قصة ﺍﻟﺴﻴﺪ ﻣﺘﻌﺠﺮﻑ ﻭﺍﻻﻧﺴﺔ ﻛﺒﺮﻳﺎﺀ
ﻧَﻀْﺖ ﻛَﻨْﻜﻤَﻊ ﺑﺰّﺯ ﺑﺎﺵ ﺣﻠﻴﺖ ﻋﻴﻨﻴﺎ،ﺟَﺮّﻳﺖ ﺍﻟﺘﻴﻠﻴﻔﻮﻥ ﺷْﻌﻠﺘﻮ ،،ﻃَﺮْﺕ ﻣﻦ ﺑْﻼﺻﺘﻲ ﻧﺎﺭﻱ 8 ﺻﺒﺎﺡ ﺑﺪﻳﺖ ﻛﻨﺘﻔﺘﻒ ْﻮﻛَﻨﺪﻭﺭ ﻣﻦ ﻫْﻨﺎ ﻟﻬﻨﺎ ﻭﺳﻂ ﻟﺒﻴﺖ ﻭﻛﻨﻠﺒﺲ ﺑﺰﺭﺑﺔ ﺑَﻔْﻒْ، ﻟﺒﺴﺖ ﻫﺎﺩ ﺍﻟﺰْﻣﺮ ﺩﻳﺎﻝ ﺍﻟﺘْﺮﻳﻜﻮ ﺑﺎﻟﻤﻘﻠﻮﺏ،ﺗﻌﺼﺒﺖ ﻭﻟٍﻲ ﺣﻄﻴﺖ ﻋﻠﻴﻬﺎ ﻳﺪﻱ ﻛﺘﺒﺪﺍ ﺗْﺨﺮﺑﻖ،ﻭ ﺻﺒﺎﺡ ﺯﻳﻦ ﻫﺪﺍ،ﺧﺮﺟﺖ ﻣﻦ ﺍﻟﺒﻴﺖ ﻣﺒﻬﺪﻟﺔ ﻭﻣْﻌَﻨْﻜْﺸﺔ ﻛﻨْﻘﺎﺩ ﻓﺤْﻮﺍﻳﺠﻲ،،ﻧﺎﺯﻟﺔﻣﻊ ﺍﻟﺪﺭﻭﺝ ﻭﻛﻨﻐﻮﺕ ﻭﺍ ﻣّﻲ ﻋﻼﺵ ﻣﺎﻓﻴّﻘْﺘﻴﻨﻴﺶ؟
ﺟﺎﺕ ﻣّﻲ ﺩﺍﻳﺮﺓ ﺍﻳﺪﻳﻬﺎ ﻋﻠﻰ ﺻﺪﺭﻫﺎ ﻣﺨﻠﻮﻋﺔ ﻭﻣﺨﺮﺟﺔ ﻋﻴﻨﻴﻬﺎ ﻃﺎﻟﻌﺔ ﻛﺘﺠﺮﻱ ﻣﻦ ﺍﻟﻜﺰﻭﻧﻴﺔ ﻫﺎﺯﺓ ﻣﻌﻠﻘﺔ ﻓﺎﻳﺪﻳﻬﺎ:ﺍﻭﻳﻠﻲ ﺑﻨﺘﻲ ﻳﺎﻙ ﻻﺑﺎﺱ؟ﺍﺵ ﻛﺎﻳﻦ؟
ﻭﺍﻣّﻲ ﻋﻼﺵ ﻣﺎﻓﻴﻘﺘﻴﻨﻴﺶ ﺭﺍﻩ 8 ﻭ10 ﺩﻗﺎﻳﻖ ﻫﺎﺩﻱ ﻭﺍﻟﻠﻪ ﺣﺘﻰ ﺣﺮﺍﻡ ﻋﻠﻴﻜﻢ
ﻗﺮﺻﺎﺗﻨﻲ ﻓﻀﻬﺮﻱ ﺑﺠﻬﺪ،،ﻳﺎﻙ ڭﻠﺖ ﻟﻴﻚ ﺍﻟﻤﺼﻴﺒﺔ ﺣﻄﻲ ﻟﻴﺎ ﺍﻟﺘﻴﻠﻴﻔﻮﻥ ﻋﻨﺪ ﺭﺍﺳﻲ ﻳﺼﻮﻧﻲ ﻧﺠﻲ ﻧﻔﻴﻘﻚ ﺃﻧﺎ ﻳْﺴﺤﺎﺑْﻠِﻴﺎ ﺧﺮﺟﺘﻲ ﻭﻧﺘﻲ ﻛﺎﺗﻐﻮﺗﻲ ﻋﻠﻴﺎ ﻫﻨﺎ ﺑﺤﺎﻝ ﻟﻔﺮﻭﺝ ﻳﺎﻻﻩ ﺳﻴﺮﻱ ﻟﺒﺴﻲ ﺻَﺒّﺎﻃﻚ ﻭﺯﻳﺪ ﺗﻔﻄﺮﻱ ﺩﺍﺑﺎ
ﻣﺸﻴﺖ ﻛﻨﺠﺮﻱ ﻟﺤﻤﺎﻡ ﻏﺴﻠﺖ ﻭﺟﻬﻲ،ﻭﻣﺸﻴﺖ ﻟَﻤْﺠَﺮ ﻣّﻲ ﻫﺰﻳﺖ ﻟﻴﻬﺎ ﺷﻮﻳﺔ ﻣﻦ ﻓُﻮﻧْﺪﻭﺗﺎﻥ ﺩَﺭﺗﻮ ﻓﺈﻳﺪﻳﺎ ﺑﺎﻟﺘﺨﺒﻴﺔ،،ﻭﺷﻮﻳﺔ ﺩﻳﺎﻝ ﻟَﻌْﻜﺮ ﺩﺧﻠﺖ ﻟﺤﻤﺎﻡ ﻟﺒﺴﺖ ﺣِﺠَﺎﺑﻲ ﻭﺩﺭْﺕ ﺩﺍﻛﺸﻲ ﻓﻮﺟﻬﻲ ﻭﺗَﻤٍﻴﺖ ﺳﺎﻟﺘْﺔ ﻣﻊ ﺍﻟﺒﺎﺏ،،ﻛﻨﺴﻤﻊ ﺍﺟﻲ ﺍﺟﻲ ..ﺩَﺭْﺕ ﺭﺍﺳﻲ ﻣﺎﺳﻤﻌﺘﺶ ﻗﻠﺖ ﺩﺍﻋﺎﻱ ﻣﻌﺎﻳﺎ ﺍﻣﻲ
ﺟﺎﺕ ﻭﻗﻔﺎﺗﻨﻲ ..ﻧﺎﺭﻱ ﻳﺎ ﻣّﻲ ﺻﺎﻓﻲ ﺭﺍﻩ ﺗﻌﻄﻠﺖ ﻭﺍﺵ ﺑﺎﻏﺎﻧﻲ ﻧڭﻠﺲ ﺣﺪﺍﻙ ،ﻛﻨﻬﺪﺭ ﻭﻛﻨﺪﻳﺮ ﺭﺍﺳﻲ ﻛﻨْﺼَﺎﻳﺐ ﻓﺤﻮﺍﻳﺠﻲ ﻭﺣﺎﺩﺭﺓ ﺭﺍﺳﻲ ﺑﺎﺵ ﻣﺎﺗْﺸﻮﻓﺶ ﺍﺵ ﺩﺍﻳﺮﺓ ﻓﻮﺟﻬﻲ ..
ﻣﺪﺍﺕ ﻟﻴﺎ ﻛﺎﺱ ﺃﺗﺎﻱ ﻭﺧﺒﺰ ﻓﻴﻪ ﺍﻟﺰﻳﺖ ﻟﻌﻮﺩ ﺟﺮﺍﺕ ﻟﻴﺎ ﻛﺮﺳﻲ ﺑﺮﺟﻠﻴﻬﺎ :ڭﻠﺴﻲ ﻫﻨﺎ ﻭﻓﻄﺮﻱ ﻗﺒﻞ ﻣﺎﺗﻤﺸﻲ ،ﺟﺒﺪﺍﺕ ﺳْﺘْﻤْﻴَﺎﺩﺭﻳﺎﻝ ﺧﺸﺎﺗﻬﺎ ﻟﻴﺎ ﻓﺠﻴﺒﻲ:ﻫﺎﻛﻲ ﺷﺪﻱ ﻃﺎﻛﺴﻲ ﺑﻼﻣﺎﺗﻤﺸﻲ ﻓﻄﻮﺑﻴﺲ،،،ﺷﺪﺍﺗﻨﻲ ﻟﺒﻜﻴﺔ ﻫﻲ ﻣﻌﻨﺪﻫﺎﺵ...ﻭﺍﻧﺎ ﺻﺎﺑْﺤﺔ ﻧﺎﻋْﺴﺔ ﺣﺴﻴﺖ ﺑﺮﺍﺳﻲ ﻓﺸﻜﻞ،ﻭﺣﺴﻴﺖ ﺑﺮﺍﺳﻲ ﻋﺰﻳﺰﺓ ﻋﻠﻰ ﺍﻟﻮﺍﻟﻴﺪﺓ،،ﻓُﻤّﻲ ﻋﺎﻣﺮ ﺑﺎﻟﺨﺒﺰ ﻭﻋﻴﻨﻴﺎ ﻣﻐﺮﻏﺮﻳﻦ ﻭﺷﻲ ﻣﺸﺎﻋﺮ ﺑﺰﺍﻑ ﻓﻘﻠﺒﻲ،،ﺑَﺴْﺖ ﻟﻴﻬﺎ ﻋﻠﻰ ﺍﻳﺪﻳﻬﺎ ﺟﻴﺖ ﻧﺒﻮﺱ ﻟﻴﻬﺎ ﻋﻠﻰ ﺭﺍﺳﻬﺎ ﻭﻫﻲ ﺗﺸﺪﻧﻲ ﻣﻦ ﺣﻨﻜﻲ ،،ﺑﺪﻳﺖ ﻏَﻜﻨْﺪﻭّﺭ ﻓﻌﻴﻨﻴﺎ..ﻗﻠﺖ ﻟﻴﻬﺎ:ﻣﻲ ﺗﻌﻄﻠﺖ ﺧﺎﺻﻨﻲ ﻧﻤﺸﻲ!
ﺷﺪﺍﺕ ﻟﻴﺎ ﺭﺍﺳﻲ ﻭﻗَﺎﺑْﻼﺕ ﻟﻴﺎ ﻭﺟﻬﻲ ﻣﻊ ﺍﻟﺒﺎﺏ ﺑﺎﺵ ﻳﺒﺎﻥ ﻟﻴﻬﺎ ﺍﻟﻀﻮ
ﺍﺟﻲ ﺍﺷْﻨﻴﻮﻟﺔ:ﺍﺵ ﺩﺍﻳﺮﺓ ﻓﻮﺟﻬﻚ؟ﻣﺸﻴﺘﻲ ﻟﻴﺎ ﺗﺎﻧﻲ ﻟﻤْﺠﺮ؟
ﻋَﻀّﻴﺖ ﻋﻠﻰ ﻓﻤﻲ،،ﻻ ﺻﺎﻓﻲ ﻫﺎﺩ ﺍﻟﻨﻬﺎﺭ ﻛْﺤَﻞ ﺯْﺣَﻞ ،ﻗﻠﺖ ﻟﻴﻬﺎ: ﻭﺍ ﻣﻲ ڭﺎﻉ ﻟﺒﻨﺎﺕ ﻛﻴﺪﻳﺮﻭ ﻫﺎﺩﺷﻲ ﺧﻔﻴﻒ ﻭﺍﻟﻠﻪ ﻣﺎﻛِﻴﺒﺎﻥ
ﻋﻄﺎﺗﻨﻲ ﻭﺍﺣﺪ ﺍﻟﻘﺮﺻﺔ ﻗﺎﻟﺖ ﻟﻴﺎ: ﻳﺎﻙْ ﺍَ ﺍﻟﺼّڭْﻌَﺔ ﻟﻤْﺼَﻨْڭْﻌَﺔ ﻛَﻨْڭُﻮﻟّﻴﻚ ﺃﻧﺎ ﻣﺎﺳُﻮﻗﻴﺶ ﻓﺎﻟﺒﻨﺎﺕ ﺑﺎﻏﺎ ﺗﺼﻔﻴﻬﺎ ﻟﻴﺎ ﺩﻭﺯﻱ ﺣِﻴﺪﻱ ﻋْﻠﻴﺎ ﺩﺍﻙ ﺍﻟﺰْﺑﻞ
ﺣﺪﺭﺕ ﺭﺍﺳﻲ ﺑﺴﺖ ﻟﻴﻬﺎ ﻋﻠﻰ ﺭﺍﺳﻬﺎ ﺑﺎﻟﺰﺭﺑﺔ ﻭﻗﻠﺖ ﻟﻴﻬﺎ ﺑﺴﻼﻣﺔ ﺩّﺍﺁﺁﻋﺎﻱ ﻣﻌﺎﻳﺎ ﺭﺑﻲ ﻳﺴﻬﻞ ﻋْﻠﻴﺎ ﻣﺸﻴﺖ ﻛﻨﺠﺮﻱ
ﺗَﺒﻌﺎﺗﻨﻲ ﻭﺃﻧﺎ ﻛﻨﺠﺮﻱ،ﺳﻤﻌﺖ ﺻﻮﺗﻬﺎ ﺑﻴﻦ ﻧًﺎﺱْ ﻭْﻫﻲ ﻛﺘْﺤﻠﻒ ﻋﻠﻴﺎ :ﺣﺘﻰ ﺗﺠﻴﻨﻲ ﻳﺎﺑﻨﺘﻲ ،،ﺍﻟﻠﻪ ﻳﺴﺮ ﻟﻴﻚ ﻭﻳﺴﻬﻞ ﻋﻠﻴﻚ ﻛﻞ ﻣﺎﺻْﻌﺎﺏ ﻗْﺮﺍﻱ ﺍﻟﺪﻋﺎﺀ..
