻴﺘﺰﺍ ﻭ ﺷﻲ ﻃﺎﻏﻂ ، ﺍﻷﻛﻼ‌ﺕ ﺍﻟﻤﻔﻀﻠﺔ ﺩﻳﺎﻟﻲ ، ﻭﻟﻜﻦ ﺭﻳﺤﺘﻬﻢ ﺟﺎﺗﻨﻲ ﺧﺎﻧﺰﺓ ﻫﺎﺩ ﺍﻟﻤﺮﺓ ﻛﻠﻴﺖ ﻏﻴﺮ ﺳﻼ‌ﺩ ﺻﺎﻓﻲ ، ﻣﻦ ﺑﻌﺪ ﺟﻤﻌﺖ ﺍﻟﺪﻧﻴﺎ ﺍﻭ ﻏﺴﻠﺖ ﺍﻟﻤﺎﻋﻦ ﺍﻭ ﺟﻠﺴﺖ ﻧﻬﺪﺭ ﻣﻊ ﻣﺎﻣﺎ .. ﻋﻮﺩﺕ ﻟﻴﻬﺎ ﺩﻛﺸﻲ ﻟﻲ ﻃﺮﺍ ﻓﺎﻟﻤﺤﻜﻤﺔ ﺍﻭ ﺍﻟﻬﺪﺭﺓ ﻟﻲ ﻗﺎﻟﺖ ﻟﻴﺎ ﻣﺎﻣﺎﺕ ﺍﻣﻴﺮ ، ﻣﺴﻜﻴﻨﺔ ﺑﻘﺎ ﻓﻴﻬﺎ ﺍﻟﺤﺎﻝ ﺣﻴﺖ ﻏﻨﺒﻌﺪ ﻋﻠﻴﻬﺎ : ﺻﺎﻓﻲ ﺳﺨﻴﺘﻲ ﺑﻴﺎ ؟ ﻫﻬﻪ ﺍﻭﺍ ﻫﺎﺩﻱ ﻫﻲ ﺳﻨﺔ ﺍﻟﺤﻴﺎﺓ ﺍ ﺑﻨﻴﺘﻲ ﻏﻴﺮ ﺭﺩﻱ ﻟﺒﺎﻝ ﻟﺮﺍﺳﻚ .. ﺍﻭ ﺣﺘﻰ ﺍﻧﺎ ﻛﻴﺒﺎﻥ ﻟﻴﺎ ﺩﺍﻙ ﺍﻟﻮﻟﺪ ﺿﺮﻳﻒ ﻏﻴﺮ ﻣﻌﺮﻓﺘﺶ ﻛﻴﻔﺎﺵ ﺩﺍﺭ ﻫﺎﺩ ﺍﻟﻔﻌﻠﺔ " .. ﺍﻧﺎ: ﺍ ﻣﺎﻣﺎ ﻫﺎﺩﺍﻙ ﺭﺍﻩ ﺫﻳﺐ ﻓﻠﺒﺎﺱ ﺧﺮﻭﻑ ، ﻭﻟﻜﻦ ﺣﻴﺎﺗﻮ ﻏﺘﻮﻟﻲ ﺟﺤﻴﻢ " .. ﺍﻟﻤﻬﻢ ﻋﻨﻘﺖ ﻣﺎﻣﺎ ﺍﻭ ﻣﺸﻴﺖ ﻧﺠﻤﻊ ﺣﻮﻳﺠﻲ .. ﺩﺍﺑﺎ 8:50 ﺩﻳﺎﻝ ﺍﻟﺼﺒﺎﺡ .. ﺑﻘﺎﺕ 10 ﺩﻗﺎﻳﻖ ﺍﻭ ﻏﻨﺒﺪﺍ ﺣﻴﺎﺓ ﺟﺪﻳﺪﺓ .. ﻏﻨﻮﺭﻳﻚ ﻟﻲ ﻋﻤﺮﻙ ﺷﻔﺘﻴﻪ ﺍ ﺍﻟﺴﻲ ﺍﻣﻴﺮ ﺍﻟﻤﺘﻘﻲ ، ﻫﺰﺕ ﻓﺎﻟﻴﺰﺗﻲ ﺍﻭ ﻭﺩﻋﺖ ﻣﺎﻣﺎ ﺍﻭ ﺩﺍﺭﻧﺎ ﻟﻲ ﻛﺎﻧﺖ ﻛﺘﺸﻬﺪ ﻋﻠﻰ ﺣﺒﻲ ﺍﻧﺎ ﺍﻭ ﺍﻣﻴﻦ 