ﺑﻘﻴﺖ ﻛﻨﺠﺮﻱ ﻭﺃﻧﺎ ﻓﻴﺎ ﺍﻟﻀﺤﻜﺔ ،،،ﻛﻨﻀﺤﻚ ﻭﺩﺍﻙ ﺍﻟﺒﺮﺩ ﺩﻳﺎﻝ ﺍﻟﺼﺒﺎﺡ ﺯﻭﻳﻦ ﻛﻴﻀﺮﺏ ﻟﻴﺎ ﻓﻮﺟﻬﻲ ﻭﺃﻧﺎ ﻛﻠﻲ ﺛﻘﺔ ﻭﺗﻔﺎﺅﻝ ﺑﻠﻲ ﻏﻨﺠﺢ ﻓﺎﻣﺘﺤﺎﻥ ﺩﻳﺎﻝ ﺍﻟﺨﺪﻣﺔ ﻟﻠﻲ ﺷﺤﺎﻝ ﻭﺃﻧﺎ ﻛﻨﻘﻠﺐ ﻋﻠﻴﻬﺎ
ﺷﺪﻳﺖ ﻃﺎﻛﺴﻲ ﻭﺻﻠﻨﻲ ﺗﺎﻝ ﺑﺎﺏ ﺷﺮﻛﺔ ﺯﻭﺭﻳﺦ ﻟﻠﺴّﻴﺎﺣﺔ....ﻧﺰﻝﺕ ﺁﺍﻩ ﺷﻔﺖ ﻓﺎﻟﺴﺎﻋﺔ ﺍﻭﻭﻩْ ﻭﺻﻠﺖ ﻓﺎﻟﻮﻗﺖ ﻫﻬﻪ ﺧﺪﻳﺖ ﻧﻔﺲ ﻋﻤﻴﻖ،،،ﻭﻗﻠﺖ ﻳﺂﺍ ﺭﺑﻲ ﻳﺂﺁﺭﺑﻲ ﻏﻴﺮ ﻫﺎﺩ ﺍﻟﻤﺮﺓ ﺗﻨﺠﺤﻨﻲ ﻭﺗﻴﺴﺮ ﻟﻲ ﻓﻬﺎﺩ ﺍﻟﺨﺪﻳﻤﺔ ﻳﺎ ﺭﺑﻲ
ﺷﺪﻳﺖ ﻓْﺼَﺎﻛﻲ ﻭْﺯَﻳّﺮْﺕ ﺑْﺈﻳﺪﻱ ﻋﻠﻴﻪ ﺩﺧﻠﺖ ﻭﺃﻧﺎ ﻓﻴﺎ ﺍﻟﺨﻮﻑ ﻣﻦ ﺍﻟﺮﻓﺾ ﻭﺍﻟﻔﺸﻞ...ﻭﺍﻟﺸﺠﺎﻋﺔ ،ﺍﻟﺜﻘﺔ ﻭ ٱﻷﻣﻞ
ﺩﺍﺧﻠﺔ ﻣَﺴﺘﻌﺠﻠﺔ ﺍﻳﻤﺘﺎ ﻧﻄﻠﻊ ﻭﻧَﻮﺻﻞ ﻟﻘﺎﻋﺔ ﻟﻤﺘﺤﺎﻥ...ﻭﻗﻔﻨﻲ ﺍﻟﺴﻴﻜﺮﻳﺘﻲ (ﺍﻻﻣﻦ) ﺃﻻﻟﺔ ﻓﻴﻦ ﺩﺍﺧﻠﺔ؟
ﺩﺭﺕ ﻋﻨﺪﻭ ﺧﻨﺰﺭﺕ ﻓﻴﻬﺎ،ﺗﻔﻮ ﻫﺎﺩﺍ ﻏﻴﺒﻘﺎ ﻳﻌﻄﻞ ﻓﻴﺎ
ﻣﺸﻴﺖ ﻋﻨﺪﻭ ﺑﺸﻮﻳﺔ ﻛﻨﻬﺪﺭ ،،ﺳﻤﺢ ﻟﻴﺎ ﺍﺳﻴﺪﻱ ﺃﻧﺎ ﺟﻴﺖ ﻋﻠﻰ ﻭﺩ ﻟﻤﺘﻴﺤﺎﻥ ﻟﻴﻮﻡ ﻋﻨﺪﻧﺎ ﻟُﻮﻏَﺎﻝ (ﺍﻟﺸﻔﻮﻱ) ﺭﺍﻩ ﻏﻴﺮ ﻟﺒﺎﺭﺡ ﺩﻭﺯﻧﺎ ﻟﻤﺘﻴﺤﺎﻥ ﺍﻳﻜْﻐﻲ (ﻛِﺘَﺎﺑﻲ) ﻭْﺩَﺯْﺕ ﻫﺎﻫﻲ ﺍﻟﻮﺭﻗﺔ ﺍﻟﻠﻪ ﻳﻌﺎﻭﻥ!!
ﺣﺪﺭﺕ ﺭﺍﺳﻲ ﻳﺎﻻﻩ ﺑﺎﻏﺎ ﻧﺪﻭﺭ ﻧﻜﻤﻞ ﻃﺮﻳﻘﻲ ﻋﻨﺪ ﺑﺎﻟﻲ ﺯﺭﺑﺖ ﻋﻠﻴﻪ،ﻭﻫﻮ ﻳﻘﻮﻟﻲ ﺑﻼﺗﻲ ﺍﺑﻨﺘﻲ
ﺍﺟﻲ ﺣﻴﺪﻱ ﻣﻦ ﻗﺪﺍﻡ ﺍﻟﺒﺎﺏ ،ﺧَﻠّﻲ ﺁﻟﻨﺂﺱ ﺇﻳﺪﻭﺯﻭ
ﺑﺪﻳﺖ ﻛَﻨْﺪﻭﺭ ﻓﺮﺍﺳﻲ ﺣﺴّﻴﺖ ﺑﻬﺎﺩ ﺍﻟﺴﻴﺪ ﻏﻴﻌﻄﻠﻨﻲ ﺍﻳﺪﻱ ﺑﺪﺍﺕ ﻛﺘْﻬﺰ ﻓﺎﻟﺼﺎﻙ ﺑﻮﺣﺪﻫﺂ ﻭﺑْﺤﺎﻻ ﺣﺴﻴﺖ ﺑﻴﻬﺂ ﻣﺎﺑﻘﺎﺗﺶ ﺟُﺰﺀ ﻣﻨﻲ ﻣﺎﻛﺘﺴْﺘﺎﺟَﺒﺶ ﻟِﻴّﺎ ﻭﺑﺤﺎﻻ ﻏﻨﻀﺮﺑﻮ ﺑﺎﻟﺼﺎﻙ ﻋﻠﻰ ﺍﻟﺮﺍﺱ ﺑﺸﻜﻞ ﻻ ﺇﺭﺍﺩﻱ،، ﻏَﻤﻀﺖ ﻋﻴﻨﻴﺎ ﻭﺧَﺮّﺟﺖ ﺍﻟﻨﻔﺲ ،،ﻗﻠﺖ ﻟﻴﻪ ﺑﺎﻟﻨًﻄْﺮﺓ:ﻧْﻌﺎﻡ ﺍﺳﻴﺪﻱ ﺭﺍﻩ ﻏﻨﺘﻌﻄﻞ ﺍﺵ ﻛﺎﻳﻦ؟
ﺟﺒﺪ ﻧﻀﺎﺿﺮﻭ،،، ﻗْﺪﺍﻡ ﻭ ﻣْﻘَﺸْﻘْﺸﻴﻦ ڭْﻠﺲ ﻛﻴﻤﺴﺢ ﻓﻴﻬﻢ ﺑﺸﻮﻳﺔ،،ﺃﺭﺍﻱ ﺩﻳﻚ ﺍﻟﻮﺭﻳﻘﺔ ﻧْﺸﻮﻑ
ﺑﻔﻒ ﺟﺒﺪﺗﻬﺎ ﻟﻴﻪ،ڭﻠﺲ ﻛﻴﺤﻘﻖ ﻓﻴﻬﺎ ﻭﻛﻴﺸﻮﻑ ،،ﻛﻴﺤﻴًﺪ ﻧْﻀﺎﺿَﺮ ﻭﻛﻴﻌﺎﻭﺩ ﻳﺪﻳﺮﻫﻢ،،ﻫﺎﻫﻮ ﺗﺎﻧﻲ ﻏﻤًﺾ ﻋﻴﻨﻴﻪ
ﺩﺍﺭ ﻋﻨﺪﻱ:ﻛﻴﺸﺘﻲ ﺩﺍﺑﺎ ﺃﻧﺎ ﻛﻴﻀﺮﻭﻧﻲ ﻋﻴﻨﻴﺎ ﻭﻛﻴﺠﻴﺒﻮ ﻟﻴﺎ ﺍﻟﺪﻭﺧﺔ ﻣﺎﺧﻠﻴﺖ ﻣﺎﺩﺭﺕ ﺃﻭﺁﺁﺍﻟﻮ ،،ﺍﻟﻮﺍﺣﺪ ﻣَﻠّﻲ ﻛِﻴﺒْﺪﺍ ﻳﻜﺒﺮ ﻛﺘﺒﺪﺍ ﺗﻤﺸﻲ ﺍﻟﺼﺤﺔ
ﺑﻐﻴﺖ ﻧﺎﺧﺪ ﻟﻴﻪ ﻏﻴﺮ ﻭﺭﻗﺘﻲ ﻭﻧﺰﻳﺪ ﺑﺤﺎﻟﻲ..ﺻﺒّﺮﺕ ﺭﺍﺳﻲ :ﺍﻳﻪ ﺍﺳﻲ ﺍﻟﺤﺎﺝ ﻟﻮﺍﺣﺪ ﻛﻴﻜﺒﺮ ﻭﺍﻟﺼﺤﺔ ﻛﺘﺒﺪﺍ ﺗﻤﺸﻲ ﻭﻟﻜﻦ ﺃَﺭﺍ ﻟﻴﺎ ﺩﻳﻚ ﺍﻟﻮﺭﻗﺔ ﺍﻳﻼ ﺷﻔﺘﻴﻬﺎ ﺭﺍﻩ ﺧﺎﺻﻨﻲ ﻧﺪﺧﻞ ﺭﺍﻩ ﺍﻳﻼ ﺗﻌﻄﻠﺖ ﻣﺎﻏﻴﺨﻠﻮﻧﻴﺶ ﻧﺪﻭﺯ
ﻋﺎﺩ ﻣﺎ ﻫﺎﺩ ﺍﻟﺴﻲ ﺍﻟﺰّﻣﺮ ﺯﺍﺩ ﻛﻴﺘﻘﻞ ﻓﺎﻟﺤﺮﻛﺔ،ﺷﺪ ﻟﻴﺎ ﻭﺭﻗﺘﻲ ﻭﻣﺎﺑﻐﺎﺵ ﻳﻄﻠﻘﻬﺎ ﻭﻛﻴﺤَﻨْﺰﺯ ﻓﻴﻬﺎ ﺑﺤﺎﻻ ﻣﺎﻋﺮﻓﺖ ﺍﺵ ﻏﻴﺸﻮﻑ ،،ﻭﻛﻞ ﺳﺎﻋﺔ ﻧﻘﻮﻟﻴﻪ ﺍﺭﺍ ﻟﻴﺎ ﻭﺭﻗﺘﻲ،ﻳﺒﺪﺍ ﻳﻘﻮﻟﻴﺎ ﻛﻨﺪﻳﺮ ﺧﺪﻣﺘﻲ ﻋﻼﻩ ﺃﻧﺎ ﺍﻳﻼ ﻣَﺪﺭْﺕ ﺧﺪﻣﺘﻲ ﻏﻴﺠﺮﻳﻮ ﻋﻠﻴﺎ ﻭﺍﻳﻼ ﺟْﺮَﺍﻭ ﻋﻠﻴﺎ ﻣﺎﻋﻨﺪﻱ ﻣﺎﻧﺪﻳﺮ ﻋﻨﺪﻱ ﺑﻨﺘﻲ ﻛﻨﺼﺮﻑ ﻋﻠﻴﻬﺎ ،،،ﻭﻫﺎﺩﻱ ﻭﻫﺎﺩﻳﻚ ،،ﻭﻛﻴﺒﺪﺍ ﻳَﺴْﺮﺡ ﻟِﻴﺎ ﻓﺎﻟﻬﺪﺭﺓ ﻭﺃﻧﺎ ﺻﺎﺑﺮﺓ ﻋﻠﻴﻪ ﻏﻴﺮ ﺑﺰﺯ
ﺷﺪ ﺍﻟﻮﺭﻗﺔ ﻃﻮﺍﻫﺎﻓﺮﺣﺖ ﻭﺍﺧﻴﺮﺍ...ﺣﺴﻴﺖ ﺑﺤﺎﻻ ﻛﻨﺖ ﻏﺎﺩﻳﺎ ﻓﺸﻲ ﺻﺤﺮﺍ ﻭﺷﻲ ﻭﺍﺣﺪ ﺟﺎ ﻭﻋﻄﺎﻧﻲ ﻛﺎﺱ ﺩﻳﺎﻝ ﻟﻤﺎ ﺑﺂﺁﺍﺭﺩ ﻣَﺪٍﻳﺖ ﺍﻳﺪﻳﺎ ﺑﺠﻮﺝ ﺑﻠﻬﻔﺔ ﻭﺍﻧﺎ ﻣْﺨﺮﺟﺔ ﻋﻴﻨﻴﺎ ﻓﺎﻟﻮﺭﻗﺔ ﺩﻳﺎﻟﻲ ﺣْﺘﺎﻗﺮﺑﻮ ﻃْﺮﺍﻑ ﺻْﺒﺎﻋﻲ ﻳْﻼﻣْﺴﻮ ﺩﻳﻚ ﺍﻟﻮﺭﻗﺔ ﺍﻟﻐﺎﻟﻴﺔ ﻭﻫﻮ ﻳﻌﺎﻭﺩ ﻳْﺤﻠﻬﺎ
ﺑﻼﺗﻲ ﺑﻼﺗﻲ...ﺍَﻣْﻢْ ﻋﺮﻓﺘﻲ ﺍﺵ ﺩﻳﺮﻱ ﺟﺒﺪﻱ ﻻﻛﺎﺭﻁْ ﻧﺎﺳﻴﻮﻧﺎﻝ ﺣﻨﺎ ﺭﺍﻩ ﻛﻨﺨﺎﻓﻮ ﻣﻦ ﻟﻴﻜﻴﻨﺼﺒﻮ ﻋﻠﻰ ﺍﻟﻨﺎﺱ،ﻳﺎﻙ ﺷﻔﺘﻲ ﺍﻟﺒﺎﺭﺡ ﻓﺎﺧﻄﺮ ﺍﻟﻤﺠﺮﻣﻴﻦ ﺩﻳﻚ ﺍﻟﻌﺼﺎﺑﺔ
ﺷﺪﻳﺖ ﻓﺮﺍﺳﻲ..ﺟﺎﺑﻠﻴﺎ ﺍﻟﺪﻭﺧﺔ ﻫﺎﺩ ﺍﻟﺼْڭﻊ ﻣﺎﻋﺮﻓﺘﺶ ﻛﻴﻔﺎﺵ ﺗﺎﺧﺪﻡ ﻫﻨﺎ ،،ﺩﺍﺭ ﻓﻴﺎ ﻟﻐﺪﺍﻳﺪ
ﻳﺎﻻﻩ ﻏﻨﺒﺪﺍ ﻧﺘﻌﺼﺐ ﻭﻧﺘﺠﻨﻦ ﻋﻠﻴﻪ ﺟﺎ ﻭﺍﺣﺪ ﺍﻟﺴﻴﺪ ﺩﺍﻳﺰ ﻣﻦ ﺣﺪﺍﻧﺎ:ﻗﺎﻝ ﺍﻟﺴﻼﻡ ﻋﻠﻴﻜﻢ ﺑّﺎ ﻋﺒﺪ ﺍﻟﻤﻮﻟﻰ
ﺷﺎﻑ ﻓﻴﺎ ﻟﻘﺎﻧﻲ ﻣﻌﺼﺒﺔ،،ﻳﺎﻙ ﻻﺑﺎﺱ؟
ﻣﺎﺷﻔﺘﺶ ﻓﻴﻪ ﻭﻣﺎﺟﺎﻭﺑﺘﻮﺵ ﻭﻣﺎﺩﻳﺘﻬﺎﺵ ﻓﻴﻪ،،ﻭﻟﻴﺖ ﻛﻨﻔﻜﺮ ﻏﻴﺮ ﻛﻴﻔﺎﺵ ﻧْﺘﻔﻚ ﻣﻦ ﻫﺎﺩ ﺍﻟﺴﻴﻜﻴﺮﻳﺘﻲ ..