الجزء 9

ﺳﻤﻌﺖ ﺍﻟﻜﻼ‌ﻛﺴﻮﻥ ﺩﻳﺎﻝ ﺍﻟﻄﻮﻣﻮﺑﻴﻞ، ﻫﺰﺍﺕ ﻟﻴﺎ ﻣﺎﻣﺎ ﻓﺎﻟﻴﺰﺗﻲ ﺣﻴﺖ ﺛﻘﻴﻠﺔ ﺧﺎﻓﺖ ﻋﻠﻴﺎ ﻫﺒﻄﺎﺗﻬﺎ ﺍﻭ ﺣﻨﺎ ﻧﻠﻘﺎﻭﻫﻢ ﻭﺍﻗﻔﻴﻦ ، ﻣﺎﻣﺎﻩ ﺧﺮﺟﺎﺕ ﺍﻭ ﺟﺎﺕ ﺳﻠﻤﺎﺕ ﻋﻠﻴﻨﺎ ﺍﻭ ﺟﺮﺍﺕ ﻣﺎﻣﺎ ﺍﻭ ﺑﻘﺎﻭ ﻛﻴﻬﺪﺭﻭ ﺑﻴﻨﺎﺗﻬﻢ ﺑﻴﻨﺎ ﻣﺎﻣﺎ ﻛﺘﻮﺻﻴﻬﺎ ﻋﻠﻴﺎ، ﺍﻣﺎ ﻫﻮ ﺟﺎ ﻫﺰ ﺍﻟﻔﺎﻟﻴﺰﺓ ﺍﻭ ﻣﺸﺎ ﺣﻄﻬﺎ ﻓﺎﻟﻄﻮﻣﻮﺑﻴﻞ، ﺍﻭ ﺍﻧﺎ ﻏﻴﺮ ﻛﻨﺨﻨﺰﺭ ﻓﻴﻪ ﺍﻭ ﻣﻜﺮﻫﺘﺶ ﻧﺎﻛﻠﻮ ﺑﺴﻨﺎﻧﻲ .. ﺟﺎﺕ ﻋﻨﺪﻱ ﻣﺎﻣﺎ ﺍﻭ ﺍﻡ ﺍﻣﻴﺮ ﺍﻭ ﻭﺩﻋﺎﺗﻨﻲ ﺍﻭ ﺍﻧﺎ ﺑﻘﻴﺖ ﻛﻨﺒﻜﻲ ﺍﻭ ﻧﻌﻨﻖ ﻓﻴﻬﺎ ﺑﺎﻟﺠﻬﺪ ﺑﺤﺎﻻ‌ ﻏﺎﺩﻳﻦ ﻳﺨﻄﻔﻮﻧﻲ ﻣﻨﻬﺎ ﺍﻭ ﻣﺎﻣﺎﺕ ﺍﻣﻴﺮ ﺑﻘﺎﺕ ﻛﺘﺪﻭﺯ ﻟﻴﺎ ﻋﻠﻰ ﻇﻬﺮﻱ ﺑﺈﻳﺪﻫﺎ ﺑﺤﺎﻻ‌ ﻛﺘﻮﺍﺳﻴﻨﻲ.. ﻫﺎﺩ ﺍﻟﺴﻴﺪﺓ ﺷﺤﺎﻝ ﺿﺮﻳﻔﺔ ﻭﻟﻜﻦ ﻣﺎ ﺭﺑﺎﺕ ﻭﺍﻟﻮ، ﺩﺍﺗﻨﻲ ﺍﻭ ﻣﺸﻴﻨﺎ ﻟﻠﻤﺤﻜﻤﺔ، ﺍﻧﺎ ﻣﺨﺮﺟﺘﺶ ﻫﻮ ﻟﻲ ﻣﺸﺎ ﻳﺠﻴﺐ ﻟﻌﻘﺪ، ﺟﺎﺑﻮ ﺍﻭ ﺷﺪﻳﻨﺎ ﺍﻟﻄﺮﻳﻖ ، ﺍﻧﺎ ﻣﺪﻳﺘﻬﺎ ﻓﻮﺍﻟﻮ ﺑﻘﻴﺖ ﻏﻴﺮ ﻣﻘﺎﺑﻠﺔ ﺍﻟﻄﺮﻳﻖ ﺣﺘﻰ ﺩﺧﻠﻨﺎ ﻭﺳﻂ ﺍﻟﻔﻴﻼ‌ﺕ ﺍﻭ ﻫﻮ ﻳﻮﻗﻒ ﻗﺪﺍﻡ ﻭﺍﺣﺎﺩ ﺍﻟﻔﻴﻼ‌ ، ﺣﻞ ﺍﻟﺒﺎﺏ ﺍﻭ ﺩﺧﻠﻨﺎ ﻣﻊ ﺍﻟﺠﺮﺩﺓ ﺍﻟﻜﺒﻴﻴﻴﺮﺓ ﺯﻭﻳﻴﻴﻴﻴﻴﻨﺔ ﺑﺰﺍﻑ، ﻫﺒﻄﻨﺎ ﺍﻭ ﻫﻮ ﻳﺘﺤﻞ ﺍﻟﺒﺎﺏ ﺍﻭ ﺧﺮﺟﺎﺕ ﻣﻨﻮ ﻭﺍﺣﺎﺩ ﺍﻟﺒﻨﺖ ﺯﻭﻳﻴﻴﻨﺔ، ﺗﻜﻮﻥ ﻗﺪﻱ ﻓﺎﻟﻌﻤﺮ ﺷﻌﺮﻫﺎ ﻃﻮﻳﻞ ﺍﻭ ﺯﻋﺮ ﺍﻭ ﻫﻲ ﺑﻴﻀﺔ ﺍﻭ ﻻ‌ﺑﺴﺔ ﻟﺒﺲ ﻗﺼﻴﺮ، ﺟﺎﺕ ﻛﺘﺠﺮﻱ ﺍﻭ ﺗﻼ‌ﺣﺖ ﻋﻠﻰ ﺍﻣﻴﺮ ﻋﻨﻘﺎﺗﻮ، ﺍﻧﺎ ﺿﺤﻜﺖ ﺑﺴﺨﺮﻳﺔ ﻋﻠﻰ ﺍﻟﻤﻨﻈﺮ ﺍﻭ ﺩﻭﺭﺕ ﻭﺟﻬﻲ ﻛﻨﺸﻮﻑ ﻓﺎﻟﺠﺮﺩﺓ، ﺷﻮﻳﺔ ﺍﻭ ﺩﻳﻚ ﺍﻟﺒﻨﺖ ﻋﻴﻄﺎﺕ ﻟﻴﺎ: ﻳﺎﺳﻤﻴﻦ، ﺷﻜﺮﺍ ﺑﺰﺍﻑ ﻭﺍﻟﻠﻪ، ﺧﻴﺮﻙ ﻣﻴﺘﻨﺴﺎﺵ" ﺍﺳﺘﻐﺮﺑﺖ ﺍﻭ ﺑﻘﻴﺖ ﻏﻴﺮ ﻛﻨﺸﻮﻑ ﻓﻴﻬﺎ .. ﻣﺪﺍﺕ ﻟﻴﺎ ﺍﻳﺪﻫﺎ ﺑﺎﺵ ﺗﺴﻠﻢ ﻋﻠﻴﺎ : ﺍﻧﺎ ﻟﻴﻠﻰ، ﺍﺧﺖ ﺍﻣﻴﺮ" ، ﻣﺪﻳﺖ ﻟﻴﻬﺎ ﺍﻳﺪﻱ ﺍﻭ ﻣﻨﻄﻘﺖ ﺑﻮﺍﻟﻮ ﺍﻭ ﻫﻮ ﻏﻴﺮ ﻣﻘﺎﺑﻠﻨﺎ ، ﺣﻴﺪﺕ ﺍﻳﺪﻱ ﺍﻭ ﺷﻔﺖ ﻓﻤﺎﻣﺎﺕ ﺍﻣﻴﺮ ﺍﻭ ﻫﻲ ﻓﻬﻤﺎﺗﻨﻲ ﺑﻴﻠﻲ ﺑﺎﻏﺎ ﻧﺪﺧﻞ، ﺩﺧﻼ‌ﺗﻨﻲ ﺍﻭ ﺩﻳﻚ ﺍﻟﻔﻴﻼ‌ ﻛﺒﻴﻴﻴﻴﻴﻴﻴﻴﺮﺓ ﺍﻭ ﺯﻭﻳﻨﺔ ﺍﻭ ﺍﺛﺎﺛﻬﺎ ﺗﻘﻠﻴﺪﻱ ﻛﻴﺤﻤﻖ، ﻃﻠﻌﻨﺎ ﻓﺎﻟﺪﺭﻭﺝ ﺍﻭ ﺍﻭ ﻣﺸﻴﻨﺎ ﻟﺒﻴﺖ ﻓﺎﻟﻄﺮﻑ ﺑﺎﺑﻮ ﻛﺒﺮ ﻣﻦ ﺍﻟﺒﻴﺒﺎﻥ ﻻ‌ﺧﺮﻳﻦ ، ﻣﻠﻲ ﺗﺤﻞ ﺍﻟﺒﺎﺏ ﺍﻭﻝ ﺣﺎﺟﺔ ﺷﻔﺖ ﻫﻲ ﺻﻮﺭﺓ ﺍﻣﻴﺮ ﻣﻌﻨﻖ ﻭﺍﺣﺎﺩ ﺍﻟﺒﻨﺖ ﺑﻴﻨﺎ ﻷﻋﻤﻰ ﺣﺒﻴﺒﺘﻮ ، ﻋﺮﻓﺖ ﺑﻴﻠﻲ ﻫﺎﺩﻱ ﺍﻟﻐﺮﻓﺔ ﺩﻳﺎﻝ ﺍﻣﻴﺮ، ﺭﺟﻌﺖ ﺑﺎﻟﻠﻮﺭ : ﺧﺎﻟﺘﻲ ﺍﻧﺎ ﻣﺴﺘﺤﻴﻞ ﻧﺠﻠﺲ ﻣﻌﺎﻩ ﻓﺒﻴﺖ ﻭﺍﺣﺪ، ﺍﻻ‌ ﻗﺒﻠﺖ ﻧﻌﻴﺶ ﻋﺎﻡ ﻛﺎﻣﻞ ﻫﻨﺎﻳﺎ ﻣﻜﻴﻌﻨﻴﺶ ﻏﻨﺒﻘﺎﻭ ﺑﺰﻭﺝ ﻓﺒﻼ‌ﺻﺔ ﻭحﺪةﺍﻡ ﺍﻣﻴﺮ : ﻭﻟﻜﻦ ﺍ ﺑﻨﺘﻲ ﺣﻨﺎ ﺭﺍﻩ ﻣﻮﺟﺪﻧﺎﺵ ﻟﻴﻚ ﺍﻟﻐﺮﻓﺔ ﺩﻳﺎﻟﻚ .. ﻗﻠﻨﺎ ﻏﺘﺠﻠﺴﻲ ﻣﻌﺎﻩ " .. ﺷﻔﺖ ﻓﻴﻬﺎ ﺷﻮﻓﺔ ﻛﺘﻌﻨﻲ ﺑﻴﻠﻲ ﺑﻼ‌ﻣﺎ ﺗﻌﻮﺩ ﺍﻟﻬﺪﺭﺓ ﺻﺎﻓﻲ .. ﺗﻨﻬﺪﺍﺕ ﺍﻭ ﻗﺎﻟﺖ ﻟﻲ:ﺍ ﺍﺟﻲ ﻣﻌﺎﻳﺎ ﻧﺪﻳﻚ ﻟﺒﻴﺖ ﻟﻴﻠﻰ ﺍﻭ ﻫﻲ ﺗﻮﺟﺪ ﻟﻴﻬﺎ ﻭﺣﺪﺓ ﺍﺧﺮﻯ" .. ﻣﺸﻴﺖ ﻣﺮﻓﻀﺘﺶ ﺣﻴﺖ ﻛﻨﺖ ﻋﻴﺎﻧﺔ ﺍﻭ ﺑﺎﻏﺎ ﻏﻴﺮ ﻧﺘﻜﻰ ﻧﺮﺗﺎﺡ ، ﺩﺧﻠﻨﺎ ﻟﻠﺒﻴﺖ ﺍﻭ ﻛﺎﻥ ﺯﻭﻳﻴﻴﻦ ﺍﻭ ﻣﻘﺎﺩ ﺍﻭ ﺩﻳﺮ ﻣﻦ ﺑﻴﺘﻲ ﺟﻮﺝ ، ﺍﻭ ﻓﻴﻪ ﺗﺼﺎﻭﺭ ﻟﻴﻠﻰ ﻋﻠﻰ ﺍﻟﺤﻴﻂ.. " ﺳﺘﺎﺭﺍﺣﻲ ﺩﺍﺑﺎ ﺭﺍﻛﻲ ﻋﻴﺎﻧﺔ .. ﻏﻴﺮ ﻳﻮﺟﺪ ﻟﻐﺪﺍ ﻧﻌﻴﻂ ﻟﻴﻚ" .. ﺧﺮﺟﺎﺕ ﺍﻭ ﺳﺪﺍﺕ ﺍﻟﺒﺎﺏ ﻭﺭﺍﻫﺎ ﺍﻭ ﺍﻧﺎ ﻃﺎﺡ ﻋﻠﻴﺎ ﺍﻟﻀﻴﻢ ﺍﻭ ﺗﻜﻴﺖ ﻓﻮﻕ ﺍﻟﻨﺎﻣﻮﺳﻴﺔ ﺍﻭ ﺑﺪﻳﺖ ﻛﻨﺒﻜﻲ ﺣﺘﻰ ﺩﺍﻧﻲ ﻧﻌﺎﺱ .. ﻣﻌﺮﻓﺘﺶ ﺷﺤﺎﻝ ﺍﻟﺴﺎﻋﺔ ﺩﺍﺑﺎ ﻭﻟﻜﻦ ﺍﻟﻈﻼ‌ﻡ ﻃﺎﺡ .. ﻧﻈﺖ ﺍﻭ ﻣﺸﻴﺖ ﻟﻠﺸﺮﺟﻢ ﻧﻴﺸﺎﻥ ، ﻛﺎﻥ ﻣﻨﻈﺮ ﺯﻭﻳﻦ ﺑﺰﺍﻑ ، ﻛﻴﻄﻞ ﻋﻠﻰ ﺍﻟﻤﺪﻳﻨﺔ ﻛﺎﻣﻠﺔ ، ﺿﻮﺍﻭ ﺍﻟﻄﻮﻣﻮﺑﻴﻼ‌ﺕ ﺍﻭ ﺍﻟﻤﻮﺑﻼ‌ﺕ ﻻ‌ﺧﺮﻳﻦ ﺭﺗﺎﺣﻴﺖ ﺑﺰﺍﻑ .. ﺷﻮﻳﺔ ﺳﻤﻌﺖ ﺍﻟﺪﻗﺎﻥ ، ﻗﻠﺖ ﺩﺧﻞ ﺍﻭ ﻫﻮ ﻳﺘﺤﻞ ﺍﻟﺒﺎﺏ ﺑﺸﻮﻳﺔ ، ﺍﻭﻩ ﻏﻴﺮ ﻟﻴﻠﻰ .. " ﻧﻘﻀﺮ ﻧﺪﺧﻞ" ﺣﺮﻛﺖ ﺭﺍﺳﻲ ﺏ ﺍﻩ ﺍﻭ ﻫﻲ ﺗﺪﺧﻞ ﺍﻭ ﺟﺎﺕ ﻋﻨﺪﻱ : ﺍﻟﻤﻨﻈﺮ ﺯﻭﻳﻦ ﻳﺎﻙ؟ ﻣﻠﻲ ﻛﻨﻜﻮﻥ ﻣﻘﻠﻘﺔ ﻛﻨﺠﻠﺲ ﺍﻭ ﻧﺒﻘﻰ ﻧﺸﻮﻑ ﻓﺎﻟﻨﺎﺱ ﻏﺎﺩﻳﻦ ﺟﺎﻳﻴﻦ ﺍﻭ ﺍﻟﻄﻮﻣﻮﺑﻴﻼ‌ﺕ ﺧﺼﻮﺻﺎ ﺑﺎﻟﻴﻞ ﺣﻴﺖ ﻛﻨﻘﻀﺮ ﻧﺸﻮﻓﻬﻢ ﺍﻭ ﻫﻮﻣﺎ ﻻ‌ ﻫﻬﻪ .. ﻓﻴﻚ ﺍﻟﺠﻮﻉ؟".. ﺑﻐﻴﺖ ﻧﻘﻮﻝ ﻟﻴﻬﺎ ﻻ‌ ﻭﻟﻜﻦ ﺣﺴﻴﺖ ﺑﻜﺮﺷﻲ ﺿﺮﺍﺗﻨﻲ ﺣﻴﺖ ﻣﻜﻠﻴﺖ ﻭﺍﻟﻮ ﻣﻦ ﺍﻟﺼﺒﺎﺡ 

                                  

يتبع ..