ﻋﻄﺎ ﻟﻴﻪ ﺍﻟﻮﺭﻗﺔ...ﺩﻳﻚ ﺍﻟﻮﺭﻗﺔ ﻫﺎﺩﻳﻚ ﺍﻟﻮﺭﻳﻘﺔ ﻟﻲ ﺷَﺤْﻔﺎﺗﻨﻲ ﻋﻠﻰ ﺍﻟﺼﺒﺎﺡ،،،ﺩﺍﺯﺕ ﻣﻦ ﻗﺪﺍﻡ ﻋﻴﻨﻴﺎ ﻣﻦ ﺑﻴﻦ ﺍﻳﺪﻳﻦ ﻋﺒﺪ ﺍﻟﻤﻮﻟﻰ ﺍﻟﻰ ﻳَﺪﻱْ ﻫﺎﺩﺍﻙ ﺍﻟﺴﻴﺪ،،ﺗْﻐَﺮﻏﺮﻭ ﻟﻴﺎ ﻋﻴﻨﻴﺎ ...ﺷﺪﻫﺎ ﻫﺎﺩﺍﻙ ﺍﻟﺴﻴﺪ ﺍﻟﺸﺎﺏ ﺷﺎﻓﻬﺎ،ﺑﺘﺎﺳﻢ ﻭﺩﺍﺭ ﻋﻨﺪﻱ،ﻫﺎﻛﻲ ﺩﺧﻠﻲ ﻭﻃﻠﻌﻲ ﻟﻘﺎﻋﺔ 4 ﻗﺎﻋﺔ ﺍﻻﻧﺘﻈﺎﺭ ﻣﻦ ﺑﻌﺪ ﻟﻲ ﻋﻴﻄﻮ ﻋﻠﻴﻪ ﻳﻄﻠﻊ ﻟﻠﻄﺒﻘﺔ 5،،
ﻣﺎﺻﺪﻗﺘﺶ..ﻏﺎﺩﺍ ﻧﺪﺧﻞ ﻭﻏﻨﺘﻔﻚ ﻣﻦ ﻋﺒﺪ ﺍﻟﻤﻮﻟﻰ ﻭﻣﻦ ﻫﺪﺭﺓ ﻋﺒﺪ ﺍﻟﻤﻮﻟﻰ ﺑﻬﺎﺩ ﺍﻟﺴﻬﻮﻟﺔ...ﻣﺎﻫﺰﻱﺗﺶ ﻓﻴﻪ ﺭﺍﺳﻲ ﺧﺪﻳﺖ ﻭﺭﻗﺘﻲ ﺑﺴﺘﻬﺎ،،ﻫﺰﻳﺖ ﺭﺍﺳﻲ ﻟﺴﻤﺎ ﻭﻗﻠﺖ ﺣْﻤَﺪْﺗﻚ ﻳﺎ ﺭﺑﻲ ﻭﺷﻜﺮﺗﻚ ﺭﺟﻌﺘﻬﺎ ﻟﻮﺳﻂ ﺍﻟﻀﻮﺳﻲ ﻭﻣﺎﺷﻔﺘﺶ ﻓﻮﺟﻪ ﺍﻟﺴﻴﺪ ﺍﻟﺸﺎﺏ ﻭﻧﺴﻴﺖ ﻧﺸﻜﺮﻭ ..ﺗﻤﻴﺖ ﻏﺎﺩﺓ ﻭﺟﺎﻱ ﺗﺎﺑﻌﻨﻲ ﺑّﺎ ﻋﺒﺪ ﺍﻟﻤﻮﻟﻰ ﻛﻴﻬﺪﺭ: ﺭﺍﻙ ﻋﺎﺭﻓﺔ ﺍﺑﻨﺘﻲ ﻣﺎﺗﺒﻐﻴﺶ ﻟﻴﺎ ﺍﻟﻀﺮﺭ ﺍﻳﻼ ﺩﺧﻠﺘﻚ ﻭﺍﻧﺎ ﻣﺎﻋﺮﻓﻜﺶ ﻛﻴﻔْﻮﺍﻟﻮ ﻳﻮﻗﻊ ﻟﻴﺎ ﻣﺸﻜﻴﻞ
ﺩﺭﺕ ﻋﻨﺪﻭ ﻭﺍﻧﺎ ﻣْﻨَﺮﻓْﺰَﺓ،،: ﺩﺧّﻠﻨﺎ ﻋﻠﻴﻚ ﺑﺎﻟﻠﻪ ﻫﺎﺩﻱ ﺧﺪﻣﺔ ﻋﻨﺪﻙ ﺑﺎﻏﻲ ﺗﺴﻄﻴﻨﻲ ﻋﻠﻰ ﺍﻟﺼﺒﺎﺡ ﻛﺘﺠﺒﺪ ﻟﻴﺎ ﺍﺧﻄﺮ ﺍﻟﻤﺠﺮﻣﻴﻦ ﻭﻟﻮﻳﻞ ﻟﻜﺤﻞ ﻛﺘﻔﺎﻳﻞ ﻋﻠﻴﺎ ﻭﻻﺷﻨﻮ،ﺷﺎﺩﻧﻲ ﺑﺎﻟﻬﺪﺭﺓ ﺍﻟﺨﺎﻭﻳﺔ،،،ﺑَﻨْﺖﻟﻴﻚ ﻫﺎﺯًﺓ ڤﻴﺮﻭﺱ ﺍﻳﺒﻮﻻ ﻓﺠﻴﺒﻲ ﻭﻛﺘﺴﺘﻨْﻄَﻖ ﻓﻴﺎ،،ﻋﺎﻓﺎﻙ ﺍﺳﻴﺪﻱ ﻟﻤﺎ ﺧﻠﻴﻨﻲ ﻧﺪﺧﻞ ﻧﻄﻠﺐ ﺯﻫﺮﻱ ﻓﻬﺎﺩ ﺍﻟﺨﺪﻣﺔ ،،ﺳﻴﺮ ﺟْﺮﻱ ﺭﺍﻩ ﺑﺎﻥ ﻟﻴﺎ ﻭﺍﺣﺪ ﺟﺎﻱ ﺑﺎﻏﻲ ﻳﺪﻭﺯ ﻟﻤﺘﻴﺤﺎﻥ ﻣﻌﺎﻧﺎ ﺷﺪ ﻓﻴﻪ !
ﺩﻭﺭﺕ ﻭﺟﻬﻲ ﻭﺑﺪﻳﺖ ﻛﻨﻤﺸﻲ ﺑﺨﻄﻮﺍﺕ ﻭﺍﺳﻌﺔ ﻭﻛﺒﻴﺮﺓ ﺑﺎﺵ ﻧﻮﺻﻞ ﺩﻏﻴﺎ ﻟﺼﺎﻟﺔ ﺍﻻﻧﺘﻈﺎﺭ،،ﻭﺍﻧﺎ ﻛﻨﻘﻮﻝ ﺍﻳﻼ ﻣﺸﻴﺖ ﺣﺘﻰ ﺧﺪﻣﺖ ﺍﻥ ﺷﺎﺀ ﺍﻟﻠﻪ ﻓﻬﺎﺩ ﺍﻟﺸﺮﻛﺔ ﺍﻭﻝ ﺣﺎﺟﺔ ﻏﻨﺪﻳﺮ،،،، ﻧﺪﻳﺮ ﺍﺿﺮﺍﺏ ﺿﺪ ﻋﺒﺪ ﺍﻟﻤﻮﻟﻰ ﻳﺨﺮﺟﻮﻩ ﻭﻧﺸﻮﻑ ﺍﺵ ﻏﻴﻮﻗﻊ ﻟﻴﻪ ﻣَﻠّﻲ ﻳﺠﺮﻳﻮ ﻋﻠﻴﻪ ﻣﻦ ﺍﻟﺨﺪﻣﺔ؛ ﻭﻗﻔﺖ ﻗﺪﺍﻡ ﻻﺳَﻨْﺴﻮﺭ ﻭﺃﻧﺎ ﻛﻨﻀﺤﻚ ﺿَﺤَﻜَﺎﺕ ﺷﺮﻳﺮﺓ
ﺣﺴﻴﺖ ﺑﺸﻲ ﺣﺪ ﺟﺎ ﻭﻗﻒ ﺣﺪﺍﻳﺎ،ﺿﺮﺏ ﻋﻠﻰ ﺍﻟﻄﺎﺑﻖ 5..
ﺍﻟﻄﺒﻘﺔ 5 ﻫﻲ ﻓﻴﻦ ﻏﻨﺪﻭﺯﻭ ﻟﻮﻏﺎﻝ ﺩﻳﺮﻳﻜﺖ ،،،!!!
ﺑﺪﻳﺖ ﻛﻨﻘﻮﻝ،،ﻭﺍﺵ ﻧﻬﺰ ﺭﺍﺳﻲ ﻧﺸﻮﻑ ﺷﻜﻮﻥ ﻭﻻّ ﻻ ﺁﺵ ﻧﺪﻳﺮ،،،ﻭﺃﻧﺎ ﻓﺪﻳﻚ ﺍﻟﻠﺤﻈﺔ ﻛﻨﺘﺸﺎﻭﺭ ﻣﻊ ﺭﺍﺳﻲ
: ﺍﺣﻢ ﺍﺣﻢ،،ﻣﺎﺗﻌﺼﺒﻴﺶ ﻣﻊ ﺑﺎ ﻋﺒﺪ ﺍﻟﻤﻮﻟﻰ ﻭﺣﺎﻓﻈﻲ ﻋﻠﻰ ﺍﻟﺘﺮﻛﻴﺰ ﺩﻳﺎﻟﻚ !
ﺗْﻜﻮﻓَﺮْﺕْ ﻓﺒﻼﺻﺘﻲ،،،ﻣﺎﻋﺮﻑﺕ ﺍﺷﻤﻦ ﺭﺩﺓ ﻓﻌﻞ ﻧﺪﻳﺮ
ﺑﻘﻴﺖ ﺣﺎﺩﺭﺓ ﺭﺍﺳﻲ ﺣﺘﻰ ﺗﺤﻞ ﺍﻟﺒﺎﺏ،ﺩﺧﻞ ﺍﻟﺴﻴﺪ ﺍﻟﺸﺎﺏ..ﻭﺃﻧﺎ ﺑﻘﻴﺖ ﻛﻨﺪﻭﺭ ﻋﻴﻨﻴﺎ،،ﻋﺮﻓﺖ ﺑﻠﻲ ﻫﻮ ﺍﻟﺸﺨﺺ ﻟﻲ ﻏﻨڭﻠﺲ ﻗﺪﺍﻣﻮ ﻓﻲ ﻣﻘﺎﺑﻠﺔ ﺍﻟﻌﻤﻞ..ﺭﺟﻌﺖ ﺟﻮﺝ ﺧﻄﻮﺍﺕ ﺍﻟﻠﻮﺭ، ﺩﺭﺕ ﺍﺑﺘﺴﺎﻣﺔ ﻋﺮﻳﻀﺔ ﻭﻗﻠﺖ ﻟﻴﻪ: ﻻ ﻻ ﺃﻧﺎ ﻏﻨﻄﻠﻊ ﻓﺎﻟﺪﺭﻭﺝ!
ﺑﻘﻰ ﻛﻴﺸﻮﻑ ﻭﻣﺎﻓﻬﻢ ﻭﺍﻟﻮ،،ﺍﺵ ﻳﺎﺭﺑﻲ ﻫﺎﺩ ﺍﻟﻤﺼﻴﺒﺔ،،ﺻﺎﻓﻲ ﻣﺸﺎﺕ ﺍﻟﺨﺪﻳﻤﺔ،،ﺃﻧﺎ ﻣﻦ ﺍﻟﺪﻗﺔ ﻟﻮﻻ ﺩﺍﺧﻠﺔ ﻣﺤﻴﺤﺔ ﻭﻛﻨﺴﺐّ ﻓﺎﻟﻌﺴﺎﺱ ﻋﺒﺪ ﺍﻟﻤﻮﻟﻰ ﻭﻫﻮ ﺳﻤﻌﻨﻲ ،ﺃﻧﺎ ﺍﻧﺘﻬﻴﻴﻴﻴﻴﺖ
ﻃﻠﻌﺖ ﻓﺎﻟﺪﺭﻭﺝ ﻭﺷﺒﻌﺖ ﻓﺮﺍﺳﻲ ﻣﻌﻴﺎﺭ،،ﺩﺧﻠﺖ ﺍﻟﻘﺎﻋﺔ..ﺍﻟﺠﻮ ﻛﺎﻥ ﻣﺘﻮﺗﺮ،،ﻟﺒﻨﺎﺕ ﻻﺑﺴﻴﻦ ﺷﻴﻴﻴﻚ ﻭﺍﻟﻤﻜﻴﺎﺝ ﻭﺍﻟﺸﻌﻮﺭﺍﺕ ﻭﺍﻟﺮﻭﺍﻳﺢ ﻭﺃﻧﺎ ﻓﻮﻥ ﺩﻭﺗﺎﻥ ﻭﺷﻮﻳﺔ ﻟﻌﻜﺮ ﺑﺎﻟﻜﺸﻴﻔﺔ ﺑﺎﺵ ﻟﺒﻘﺘﻬﻢ ﻟﻮﺟﻬﻲ ﻭﺍﺧﺎ ﻣﺎﺑﻴﻨﻴﻨﺶ،،،!ﺍﺃﻡﺍ ﺍﻟﺪﺭﺍﺭﻱ ﻫﻪ ﺑﻼﻣﻨﻬﺪﺭ !
ﺷﻲ ﻛﻴﺸﻮﻑ ﻓﺸﻲ ﺗﺨﻨﺰﻳﺮﺍﺕ ﻭﺷﻮﻓﺎﺕ ﻭﻧﻈﺮﺍﺕ ﻣﺤﺒﻄﺔ ﻭﻟﻜﻦ ﺃﻧﺎ ﺩﻳﻚ ﺍﻟﺴﺎﻋﺔ ﻣﺨﻠﻴﺎﻫﺎ ﻋﻠﻰ ﺍﻟﻠﻪ،،،ﻣﺎﺑﻘﻴﺖ ﻛﻨﻌﺼﺐ ﻓﺮﺍﺳﻲ ﻻﻥ ﺍﻟﻮﺻﻮﻝ ﺩﻳﺎﻟﻲ ﻟﻬﻨﺎ ﺗﻜﺮﻓﺴﺖ ﻓﻴﻪ ﻣﻦ ﺟﻤﻴﻊ ﺍﻟﺠﻮﺍﻧﺐ ﺑﺤﺎﻻ ﺯﻫﺮﻱ ﻛﻴﺘﺴﺎﻟﻨﻲ ﻟﻜﺮﻳﺪﻱ!
ﺑﺪﺍ ﻛﻴﺪﻭﺯ ﻭﺍﺣﺪ ﺑﻮﺍﺣﺪ،،ﻭﺃﻧﺎ ﻛﻨﺘﺴﻨﻰ ﻓﻨﻮﺑﺘﻲ ﺣﺘﻰ ﺑﺪﺍ ﻛﻴﺠﻴﻨﻲ ﻧﻌﺎﺱ ﻭﻛﻨﺘﻔﻮﻩ!
ﺣﻠﻴﺖ ﻋﻴﻨﻴﺎ... ﻧﺎﺭﻱ ﺍﻟﻘﺎﻋﺔ ﻛﺘﺼﻔﺮ،،ﺧﺮﺟﺖ ﻃﻠﻴﺖ ﻣﺎﺑﺎﻥ ﻟﻴﺎ ﺣﺪ،،ﺣﺪﺭﺕ ﺭﺍﺳﻲ ﻭﺗﻤﻴﺖ ﻃﺎﻟﻌﺔ ﻟﻠﻄﺒﻘﺔ 5،،ﻭﺃﻧﺎ ﻓﻴﺎ ﺍﻟﺒﻜﻴﺔ،،ﻭﻛﻨﻠﻮﻡ ﻓﺮﺍﺳﻲ:ﺃﻧﺎ ﻣﺎﺧﻠﻴﺖ ﻓﻴﻦ ﻧﻌﺴﺖ ﺣﺘﻰ ﻧﻬﺎﺭ ﻟﻤﺘﻴﺤﺎﻥ ﻧﻌﺴﺖ ﻧﺎﺭﻱ ﻳﺎ ﺭﺑﻲ ﻳﺂﺁﺭﺑﻲ ﺗﻮﻗﻒ ﻣﻌﺎﻳﺎ
ﻋﻨﺪ ﺍﻟﺒﺎﺏ ﺩﻳﺎﻝ ﺍﻟﻤﻜﺘﺐ ﻣﻘﺎﺑﻠﺔ ﺍﻟﻌﻤﻞ،،ﺻﻔﺎﺭﻳﺖ ﻭﻓﻤﻲ ﻧﺸﻒ ﻭﺑﻴﺎﺽ،،ﺑﺪﻳﺖ ﻛﻨﺘﺮﻋﺪ ﻭﻛﻨﻘﻔﻘﻒ
ﺩﻗﻴﺖ ﺑﺸﻮﻳﺔ،،ﺩﺧﻞ..!
ﺣﻠﻴﺖ ﺍﻟﺒﺎﺏ ﺑﺸﻮﻳﺔ ﺑﺤﺎﻻ ﻛﻨﺘﺴﻠﺖ ﻭﺳﺪﻳﺘﻮ ﺑﺸﻮﻳﺔ ،،ﺑﺪﻳﺖ ﻛﻨﺘﻤﺸﻰ ﺑﺤﺎﻝ ﺷﻲ ﻭﺣﺪﺓ ﻛﺘﺤﺴﺐ ﻓﺨﻄﻮﺍﺗﻬﺎ،،ﻭﺣﺎﺩﺭﺓ ﺭﺍﺳﻲ
ﻫﺰ ﺍﻳﺪﻳﻪ ﺍﻟﻠﻴﺴﺮﻳﺔ ﻭﺟﺒﺪ ﺍﻟﻤڭﺎﻧﺔ،،ﺍﻻﻧﺴﺔ ﺗﻌﻄﻠﺘﻲ ﺏ 15ﺩﻗﻴﻘﺔ ﻭﺍﺵ ﺣﻨﺎ ﻟﻲ ﺧﺪﺍﻣﻴﻦ ﻋﻨﺪﻙ ﻭﻻ ﻧﺘﻲ ﺟﺎﻳﺔ ﺗﺨﺪﻣﻲ ﻋﻨﺪﻧﺎ
ﻓﺸﻠﻮ ﻟﻴﺎ ﺍﻟﺮﻛﺎﺑﻲ،،ﺟﺎﺗﻨﻲ ﺍﻟﺒﻜﻴﺎ ﻭﺑﺪﺍﻭ ﺩﻣﻮﻋﻲ ﻛﻴﻄﻴﺤﻮ،،ﺑﺪﻳﺖ ﻛﻨﺤﻠﻒ ﻭﻧﻌﺎﻭﺩ ﻭﺍﻟﻠﻪ ﻣﺎﺩﺭﺗﻬﺎ ﺑﻠﻌﺎﻧﻲ،،ﺑﺤﺎﻝ ﺑﻨﻴﺔ ﺻﻐﻴﺮﺓ ﻋﻨﺪﻫﺎ 5 ﺳﻨﻴﻦ ﺣﺼﻼﺗﻬﺎ ﻣﻬﺎ ﻫﺎﺯﺓ ﺍﻟﻔﻘﺎﺹ ﻣﻦ ﺳﻄﻞ ﺍﻟﺤﻠﻮﻯ ﻟﻲ ﻣﺨﺒﻴﺎﻫﺎ ﻟﻠﻀﻴﺎﻑ..
ﻧﺎﺽ ﻣﻦ ﺑﻼﺻﺘﻮ ﻭﺟﺎ ﻭﻗﻒ ﻗﺮﻳﺐ ﻣﻨﻲ،ﻭﻗﺪﺍﻣﻲ،،ﺑﻘﻰ ﺳﺎﻛﺖ ﻭﺃﻧﺎ ﻋﺎﻃﻴﺎﻫﺎ ﺍﻟﺒﻜﻰ ﻭﺍﻟﻨﺤﻴﺐ ﻭﻧﺤﻠﻒ ﻭﻧﻌﺎﻭﺩ
ﺟﺒﺪ ﺍﻳﺪﻳﻪ ﻣﻦ ﺟﻴﺒﻮ ﻭﺑﻐﺎ ﻳﻤﺴﺢ ﻟﻲ ﺩﻣﻮﻋﻲ...ﻗﺎﻟﻲ :ﻣﺎﻛﻨﺤﻤﻠﺶ ﻧﺸﻮﻑ ﺷﻲ ﺑﻨﺖ ﻛﺘﺒﻜﻲ...
ﻳﺎﻻﻩ ﻏﻴﻤﺴﺢ ﻟﻲ ﺃﻭﻝ ﺩﻣﻌﺔ ﺳﻠﻜﺎﺕ ﻃﺮﻳﻘﻬﺎ ﻋﻠﻰ ﺧﺪﻱ ﻭﻗﺮﻳﺒﺔ ﻃﻴﺢ ﻋﻠﻰ ﺍﻻﺭﺽ ..ﺗﺤﻞ ﻟﺒﺎﺏ
ﻧﺘﺎ ﺑﺎﻗﻲ ﻣﺎﺳﺎﻟﻴﺘﻲ؟
ﻫﻮ ﺭﺗﺎﺑﻚ ..ﺭﺟﻊ ﺍﻳﺪﻳﻪ ﺑﺎﻟﺰﺭﺑﺔ ﻟﺠﻴﺒﻮ ﻭﺗﺴﺎﺧﺮ ﻟﻠﻮﺭ،ﻭﺃﻧﺎ ﻣﺎﻣﺴﻮﻗﺎﺵ ﺑﺎﻗﺎ ﻛﻨﺒﻜﻲ
ﺟﺎ ﺩﺧﻞ ﻭڭﻠﺲ ﻓﺒﻼﺻﺔ ﺍﻟﺴﻴﺪ ﺍﻟﺸﺎﺏ ﻭﺩﺍﺭ ﺭﺟﻞ ﻋﻠﻰ ﺭﺟﻞ ،،ﻃﻠﻌﻨﻲ ﻭﻧﺰﻟﻨﻲ،،ﻭﻗﺎﻝ ﻟﻴﺎ ﺻﺎﻓﻲ ﺳﻴﺮﻱ ﺣﺘﻰ ﻧﻌﻴﻄﻮ ﻟﻴﻚ ﻣﻦ ﺑﻌﺪ
ﺟﺒﺪ ﺗﻴﻠﻴﻔﻮﻧﻮ ﻭﻗﺎﻝ ﻟﻠﺴﻴﺪ ﺍﻟﺸﺎﺏ:ﺍﺣﻤﺪ ﺭﺍﻧﻲ ﻋﺎﺭﺽ ﻋﻠﻴﻚ ﻟﻐﺪﺍ...ﺑﻘﺎ ﻛﻴﻬﺪﺭ ﻣﻊ ﺍﺣﻤﺪ ﻭﺃﻧﺎ ﻣﺎﺩﻳﺮﻧﻴﺶ ﻓﺎﻟﻮﺟﻮﺩ
ﺣﺪﺭﺕ ﺭﺍﺳﻲ ﻭﺷﺪﻳﺖ ﻓﺼﺎﻛﻲ ﺩﻳﻚ ﺍﻟﺸﺪﺓ ﺩﻳﺎﻝ ﺍﻳﺪﻱ ﻣﺎﺑﻘﺎﺗﺶ ﻛﺘﺴﺘﺎﺟﺐ ﻟﻴﺎ ..
ﺍﺣﻤﺪ ﻫﺰ ﻛﺮﺳﻲ ﻭڭﻠﺲ ﺣﺪﺍ ﺩﺍﻙ ﺍﻟﻤﻜﻠﺦ ..ﻭﻗﺎﻟﻴﻪ ﺑﺎﻗﺎ ﻏﻴﺮ ﻫﺎﺩﻱ ﻣﺎﺩﺍﺯﺗﺶ
ﺩﺍﺭ ﻋﻨﺪﻭ ﻗﺎﻟﻲ:ﻭﺍﺻﺎﺣﺒﻲ ﺍﻟﻨﺸﺮﺓ ﻫﺎﺩﻱ ،،ﻗﻠﺘﻲ ﻟﻲ 12 ﻏﺘﻜﻮﻥ ﺳﺎﻟﻴﺘﻲ ﻭﻫﺎﺩﻱ 12 ﻭﺭﺑﻊ ﻭﻧﺘﺎ ﺑﺎﻗﻲ ﻣﺎﺳﺎﻟﻴﺘﻲ!!
ﺩﺍﺭ ﻋﻨﺪﻱ ﺃﻧﺎ:ﺍﻻﻟﺔ ﻏﺘﺒﻘﺎﻱ ﻭﺍﻗﻔﺔ،ڭﻠﺴﻲ !
ﻣﺤﻤﻠﺘﻮﻭﻭﻭﺵ ﻭﺍﻛﻮﺍﻙ ﺍﻋﻴﺒﺎﺩ ﺍﻟﻠﻪ ﻏﻨﻘﺘﻠﻮ،،ﻭﻟﻜﻦ ﻓﺎﺵ ﻗﺎﻟﻲ ﺍﺣﻤﺪ ﺗﻔﻀﻠﻲ ﺍ ﺍﻧﺴﺔ ،،ﺣﺪﺭﺕ ﺭﺍﺳﻲ ﻭڭﻠﺴﺖ ﻣﻘﺎﺑﻠﺔ ﻣﻌﺎﻫﻢ!
ﻫﺰ ﺩﺍﻙ ﺍﻟڭﻨﺲ ﺳﻲ ڤﻲ ﺩﻳﺎﻟﻲ ﻭڭﻠﺲ ﻛﻴﻘﻠﺐ ﻓﻴﻪ : ﺍﻣﻢ ﺯﻳﻨﺐ 26 ﺳﻨﺔ ﺩﻳﺒﻠﻮﻡ ﺍﻻﻗﺘﺼﺎﺩ،،ﺧﺒﺮﺓ ﻣﺰﻳﺎﻥ ،،ﺍﻟﻠﻐﺎﺕ ﻓﺮﻧﺴﻴﺔ،ﻋﺮﺑﻴﺔ ﺍﻧﺠﻠﻴﺰﻳﺔ ﻻﺡ ﺍﻟﻀﻮﺳﻲ ﺩﻳﺎﻟﻲ ﻋﻠﻰ ﺍﻟﻄﺒﻠﺔ ﻭﻗﺎﻟﻲ،،ﺻﺎﻓﻲ ﻏﻴﺮ ﺳﻴﺮﻱ ﻣﻦ ﺑﻌﺪ ﻭﻧﻌﻴﻄﻮ ﻋﻠﻴﻚ
ﺑﻘﻴﺖ ﻛﻨﺸﻮﻑ ،،ﺍﺵ ﻫﺎﺩ ﺍﻟﻮﻗﺎﺣﺔ ﻭﺍﺵ ﻫﺎﺩ ﺍﻟﺒﺴﺎﻟﺔ!ﻫﺎﺩﺍ ﻣﺎﻟﻮ ﻭﺍﺵ ﺑﻐﺎﻧﻲ ﻧﻮﺽ ﻧﺤﻴﺢ ﻋﻠﻲ،ﻛْﺘﻤﺖ ﺍﻟﻐﻴﻆ ﻟﻲ ﻓﻴﺎ ﻭﻗﻠﺖ ﻟﻴﻪ:ﻋﻄﻲ ﻟﻲ ﻓﺮﺻﺔ ﺑﺤﺎﻝ ﻻﺧﺮﻳﻦ...
ﻗﺎﻟﻲ ﺍﺣﻤﺪ:ﻫﻪ ﻣﺎﻋﻠﻴﺶ ﻋﻨﺪﻙ ﻓﺮﺻﺔ ﺩﻳﺎﻟﻚ ﻭﻣﻦ ﺣﻘﻚ،ﻻﺵ ﺧﺘﺎﺭﻳﺘﻲ ﺗﺨﺪﻣﻲ ﻣﻌﺎﻧﺎ ﻓﺸﺮﻛﺔ ﺯﻭﺭﻳﺦ ﻟﻠﺴﻴﺎﺣﺔ!
ﻫﺰﻳﺖ ﺭﺍﺳﻲ ﻭﺃﻧﺎ ﻭﺍﺛﻘﺔ ﻣﻦ ﻧﻔﺴﻲ،،ﺍﻟﺘﻨﻔﺲ ﺩﻳﺎﻟﻲ ﻛﺎﻥ ﻣﺮﺗﺒﻚ ﻭﻟﻜﻦ ﻗﺪﺭﺕ ﻧﺴﻴﻄﺮ ﻋﻠﻰ ﻧﻔﺴﻲ ﻭﻧﺘﺒﺖ ﻓﻬﺪﺭﺗﻲ:ﻗﻠﺖ ﻟﻴﻪ ﺍﻟﺤﻠﻢ ﺩﻳﺎﻟﻲ ﻫﻮ ﺍﻟﻌﻤﻞ ﻓﻲ ﺷﺮﻛﺔ ﻟﻠﺴﻴﺎﺣﺔ،،ﺍﻟﺨﺒﺮﺍﺕ ﻟﻲ ﻛﺘﺴﺒﺘﻬﺎ ﻣﻦ ﻗﺒﻞ ﻋﻄﺎﺗﻨﻲ ﻣﺆﻫﻼﺕ ﻭﺍﻣﻜﺎﻧﻴﺎﺕ،،ﺣﺘﻰ ﻇﺮﻭﻑ ﺍﻟﻌﻤﻞ ﻋﻨﺪﻱ ﺍﻣﻜﺎﻧﻴﺔ ﺍﻟﻌﻤﻞ ﻓﻲ ﻣﺠﻤﻮﻋﺎﺕ ﻭﻗﺪﺭﺓ ﺍﻟﺴﻴﻄﺮﺓ ﻋﻠﻰ ﺍﻟﻀﻐﻂ ﻋﻠﻰ ﻧﻔﺴﻴﺘﻲ ﻭﺍﻳﺠﺎﺩ ﺍﻟﺤﻞ ﻋﻨﺪ ﺍﻟﻤﺸﻜﻞ ﻫﻮ ﻣﺎ ﺍﺭﻛﺰ ﻋﻠﻴﻪ ﻋﻨﺪ ﺍﻟﻤﻮﺍﻗﻒ ﺍﻟﺼﻌﺒﺔ!
ﺑﺪﺍ ﺩﺍﻙ ﺍﻟڭﻨﺲ ﻛﻴﺘﻜﺴﻞ ﻭﻛﻴﺘﺠﺒﺪ ﻭﺍﻧﺎ ﻣﺎﺣﻤﻼﺵ
ﻧﻘﺰ ﻣﻦ ﺍﻟﻤﻘﻠﺔ ﻭﻗﺎﻟﻲ:ڭﺎﻉ ﻟﻲ ﺩﺍﺯﻭ ﻛﻴﻘﻮﻟﻮ ﻧﻔﺲ ﺍﻟﻬﺪﺭﺓ ﻋﻼﺵ ﻧﺨﺘﺎﺭﻭﻙ ﻧﺘﻲ ﻭﻫﻮﻣﺎ ﻻ؟ﺷﻨﻮ ﻏﺘﻌﻄﻲ ﻟﺸﺮﻛﺔ!
ﺯﻋﻤﺎ ﺭﺍﻩ ﻭﺍﻋﺮ ﻭﺑﺎﻏﻲ ﻳﺤﺼﻠﻨﻲ ﻭﺑﺎﻏﻲ ﻳﻄﻴﺮ ﻟﺴﻤﺎ:ﺩﺭﺕ ﻋﻨﺪﻭ ﻭﺷﻔﺖ ﻓﻌﻴﻨﻴﻪ:ﺍﻟﺸﺮﻛﺔ ﻣﺤﺘﺎﺟﺔ ﻟﻄﺎﻗﺎﺕ ﻭﺍﻓﻜﺎﺭ ﻣﻨﺘﺠﺔ،ﻏﻨﺪﻳﺮ ﻣﺎﻓﺠﻬﺪﻱ ﺑﺎﺵ ﻧﻘﺪﺭ ﻧﺨﻠﻲ ﻟﻜﻠﻴﺎﻥ ﻭﻧﻘﻨﻌﻮ ﺑﺎﺧﺘﻴﺎﺭﻭ ﻟﺸﺮﻛﺔ،،ﻧﺸﻮﻑ ﺍﻟﻨﻘﺺ ﻭﻧﺤﺎﻭﻝ ﻧﻌﻮﺿﻮ،،ﻭﺃﻧﺎ ﻋﻨﺪﻱ ﺍﻟﻘﺪﺭﺓ ﻣﺎﺷﻲ ﻏﻴﺮ ﺍﻟﻜﺎﻓﻴﺔ ﺑﻞ ﺍﻛﺜﺮ ﻣﻦ ﻛﺎﻓﻴﺔ ﺑﺎﺵ ﻧﺤﻘﻖ ﺗﻘﺪﻡ ﻭﻟﻮ ﺗﻌﻄﺎﺕ ﻟﻲ ﻓﺮﺻﺔ ﻏﺎﺩﻱ ﺗﺸﻮﻑ ﻋﻼﺵ ﻗﺎﺩﺓ،،ﺩﺭﺕ ﻭﺍﺣﺪ ﺍﻟﻀﺤﻜﺔ ﺟﻨﺒﻴﺔــــــــﻮﺩﺭﺕ ﻋﻨﺪ ﺍﺣﻤﺪ ﻭﻗﻠﺖ ﻟﻴﻪ: ﻣﺒﺪﺃ ﺩﻳﺎﻟﻲ ﻫﻮ ﻋﺪﻡ ﺧﻴﺎﻧﺔ ﺛﻘﺔ ﺭﺋﻴﺴﻲ ﻓﺎﻟﻌﻤﻞ ﻭﻧﻮﻗﻒ ﺑﺠﻨﺒﻮ ﻣﻬﻤﺎ ﻛﺎﻧﺖ ﺍﻟﻈﺮﻭﻑ !
ﺑﺘﺎﺳﻢ ﻟﻲ ﺍﺣﻤﺪ ﻭﻻﺧﺮﻣﺎﺩﻳﺘﻬﺎﺵ ﻓﻴﻪ ﺍﺵ ﺑﻘﺎ ﻛﻴﺪﻳﺮ ﻭﻻ ﺍﺵ ﻛﻴﻘﻮﻝ،،ﻃﺮﺡ ﻋﻠﻴﺎ ﺑﻌﺾ ﺍﻻﺳﺌﻠﺔ ﺍﻟﻤﻌﻴﻘﺔ ﻭﺯﻋﻤﺎ ﺑﺎﻏﻲ ﻳﺤﺼﻠﻨﻲ ﻭﻟﻜﻦ ﺍﺳﺘﻤﺘﻌﺖ ﺑﺎﺟﺎﺑﺎﺗﻲ ﻭﻋﻄﻴﺘﻮ ﻋﻠﻰ ﻭﺩﻧﻴﻪ!
ﺍﻟﺤﻤﺪ ﻟﻠﻪ ﻗﺪﺭﺕ ﻧﺠﺎﻭﺏ ﻋﻠﻰ ڭﺎﻉ ﺍﻻﺳﺌﻠﺔ ﻭﺑﺪﻳﺖ ﻛﻨﺤﻠﻢ ﺑﺮﺍﺳﻲ ﺧﺪﺍﻣﺔ،،،ﻭﻓﺮﺣﺎﻧﺔﻭﻟﻜﻦ ﻫﺎﺩﺍﻙ ﻟﻤﻜﻠﺦ ﻣُﺼﺮ ﻋﻠﻰ ﺍﻧﻪ ﻳﻮﻗﻒ ﻟﻴﺎ ﻓﺴﻌﺪﻱ،،،
ﻻ ﺑﻼﺗﻲ ﻋﻨﺪﻱ ﻟﻴﻚ ﺳﺆﺍﻝ:ﺍﻳﻼ ﻣﻌﻴﻄﻨﺎﺵ ﻟﻴﻚ ﻟﺨﺪﻣﺔ،ﺷﻨﻮ ﻛﻈﻨﻲ ﻏﻴﻜﻮﻥ ﺍﻟﺴﺒﺐ،،ﺑﺪﺍ ﻛﻴﻀﺤﻚ ﺩﻳﻚ ﺍﻟﻀﺤﻜﺔ ﻟﻤﺴﻤﻮﻣﺔ ..
ﻗﻠﺖ ﻟﻴﻪ: ﺍﻥ ﺷﺎﺀ ﺍﻟﻠﻪ ﻏﺘﻌﻴﻄﻮ ﻟﻲ ﻭﻏﻨﺨﺪﻡ،ﻭﺣﺘﻰ ﻣﺎﺗﻌﻴﻄﻮﺵ ﻟﻲ ﻟﻲ ﻧﺠﺎﻭﺑﻚ
ﺍﺣﻤﺪ ﺗﻔﺎﺟﺄ ﻣﻦ ﻗﺼﻮﺣﻴﺔ ﻭﺟﻬﻲ،،ﻭﺩﺍﻙ ﺍﻟﻐﺒﻲ ﺑﻘﺎ ﻏﻴﺮ ﻛﻴﺸﻮﻑ،،ﺧﻨﺰﺭ ﻓﻴﺎ،،ﻗﺎﻟﻲ:ﺿﺎﻣﻨﺔ ﺭﺍﺳﻚ ﻫﺎﻩ،،ﻣﺸﻜﻠﺘﻚ ﻫﻲ ﺍﻟﺤﺠﺎﺏ،ﺣﻨﺎ ﺷﺮﻛﺔ ﺳﻴﺎﺣﻴﺔ ﺑﺎﻣﺘﻴﺎﺯ،ﻋﻨﺪﻧﺎ ﺍﺟﺎﻧﺐ ﻭﻏﻴﺮ ﻣﺴﻠﻤﻴﻦ،،ﻳﻌﻨﻲ ﺣﺠﺎﺑﻚ ﻳﻘﺪﺭ ﻳﺨﻠﻖ ﻟﻴﻚ ﻧﻮﻉ ﻣﻦ ﺍﻟﺘﺄﺧﺮ ﻓﻬﺎﺩ ﻟﻤﺠﺎﻝ،،ﺷﻨﻲ ﻏﺎﺩﻳﺮﻱ ﻣﺴﺘﻌﺪﺓ ﺗﺤﻴﺪﻳﻪ،،ﺍﻳﻼ ﺣﻴﺪﺗﻴﻪ ﻣﻦ ﻟﻴﻮﻡ ﻓﻌﺸﻴﺔ ﺗﺒﺪﺍﻱ ﻓﺎﻟﺒﻮﺳﺖ...
ﺑﻘﻴﺖ ﺳﺎﻛﺘﺔ ...ﺑﻘﻴﺖ ﻛﻨﺸﻮﻑ ﻓﻴﻪ ﻫﻮ ﻛﻴﺸﻮﻓﻴﺎ ﻧﻈﺮﺓ ﺍﺣﺘﻘﺎﺭ ﻧﻈﺮﺓ ﻗﻮﺓ !
ﺳﺆﺍﻝ ﻗﺎﺱ ﻭﺧﺎﻳﺐ ﺷﻨﻮ ﺩﺍﺑﺎ ﺃﻧﺎ ﺍﻳﻼ ﻣﺎﺣﻴﺪﺗﺶ ﺍﻟﺤﺠﺎﺏ ﻣﺎﻧﺨﺪﻣﺶ..ﻛﻨﺖ ﺣﺎﺳﺔ ﺑﻠﻲ ﺃﻧﺎ ﻣﺮﻓﻮﺿﺔ ﻭﺍﺻﻼ ﻛﻠﺸﻲ ﺑﺪﺍ ﺑﺎﻟﻌﻜﺲ ﺍﺫﻥ ﺍﻟﻠﻪ ﻛﺮﻳﻢ ،،ﺣﺪﺭﺕ ﺭﺍﺳﻲ ﺟﻤﻌﺖ ﺻﺎﻛﻲ ﻭﻗﻠﺖ ﻟﻴﻪ:ﻣﺎﺷﻲ ﻣﺸﻜﻞ ﻟﻌﻠﻪ ﺧﻴﺮ ﻳﺎﻻﻩ ﺟﻤﻌﺖ ﺍﻟﻮﻗﻔﺔ
ﻗﺎﻟﻲ :ﺍﺫﻥ ﻧﺘﻲ ﻛﺘﺨﻼﻱ ﻋﻠﻰ ﻟﺨﺪﻣﺔ؟ﺣﻨﺎ ﻣﺤﺘﺎﺟﻴﻦ ﻟﻨﺎﺱ ﻳﻘﺪﻣﻮ ﻟﻴﻨﺎ ﺗﻀﺤﻴﺎﺕ...!
ﺟﻤﻌﺖ ﻭﺭﺍﻗﻴﺔ ﻣﻦ ﻗﺪﺍﻣﻮ ﻭﻫﻮ ﻫﺰ ﺍﻳﺪﻳﻪ ﻭﺩﺍﺭ ﻋﻨﺪ ﺍﺣﻤﺪ:ﻭﻗﻠﻨﺎ ﺍﺻﺎﺣﺒﻲ ﻳﻼﻩ ﻭﻧﺘﺎ ﻛﻀﻴﻊ ﻟﻮﻗﺖ ﻛﻮﻥ ﻭﺻﻠﻨﺎ ﻭﺩﺍﺑﺎ ﻛﻨﺘﻐﺪﺍﻭ
ﻗﺎﻟﻲ ﺍﺣﻤﺪ:ﺍﻻﻧﺴﺔ ﺟﺎﻭﺑﻴﻪ!
ﺩﺭﺕ ﻋﻨﺪﻭ ﺑﻮﺟﻪ ﻣﺘﺄﻟﻖ ﻭﻛﻠﻮ ﻭﺿﻮﺡ:ﺃﻧﺎ ﻛﻨﻀﺤﻲ ﻋﻠﻰ ﻭﺩ ﺍﻟﺤﺠﺎﺏ ﺩﻳﺎﻟﻲ ﺑﺎﻟﺨﺪﻣﺔ ﻭﻧﺘﺨﻠﻰ ﻋﻠﻰ ﺍﻟﻌﺎﻟﻢ ﻣﻦ ﺍﺟﻞ ﺩﻳﻨﻲ ﻭﺍﻥ ﺷﺎﺀ ﺍﻟﻠﻪ ﺭﺑﻲ ﻏﻴﺴﺨﺮ ﻟﻲ ﻓﻄﺮﻳﻘﻲ ﺷﻲ ﺧﺪﻳﻤﺔ ﻧﺤﺲ ﺑﺮﺍﺣﺘﻲ ﻓﻴﻬﺎ.....ﻭﺃﻧﺎ ﻣﺎﻛَﻨْﺬَﻟّﻠْﺶ ﻧﻔﺴﻲ ﻟﻤﺨﻠﻮﻕ ﻣﻦ ﺍﺟﻞ ﻣﻜﺴﺐ ..ﻋﻨﻨﺪﻱ ﻛﺮﺍﻣﺔ ﻭﻋﻨﺪﻱ ﻛﺒﺮﻳﺎﺀ "ﺍﻟﻠﻪ ﻫﻮ ﺍﻟﺮﺯﺍﻕ ﺍﺫﻥ ﻣﺎﻛﺎﻳﻦ ﻻﺵ ﻧﺘﺸﺒﺖ ﺑﺸﻲ ﺣﺎﺟﺔ ﺗﻬﻴﻨﻲ ﻫﺬﺍ ﻛﺎﻥ ﺟﻮﺍﺑﻲ ﻻﺧﺮ ﺳﺆﺍﻝ ﺍﺫﻥ..ﺍﻟﺴﻼﻡ ﻋﻠﻴﻜﻢ؛
ﺗﻤﻴﺖ ﻏﺎﺩﻳﺔ ﻳﻼﻩ ﺍﻧﺤﻞ ﻟﺒﺎﺏ ﻧﺨﺮﺝ ﺳﻤﻌﺖ ﺩﻗﺎﺕ ﺳﺘﻴﻠﻮ ﻟﻲ ﻛﺎﻥ ﻫﺎﺯ ﺩﺍﻙ ﺍﻟﺴﻲ ﻣﺘﻌﺠﺮﻑ:ﻏﺪﺍ ﺗﻜﻮﻧﻲ ﻫﻨﺎ ﻣﻊ 8:00
ﻣﺎﻗﺪﺭﺗﺶ ﻧﺘﻴﻖ ﺭﺍﺳﻲ ﻓﺮﺣﺖ ﻭﺗﻐﺮﻏﺮﻭ ﻟﻴﺎ ﻋﻴﻨﻴﺎ ﺑﺎﻟﺪﻣﻮﻉ ،،،ﺟﻴﺖ ﻛﻨﻘﺰ ﻋﻨﺪ ﺍﻟﺴﻴﺪ ﺍﺣﻤﺪ ﺳﻠﻤﺖ ﻋﻠﻴﻪ ﺑﺎﻳﺪﻳﺎ ﺑﺠﻮﺝ ﻭﻛﻨﻘﻮﻝ ﻟﻴﻪ:ﺷﻜﺮﺍ ﺑﺰﺍﻑ ﺑﺰﺍﻑ ﻏﻨﻜﻮﻥ ﻋﻨﺪ ﺣﺴﻦ ﺍﻟﻈﻦ... ﺟﺮﻳﺖ ﻟﻜﺮﺳﻲ ﻭڭﻠﺴﺖ ﻧﺎﺧﺪ ﺍﻟﻨﻔﺲ ﻭﺍﺣﻤﺪ ﻛﻴﺸﻮﻑ ﻓﻴﺎ ﻛﻴﻀﺤﻚ ﻭﻻﺧﺮ ﺣﺎﺩﺭ ﺭﺍﺳﻮ ﻛﻴﻘﻠﺐ ﻓﺎﻟﺘﻴﻠﻴﻔﻮﻥ،،ﺩﺍﺭﻭ ﻓﺠﻴﺒﻮ ﺩﻳﺎﻝ ﻟڤﻴﺴﺘﺔ ﻭﻗﺎﻟﻲ :ﺍﻻﻧﺴﺔ ﻗﻠﻨﺎ ﻟﻴﻚ ﻏﺪﺍ ﻣﻊ 8 ﺻﺒﺎﺡ ﺗﻜﻮﻧﻲ ﻫﻨﺎ..!
ﺧﺮﺟﺖ ﻛﻨﺪﺭﺩﻙ ﻣﻦ ﺍﻟﺸﺮﻛﺔ ﻭﺃﻧﺎ ﻓﺮﺣﺎﻧﺔ ﻭﻛﻨﻘﺰ ﺗﻼﻗﻴﺖ ﺑﺒﺎﻋﺒﺪ ﺍﻟﻤﻮﻟﻰ،،ﺳﻠﻤﺖ ﻋﻠﻴﻪ ﻭﺑﺎﺭﻙ ﻟﻴﺎ ﻭﻓﺮﺣﻨﺎ ﻭﻧﺸﻄﻨﺎ ﻭﻏﻨﻴﻨﺎ ﻭﺍﻟﻄﻴﻮﺭ ﺗﺰﻗﺰﻕ ﻭﺍﻟﻔﺮﺍﺷﺎﺕ ﺗﺮﻓﺮﻑ ﻟﻤﻬﻤﺮﺟﻌﺖ ﻟﺪﺍﺭ ﻗﻠﺖ ﻧﻀﺤﻚ ﻣﻊ ﺍﻟﻮﺍﻟﻴﺪﺓ..
ﺣﻼﺕ ﻟﻴﺎ،،ﺩﺭﺕ ﺭﺍﺳﻲ ﻣﻌﺼﺒﺔ ﻭﻣﻔﻘﺼﺔ ﻟﺤﺖ ﺍﻟﺼﺒﺎﻁ ﻣﻦ ﺭﺟﻠﻲ ﻭﻟﺤﺖ ﺍﻟﺼﺎﻙ ﻭﺗﻼﺣﻴﺖ ﻓﻮﻕ ﺍﻟﺴﺪﺍﺭﻱ،،ﺗﺎﺑﻌﺎﻥﻱ ﺍﻟﻮﺍﻟﻴﺪﺓ ڭﻠﺴﺎﺕ ﺣﺪﺍﻳﺎ:ﺍﻳﻮﺍ ﻟﻲ ﺑﻐﺎﻫﺎ ﺍﻟﻠﻪ ﻣﺮﺣﺒﺎ ﺑﻴﻪ،ﻣﺎﺩﺭﺗﻲ ﻭﺍﻟﻮ؟
ﺟﺒﺪﺕ ﻣﺨﺪﺓ ﻏﻄﻴﺖ ﻭﺟﻬﻲ ﺑﺎﺵ ﻣﺘﺸﻮﻓﻨﻴﺶ ﻭﺍﻧﺎ ﺣﺎﺑﺴﺔ ﺍﻟﻀﺤﻜﺔ،،ﺷﻴﺮﺕ ﻟﻴﻬﺎ ﺏ ﺍﻳﺪﻱ 'ﻣﺎﺩﺭﺕ ﻭﺍﻟﻮ'
ﻧﺎﺿﺖ ﻭﻗﻔﺖ :ﻳﺎﻙ ﺍﻟﻤﺼﻴﺒﺔ ﻏﺎﺩﻳﺔ ﻣﻌﻄﻠﺔ ﻭﺳﺎﻛﻨﺔ ﻟﻴﺎ ﻗﺪﺍﻡ ﻟﻤﺮﺍﻳﺎ ﻛﺘﻨڭﻔﻲ ﻋﺮﻭﺳﺔ..ﻧﻮﺿﻲ ﺗڭﻌﺪﻱ ﺻﺎﻭﺑﻲ ﻣﻌﺎﻳﺎ ﻟﺤﻠﻮﺓ ﻟﻨﺎﺱ ﺑﻌﺪﺓ ﺗﺪﻱ ﺻﻨﻌﺔ ﻓﺎﻳﺪﻳﻚ ﺍﻳﻼ ﻣﺖ ﺗﺨﺪﻣﻲ ﻋﻠﻰ ﺭﺍﺳﻚ..ﺟﺮﺍﺕ ﻋﻠﻴﺎ ﻟﻤﺨﺪﺓ ﻟﻘﺎﺗﻨﻲ ﻛﻨﻀﺤﻚ
:ﻳﺎﻙ ﺍﻟﺼڭﻌﺔ ﻭﺿﺤﻜﻲ
ﻧﻀﺖ ﻭﺍﻧﺎ ﻛﻨﺠﻤﻊ ﻓﻔﻤﻲ: ﻭﺍ ﺍﻟﻮﺍﻟﻴﺪﺓ ﻭﻏﻴﺮ ﻛﻨﻀﺤﻚ ﻣﻌﺎﻙ ﻭﺭﺍﻩ ﻣﻦ ﻏﺪﺍ ﻏﻨﺒﺪﺍ
ﺑﺪﺍﺕ ﻛﺘﺰﻏﺮﺕ ﻭﻛﺘﺒﻜﻲ ﻭﻛﺘﻌﻨﻖ ﻭﻛﺘﺒﺎﺭﻙ..ﺍﻟﺤﻤﺪ ﻟﻠﻪ ﻣﺒﺮﻭﻙ ﺍﺑﻨﺘﻲ ﻭﺳﻴﺮﻱ ﺑﺪﻟﻲ ﻭﺁﺟﻲ ﺗﻌﺎﻭﻧﻴﻨﻲ ﻓﺪﺍﻙ ﻧﺺ ﻛﻴﻠﻮ ﻟﻲ ﺑﻘﺎﻟﻴﺎ ﺷﻮﻳﺔ ﻭﺗﺠﻲ ﺯﻫﻮﺭ ﺗﺴﻮﻝ ﻋﻠﻴﻪ..
ﺑﺪﻳﺖ ﻛﻨﺪﻭﺭ ﻓﺮﺍﺳﻲ:ﻣﺘﺄﻛﺪﺓ ﻧﺺ ﻛﻴﻠﻮ ؟؟ﺭﺍﻩ ﻣﺪﻳﺮﻳﻬﺎﺵ ﺑﻴﺎ ﻫﺎﺩ ﻟﻤﺮﺓ
ﺑﺪﺍﺕ ﻛﻀﺤﻚ ﻻﻧﻲ ﻋﻘﺖ ﺑﻴﻬﺎ ﻭﻛﺪﻓﻊ ﻓﻴﺎ :ﻭﻏﻴﺮ ﺳﻴﺮﻱ ﺭﺍﻩ ﻗﻞ ﻣﻦ ﻧﺺ ﻛﻴﻠﻮ
ﻏﺎﺩﻳﺔ ﻭﺍﻧﺎ ﺑﺪﺍﻭ ﻛﻴﻨﺰﻟﻮ ﻟﻲ ﺩﻣﻮﻉ ﻣﻦ ﻋﻴﻨﻲ،،ﺩﻣﻮﻉ ﺷﻜﺮ ﻭﺍﻣﺘﻨﺎﻥ ﻟﻠﻌﺬﺍﺏ ﻟﻲ ﻗﺴﺎﺗﻮ ﻟﻮﺍﻟﻴﺪﺓ ﻋﻠﻰ ﻗﺒﻠﻲ ﻣﻦ ﻧﻬﺎﺭ ﻣﺎﺕ ﺍﻟﻮﺍﻟﻴﺪ ﺩﻳﺎﻟﻲ ﺍﻟﻠﻪ ﻳﺮﺣﻤﻮ ﻭﺃﻧﺎ ﺑﻘﺎ ﺻﻐﻴﺮﺓ..ﻋﻨﺪﻱ ﺫﻛﺮﻳﺎﺕ ﻋﻠﻴﻪ ﻗﻠﻴﻠﺔ..ﻭﻗﺼﺺ ﻋﻠﻴﻪ ﻣﻌﻨﺪ ﻟﻮﺍﻟﻴﺪﺓ ﻛﻨﺴﻌﻬﺎ ﻛﻞ ﻧﻬﺎﺭ ﻋﻠﻴﻪ..ﻭﺍﺑﺘﺴﻤﺖ ﺍﺑﺘﺴﺎﻣﺔ ﻓﺨﺮ ﻭﻋﺰﺓ ﻧﻬﺪﻳﻬﺎ ﻷﻣﻲ ﻟﻲ ﺧﺪﻣﺎﺕ ﺑﺎﺵ ﺗﻘﺮﻳﻨﻲ ﻭﺗﺮﺑﻴﻨﻲ ﻭﺗﺪﻋﻲ ﻣﻌﺎﻳﺎ ﺑﺎﺵ ﻧﺨﺪﻡ ﻭﻧﻌﻮﻝ ﻋﻠﻰ ﺭﺍﺳﻲ ﻭﺑﺎﺵ ﺗﻜﻮﻥ ﻣﻬﻨﻴﺎ ﻋﻠﻴﺎ ﺍﻳﻼ ﻣﺸﺎﺕ ﻣﻦ ﺍﻟﺪﻧﻴﺎ ﻭﺧﻼﺗﻨﻲ..ﻣﺎﻋﺮﻓﺖﺵ ﻛﺘﺠﻴﻨﻲ ﻣﺘﺎﺀﻛﺪﺓ ﺍﻧﻨﻲ ﻏﻨﺒﻘﻰ ﺑﻼﺯﻭﺍﺝ ﻫﻪ ﻭﻟﻜﻦ ﻣﻦ ﺑﻌﺪ ﻣﻨﺸﺪ ﻟﺨﺪﻳﻤﺔ ﻧﺒﺎﻟﻲ ﺑﺰﻭﺍﺝ ﺩﺭﺕ ﺿﺤﻜﺔ ﺳﻠﻴﻌﻔﺎﻧﻴﺔ ﻭﻣﺸﻴﺖ ﻧﻌﺎﻭﻥ ﻟﻮﺍﻟﻴﺪﺓ ﻓﺪﻭﻙ 10 ﻛﻴﻠﻮ ﻟﻲ ﻣﺨﻠﻄﺎﻫﻢ ﻭﻭﺍﺣﻠﺔ ﻓﻴﻬﻢ ﻣﻦ ﺍﻟﺼﺒﺎﺡ ﻓﺎﻟﻜﻮﺯﻳﻨﺔ..
قاديت مع لميمة لحلاوي وبزز باش داكشي كمل ظهري قهرني تعشيت ومشيت تلاحيت نعست..
لغد ليه مع 6 صباح جات نوضاتني لواليدة: افيقي راه ليوم مخصكيش تعطلي نوضي
فقت دغيا..توضيت وصليت وفطرت ولبست حوايجي وبغيت نمشي لمْجَر ديال الواليدة ولكن بقات حدايا..!!
8 واقفة كنت قدام المكتب ديال "السيد احمد" فرحانة وكنبتسم بوحدي ...كنتسناه .
تم جاي عمر "السيد متعجرف" هععع صبحنا على الله! قلبت وجهي ودرت راسي مشفتوش وكندعي يا ربي يفوتني ومايجيش يهدر معايا يا ربي!
جاي وكيضرب بصباطو وهاز راسو ..وانا جبست شي وراق زعما واخة واقفة منشورة كنتسنى راني مشغولة!
جا وقف قدامي،شاف فتيليفونو: هآاْحَمْ،الانسة جيتي فالوقت،،تبعيني نوريك اش ديري! وتم غادي...
بقيت أنا فبلاصتي مخرجة عينيا ،،شفت فجنابي كنقلب واش كاين حدايا شي حد هدر معاه،،واش هدر معايا انا؟
وقف ،،دار ايديه فجيابو... وقالي: الالة نبقاو نتسناو ،معاك كنهدر ،مسمعتينيش؟
شيّرْتْ بصبعي فجيهتي وأنا فحالة استغراب : هدرتي معايا أنا؟
شاف فالارض وبدا كيتمتم ماسمعتوش ولكن متأكدة كان كيسبْ فيا ...تم راجع عندي ،وقف قدامي ،ضربني على راسي !
شديت فراسي : اي قسحتيني نسيت راسي عند بالي ڭالسة فالدرب هزيت ايديا بغيت نرجع ليه الضربة...وهو يتخلع هه مسكين تصدم
خنزر فيا : واش كنتي باغا ضربيني؟باغا ترجعي لي الضربة؟ وهادي عندك زوينة..
جمعت ايديا،،وبديت كنتمتم وكندخل وكنخرج فالهدرة ..ناري غيجري عليا...قلت ليه: لا سمح ليا ودرت راسي وبديت بغيت نبكي..
بقا كيشوف فيا وساكت...: تبعيني!
بقيت تابعاه دخلنا لواحد البيرو،،كبير وزوين فيه مكتبة وفيه كانابي واقيلا قد الصالون عندنا فالدار،،الله ،،درت عندو وأنا عاضة على فمي وفرحانة،،
شاف فيا بدهشة وبنبرة حابس فيها الضحكة: مالك؟ وجهك داير بحال شي ارنب هه
مشيت عندو : شكرا بزاف بزاف على البيرو والله ديما كنت كنحلم بشي واحد بحالو،،شفت فالكرسي ديال البيرو...خضر وفيه الموبرا والجلد...كنت فقمة السعادة دوزت عليه ايديا،،عاودت شفت فيه: نقدر نجربو؟
نزل عمر الوراق لي كان جابد كيقلب فايديه ..وڭلس فوق الكرسي ودار رجل فوق رجل وباناقة شير لي بايديه : جربيه !
ڭلست فوق الكرسي الفخم،،،، وتكيت وغمضت عينيا،،وبتاسمت...حليت عينيا..حطيت ايدي فوق من البيرو ديال الخشب باينة فيه اصلي وغالي وبديت كنقول : ايه اسيدي تفضل اش خصك وكنضحاك صآفي قمة السعادة
ناض عمر من بلاصتو وجا عندي،،دق فوق من البيرو وقالي: انسة ايلا سليتي من لحلمة زوينة ديالك نوضي هذا البيرو ديالي جبتك هنا تقادي هاد الضْواصَا لي هنا..وشير على اليمن ديالو...جمعيهم وقيديهم هنا عندك من عام 2008 تال 2013 ديريليهم ضوسي فالبيسي بوحدو ومن بعد ديريه ف سي دي وجيبيه ليا
درت نشوف الضواصا....الصدمة ديال البيرو وزيد عليها هاد الضواسا هععع ماعليش كتبقا خدمة وغنتخلص فآخر الشهر...درت نظرة حماس وعطيت لنفسي طاقة باش نبدا لخدمة
دار نضاضرو وبدا خدام فالبّيسي ،قالي : هزي دوك الكارطونات البيرو فين غتخدمي فالطابق الثاني القاعة 8 رجع كمل خدمتو ومابقاش داها فيا
تحنيت هزيت الكارطونات هعع هادشي تقيل درت خنزرت فيه زعما أنا غنهز هادشي مامديهاش فيا بديت مضاربة معاهم،،بلاما يحيد عينيه على البيسي بسخرية قالي : نتمنى ان وزن كارطونة مايغلبكش
دار فيا السم،،ماجوبتوش هزيت الكارطونات ب2 فدقة وحدة تخلع هه انا موالفة مع انا معڭازة كندي 4 طاوات كبار لفران وحدة فوق وحدة وفدقة وحدة موالفة بالتقل..
خرجت وانا كنسب فيه.. : ماعليش معليش المهم هيا الخدمة،، تلاقا معايا احمد،،استقبلي بابتسامة وباناقة : صباح لخير زينب لاباس،،اوه مالك هازة هادشي بوحدك؟ ماخلانيش نعتارض وهز لي الكارطونات
معرفتش كيفاش نشكرو هاد الانسان بالنسبة ليا ملاك مخلص وكيجي فالاوقات الصعبة هه ،،بديت كنقاد فكمايمي ..وف فولاري : الحمد لاباس وانتا لاباس؟اه شكرا بزاف ديما كتعاوني هه
دار عندي وقالي: ههه هانيا
وصلني تال لبيرو ...دخلت بيرووات بساط حنا 6 الناس فنفس القاعة كل واحد عندو بيرو صغير يخدم فيه...وحشمت على الشوهة لي درت فالبيرو ديال عمر،،معرفت كيفاش خلاني نڭلس فوق كرسيه ههه
بديت كنخدم وكنخدم ولا دوك الضواصا بغاو يكملو شداتني الشقيقة ولكن خصني نكمل على الاقل ضواصا ديال عامين فالخدمة!
درني ظهري وجنابي ويجلي وراسي كلي "وليت كنضرني " هعع جبدت كعب غزال من الصاك وبديت كناكل فيه بشوية وانا مخبية من ورا لبيرو لايشوفني شي حد..وصلات 6:30 ديال لعشية وانا عيانة ومامغدياش لويت بالجوع بداو كيخرجو الموضفين بقيت غير أنا..
صافي نضت حتا انا سجلت الخدمة لي خدمتها هاد النهار كلو فالبيسي وللي باقي فهاد الاسبوع نحاول نكملو
وصلت لدار عيانة تغديت ولا تعشيت ماعقلتش ؛؛الصلاة الواليدة بقات كتسولني: ايوا اش درتي ليوم ؟
وانا مافياش لي هدر كنجاوب غير بزز : اه والو لخدمة وعيني ضروني بالبيسي وظهري...!
قالت لي : وانا زعما بغيتك تفسخي ليا اللوز ،،نوضي الله يرضي عليك
جبدت رجلي: لا والو والله 5 كيلو ولا 6 كيلو اجاما فّخْها،،مالك ماعيطتيش على جميلة صاحبتي؟
خنزرت فيا: جميلة؟ تاهيا يعولو عليها الناس؟ ديك لمرة عطيتها تفسخو ليا ضربات فيه النص
شفت فيها : لواليدة ههه راعي شوية النص؟ نزلتي ليها 13 كيلو من صباح وهيا خداما فيه صباع ايديها تفسخو ولا داك اللوز بغا يكمل لعني الشيطان وزعما هزات غير كميشة صغيرة كلات منو بغيتيها تصفار آو
بدات كتخنزر فيا وعرفتها مامفاكاش معايا نضت على وعدي وسعدي نعاون..
دازي 5 ايام وانا واحلة فالضواسا كون ماكانش السيد احمد كيجي يطل علينا واخة مرة فالنهار غنكون ميتة من الملل..وحتى داك السي عمر كنتلاقاه كيهز راسو وكيتم غادي تلقاه كيرد عليا السلام غير بزز
كل نهار كنتلاقى بالسيد احمد كنحس بالفرحة كيعاملني مزيان وبرقي،،كان كتعجبني اللباقة ديالو ورقيو فالهدرة..والاحترام لي كيعاملني وكل مرة كنهدرو فيها كنلقى راسي كنبتسم كنضحك ومشحونة بطاقة ايجابية...كنجمعو فاوقات الاستراحة وكنعاودو النكات وكنضحكو...ووليت كنحس بمشاعر اتجاهو..مشاعر مقدرتش نتحكم فراسي ونقنع نفسي باش منعجبش بيه...لانه فنظري كان مثالي..ولوحيدة لي عارفة سر اعجابي هي صاحبتي جميلة كنت مصدعة ليها راسها بيه
وفينما كنتلاقا مع عمر ههع كنحس بحالا شي غمامة كحلة جاية غتوقف ليا فوق راسي وكنستحملش غواتو وهدرتو ومكنحملش نتلاقى بيه ..!
هاه واخيرا من بعد اكثر من شهر قدرت نكمل الضواصا واو فرحت هه ،،اوه 7 لعشية غادي نلوح هادشي فسيدي ونمشي بحالي ،،سمعت الدقان فالباب هزيت راسي نشوف شكون هاه عمر عاودت حدرت راسي
دخل قالي علاه باقي ماساليتيش قلتي غادي توجدي ليا السي دي ليوم ومن قبيلة وانا نتسنا ماجبتيهش..اش وقع لتضحيات وانا ماكنخدلش رئيس ديالي
غمضت عينيا وبديت كنبرد فراسي ..هاهو واجد بقا خاصني غير نكوبيه
يالاه بغيت نكوبي معرفتش اشنو وقع وهو يمشي ليا كلشي والبي سي تبلوكا ومن بعد طفا بديت كنترعد ونتفتف تخلعت بديت كنشوف فيه وبداو كينزلو ليا الدموع
آه واخيرا سالييييت بديت كنتجبد : اي اي اي ميمتي ظهريي اوه 7 هادي يالاه غندا توكلت على الله غنبدا نكوبي الخدمة ف سي دي سمعت الدقان وشي حد داخل عندي لبيرو،هزيت راسي ،اه عمر .. وقفت : السلام يالاه ساليت وكنت غنجيب ليك السي دي !
دخل حط الكارطابل ( المحفظة ) ديال البيسي فوق البيرو ديالي جبد التيليفون :اه 7 هادي قلتي ليا فعشية قبل 6 يكون السي دي فوق لبيرو،،،تعطلتي،،جر كرسي وڭلس ودار رجل فوق رجل وبدا كيشوف فالوراق لي حطاهم على البيرو... : مالك تعطلتي هادي هي التضحيات والكلمة و..و..
ڭلست كنخنزر فيه،،هدا مالو جاي يبرزط فيا تفو غا ديال لعصا،،ماديتش عليه حدرت راسي ورجعت نكمل اخر خدمة!
ماعرفتش علاش وركت فلكلاڤيي مشا ليا كولشي تمسح وتبلوكا لبيسي وواحد الشوية طفا بديت كتفتف ماعرفت ماندير شفت فيه وانا دايرة ايدييا بجوج على فمي،،،اش غنقوليه ناري قفرتها
هز راسو شاف فيا: امالك اش كاين؟
بقيت مصدومة والدموع كينزلو من عينيا وماقادراش نهدر...
هدر بعاها بالجهد : اش كاين وهدري ،،
بديت كنبغَبّنْ وكنسرط فالهدرة..شاف فيا: واتي مالك راه ماكنسمع والو اش كتقولي وغير هدري مغنجريوش عليك اش كاين!
ناض جا يطل،لقا لبيسي طافي . عزيت عينيا فيه: والله ماعرفت ...مم..ما..لو.. وعطيتها لنحيب
قالي سجلتي داكشي قبل مايطفى؟
هزيت راسي (لا) ماسجلتش
قالي : ونوضي نوضي،،ماشي مشكيل خلعتيني ماعرفت اش درتي
نضت وانا باقا كنتنخصص وقفت من وراه ،،ڭلس خدم البيسي وبدا خدام كيقاد فيه؛؛واحد الشوية رجع ليا كولشي لي كان وجبد ليا الضوسي لي كنت خدامة فيه
فرحت بزاف وبديت كنضحك ،،قالي سيري غسلي وجهك انا غنكمل هادشي..
مشيت غسلت وجيت وانا فرحانة هععع خاصني نعتذر ليه ،،رجعت لقيتو جابد الحلوى من بواطة كنت حاطاها تحت من البيرو..كلا غير الحلوى ليفيها اللوز والشكلاط ،،قلت ليه فخاطري ماعندي مايتسالك قايم بالواجب كنت ناوية نعطيها ليه ساعا دار شرع ايديه..
بديت كنجمع فحوايجي هز السيدي دارو ف محفاظتو،، والسكات والصمت فالاجواء
قالي: نتي لي مقادة هاد الحلوى ولا شارياها؟
قلت ليه: لا كنصايبها فالدار
امم مد ايديه،،اراي ليا وحدة ديال الشكلاط ،،عاود جبدت البواطة،،شفت فيه: ساليتيها مابقاتش
تم خارج ووقف عند الباب: اذن جيبيها لي غدا
ضحكت هه ضربتيها كاملا وبلا خباري وكتآمرني نجيبها غدا،، جاوبتو : اه ان شاء الله نجيبها!وشكرا على البي سي لي قاديتيه ليا شكرا بزاف
خرجت بزز باش شديت طاكسي وصلت لدار عيانة،، سلمت على الواليدة وقلت ليها: مّي لعار ماتقوليش ليا مبقاش عندنا من لحلوة ديال الشكلاط واللوز لعار
غير بدات كضحك عرفتها مابقاتش،،باينة عطاتها للجيران ..ناري يا مي خاصنا دابا ننصايبوها واخة غير رابعة
جبدات كريم آطريكس،،وبدات كتدهن ايديها : لا لا ابنتي عاد ساليت من صباح وأنا واحلة فالكوزينة مع الفقاص يالاه غسلت لماعن ووجدت لعشا ايلا باقيي فيك الجهد عجني لخبز وطيبيه وايلا مافيكش خرجي جيبيه !
ناري يا مّي مايمكنش راه غدا خاصني نديها للسيد مول الشركة لي خدامة عندو والله
خنزرات فيا : واش نتي غادة تخدمي بالدبلوم ديال الاقتصاد ولا غادة كتخدمو حلاوية،دي ليه من الفقاص ..مشات وبقات كتنڭر ،،عندك ايديك خلطي لحلوة وطيبيها
ايييوا تخلات عليا لميمة ديالي لي هي اصلا ماكتخلي ليش فرصة نتخلا عليها كتجرني بزز مني نقاد لحلاوي،،بدلت حوايجي وبديت نخلط فداكشي..وكنسمع الواليدة كتفرج فالتلفازة فشي فيلم مصري قديم..ڭلست كنفكر فيها فالايام لي كنعاونها وكنقوليها :عقلتي انا لي كندي ليك الطآوات لفران ..
ڭالسة نصواب فيها ونڭر وانا بزز باش حالة عينيا كورتها ولحتها فالفران وجيت ڭلست حدا مّي كتفرج ففيلم ديال صغيرة على الحب ،،جريت شوية لمانطة معند لواليدة وانا عينيا مطرطقين فالتلفازة تبعت لفيلم وبديت كندفى..قالت لي الواليدة : داكشي لي دايرة فالفران ماغطليش عليه؟ راه غيتحرق
ماعقلتش،،بديت كنقوليها،، : راه مامجهداش لفران ماتخافيش وصافي خليني نتفرج،،وبقيت حالة فمي
جرات ليا مي لمانطة وقالت لي: واتي نوضي طلي على لحلوة وجي تفرجي راه ايلا تحرقات ماكايناش ليقامة باش تعاوديها
نضت وانا كنتنفخ : راه غنرجع وغاتعاودي ليا اش دارو،،وماغتبقايش تنوضيني..غاديا وعينيا باغين مابغاوش يتفرقو على التلفازة حتى خرجت من البيت،،غير وصلت لكوزينة وشميت ريحة لحراق ناري،خرجتها لقيتها تحرقات ليا من لتحت...خرجات ريحة لحراق من الكوزينة ووصلات عند مي للبيت،،وغير شماتها ومعا هيا عندها تبارك الله نيوف كَيْسْتَقْطْبو ريحة لحراق،،بدات كتغوت: ياك الصڭعة ڭلت ليك ڭبيييلة نوضي طلي عليها ونتي مخرجا لي عينيك فالتلفازة اش غاديري دابا؟
تعصبت وهدرة مي زادت عصباتني ... اش غندير اش غندير لقيت لحل،كَرّطْتها من لتحت ودرت عليها الشكلاط ووجدتها فالبواطة
مع 9 صباح قدام بيرو ديال عمر،، دقيت وانا هازة بواطة فيها لحلوى ديال اللوز والشكلاط..
دخلت،،لقيتو خدام وممساليش،،بقيت كنتسنى حتى سآلا،حطيت ليه داكشي قدامو..
هز وحدة وقالي: اوه كنت كنضحك معاك درتيها بصح
بديت كنطلع فيه ونزل اه مسيكين كنتي غير كضحك كون ماجبتهاش كون راه ماباقيش نحط رجلي هنا عاطيني لبوسط غير بزز !
كلاها سد لبواطة شبّك ايديه فوق البيرو ،،سكت وانا كنتسناه يهدر..وبديت كنقول ياكما جا فشي وحدة لصقات فيها بنة لحراق
بدا كيضحك..قلت ليه: شنو ياكما ماعجباتكش
قالي : حرقتيها شد فكرشو وبدا كيضحك،،ڭلس كيعيب فيها،،وقالي علاش كذبتي لبارح ،،قولي شارياها ماشي مصايباها باغا تباني حادڭة؟ غنتزوج بيك؟...بدا كيهين فيا وهو عند راسو الموقف مضحك ماجاوبتوش ،،هزيت لبواطة من قدامو بنفخة وخرت كنجري،،تلاقيت مع احمد قدام البيرو قالي السلام،،ماجاوبتوش ومشيت لبيرو ديالي وانا حابسة فيا لبكية..،،حشومة عليه يدير لي هاكداك حشومة عليه...بقا فيا لحال وفكل مرة كنتفكر كيفاش كان كيضحك وهو كيشوف فيها كنزيد نتفقص ونتعصب
وأنا واقفة كنسمع للاهانات والكلام الجارح ،،،بقى فيا الحال،كنت بغيت حتى نهدر قدامو على عيوبو..كيفاش كيستفز الناس وكيفاش كيتعامل مع لي تحت منو...كيستعمل النفوذ ديالو والسلطة باش يتحكم في للي اقل منو...عجرفة ديالو واحساسو بالنفوذ كان كيفقصني...وكيعصبني...أنا خدامة عندو ..ولكن علاش كيغوت عليا وكينفّسْ على نوبات الغضب ديالو فوجهي...كنت ديما كنضايق وكنتعصب ولكن ملقيتش ماحسن...وكان حلي هو الصبر!
بحال ديما تبعني احمد لبيرو لقاني معصبة وفيا لبكة...وكالعادة بدا كيواسيني وكيهدي الجو،،قالي يالاه خرجي ... 5 دقايق ورجعي!
كان احمد بحال المنقذ والشخص الوحيد لي ممكن نعتمد عليه،كانت حاجة زوينة يكون شخص خلوق كيوقف بجنبك فبحال هاذ اللحظات كيعطيك القوة والصبر وطاقة كتخليني كل نهار نفيق فالصباح ونجي للخدمة!
كانو البنات لي كيخدمو معايا رادين البال لعلاقتي مع السيد احمد النائب العام لرئيس،،كانو كيتهامسو عليا وكيتغامزو بنظراتهم ولكن أنا ماكنعطيهمش وقت لاني كنعترف بذاتي وبكفائتي !
ساليت لخدمة،جمعت حوايجي وأنا خارجة تلاقيت باحمد و عمر قدام باب الشركة،،ابتسم لي احمد ورديت عليه بالسلام وابتسامة ،،،وماديتهاش فعمر ..
قالي احمد: زينب ياكما تبغي نوصلك بعايا؟
حدرت راسي : لا لا هه شكرا أنا خناخد الطوبيس !
دار عمر ايديه على فمو دار لديك الجيهة وبدا كيضحك،نتابهت ليه خنزرت فيه ومحملتوش،،قلت ليه :سمح ليا فيها شي حاجة؟
شافيا : معايا؟ مضحكش عليك تفكرت شي حاجة وصافي...!دار عند احمد وقاليه : هادي محسوسة!
هزيت حجباني وبقيت كنشوف فيه غمضت عينيا وخرجت النفس،وقلت فخاطري الله يستر...حدرت راسي وتميت غاديا
دازت 3 اشهر وأنا خدامة وقرر احمد مع عمر يرسموني فالخدمة في قسم الحسابات...اوه يعني غنبدا نتخلص فرحت بزاف بزاف....صونا عليا التليفون أه هدي جميلة خرجت على برا فالجريدة ديال الشركة...!
ألو جميلة ويلي اصاحبتي مامتيقاش راسي راني ترسمت ليوم فالشركة!
جميلة حتى هيا بصوت فرحان : بصاح مبروك مبروك ايوا حتا أنا عندي ليك خبار كتفرح ،،،عرفتي ديك الخدمة لي مشيت أنا وياك ندفعو ليها ويلي ويلي والله حتى عيطو ليا ليوم وعيطت نقولها ليك
ڭلست كنقز فبلاستي وفرحآانة : وايلي هيا ليومة الزردة!
جاوباتني : اشمن زردة أنا دابا فداركم عيطات ليا ماماك كنصايب معاها 5 كيلو ديال لغريبة وباقي غنصايبو كعب غزال كيف عيطو على لخديمة خليت كلشي وعيطت نعلمك !
سمعت الواليدة من التيليفون كتغوت : آ جميلة واتي اجي عاونيني ايلا غتبقاي مقابلة التيليفون سيري لداركوم!
بدات كضحك جميلة : زعما لواليدة عندك اختي...سعداتك بيها!
جاوبتها تا أنا : ههه الواليدة عندي مْصَايْلْحِيَة ايلا ماعونتيهاش كدور فيك ههه ولكن الله يخليها ليا شوفي ماتقوليش ليها رانا ترسمت حتى نجي واخة ؟
قالتلي : اه واخة..يالاه بسلامة
وقفتها قلت ليها: شوفي هه أنا فرحانة كثر لان احمد هو لي عاوني باش نترسم هه واقيلا غنمشي نخطبو وبديت كنضحك!
بدات جميلة كضحاك: أنا معاك نهزو لماماك لحلوى ونمشي نقضي معاك لغرض،،هيا صافي ولا كيعجبك ؟
تزنڭت وحشمت وبحالا هو واقف حدايا: مم اه كيعجبني ولكن ماتقوليها لتا واحد
جميلة قالت ليا: لمن بغيت نقولها واش نتي هبيلة يالاه تلاحي والله حتى ديرني خالتي ليوما فالطاوة ودخلني لفران ودَرْدَرْ عليا سكر ڭلاصي بسلامة
قطعت وعنّقت تليفوني لي قديم وغمضت عينيا وبديت كنضحك بوحدي،،حسيت باحساس جميل واخة ماقدراش نتحكم فيه ولكن ماعرفتش لاش كان عاجبني بزاف!
مع الدورة كنلقى عمر واقف وهاز ف ايديه كاس بلاستيكي ديال القهوة وكيشوف فيا وكيضحاك واحد الضحكة شيطانية !
خرجت عينيا وبدا قلبي كيضرب،،ماقفرتش نهدر ورجلي بداو كيفشلو...شفت فيه : و..وواش سمعتيني؟!!
جا قرب عندي تحنى عند ودني وبنبرة منخفظة في نوع من السخرية والاستخفاف : أنا من النوع لي كيحفظ الاسرار!حشومة عليك تشوفي فيا بهاد الشوفة ديال الخوف
هداك الاحساس فاش كتحصلني الواليدة سارقة ليها شْويكِيكَة ديال المكياج من لمجر ماكيساوي والو ملي حصلت مع هاد المتعجرف! وتفكرت فداك المسلسل لمصري فاش كتقول لبطلة " ابْن اللّزِينا مَسَكْني من ايدي لي بْتِوْڭَعْني" أنا بالزبْط كُنت بَحس كِدِهْ!
تبنجت فبلاصتي وتكوفريت ماعرفت مانقولي ...شفت فيه بنظرات مخلوعة ...مد ليا الكاس ديال لقهوة بقيت حالة فمي من الصدمة ديال لموقف...! قالي: شدي ،،تبعيني!
حدرت راسي وبقيت تابعاه..دخلنا لبيرو ديالو...دار لقاني باقا هازا الكاس..قالي : رميه فالزبل مكتفهميش؟
ماقدرتش نهز راسي نجاوبو،،تميت خارجة،،قالي: ورجعي دابا عندك 2دقايق!
خرجت كنجري وأنا كنسب وكنعاير...تلاقيت مع احمد قدام البيرو ديالو سلم عليا ..
شافيا: هه زينب،كنتي فمكتب عمر؟
دورت راسي لهيه وشديت على الكاس بالجهد بايديا بجوج اه،،اه لا،،
بدا كيضحك مالك؟ كادخلي وكتخرجي فالهدرة!..فين غادة نتي دابا!
بديت كنتفتف كلي كنحس براسي مزيرة قلت ليه : اه كنت بغيت نجيب شي وراق،،وقالي نلوح هاد لكاس فالزبل!
بقى كيشوف فيا وهو مستغرب: وعلاش مايلوحوش هوا..دار ايديه فجيوبو وبان عليه تعصب: لالا هاد عمر زاد فيه ماتديش عليه دابا نهدر معاك هو هاكدا داير عزيز عليه لعكس..دابا نهدر معاه كوني هانيا !
بدون سابق انذار نقزت : لآآآآا لا ماتهدرش معاه،صافي ماكاينش لمشكيل الدنيا هانيا عندي !ودرت نظرات ديال البراءة
حسيت بيه شك من ردة الفعل ديالي،،بقا كيشوف فيا وأنا حادرة راسي : واخة الالة ولكن ايلا قلقك جي وقولي ليا يالاه عندي شي خدمة دابا!
مشيت كنجري رميت داكشي ورجعت
دخلت لبيرو طل على الساعة،،ماجاوبنيش تجاهلني وخلاني واقفة كنتسنى!
دازت 15 دقيقة تقريبا بلاما يهدر معايا! بقيت كنشوف فيه وهو خدام..كان جِدّي مركز فالبيسي لي قدامو ومع الوراق لي على المكتب....شاد سيلو فاخر فايديه بطريقة انيقة ..عمرني مالاحظت هادشي فيه،،،الصراحة هو نقي ولكن هاد التفاصيل عمرني ديتها فيهم ...اَمم باينة علاش لحقاش ماكاينش لوقت فين نْبَرْڭڭ فيه وأنا أصلا فينما كنتلاقى خصني ندور وجهي باش منتعصبش لانه هو بالنسبة ليا المصدر الاول للاعصاب ...!من لخَرْ ماكنحملوش وحتا هو ماحملنيش هعع !
هز راسو لقاني كنحنزز فيه وجهي ولا كيف لماطيشة حدرت عينيا وحسيت بالتوتر..ضرب بالستيلو على البيرو،هزيت راسي شفت فيه وأنا كلي خجل!
دار واحد الابتسامة سليعفانية : ماحشمتيش كيعجبك صاحبي وكتشوفي فيا! باينة فيك مُخلْوضَة!
بقا فيا لحال وكيف ديما كنحس بيه كيجرحني عن قصد وكل مرة كندوّز ليه شي كلمة كنزيد نكرهو !بغيت نسكت ليه ولكن كرامتي ماسمحاتش ليا تاهي خارجة عليا وأنا عينيا على الارض: سمح ليا ولكن هذي حياتي لخاصة!قلتي لي نجي خاص شي خدمة نديرها ومن قبيلا وأنا كنتسنا!
لاح الستيلي من ايديه،،حسيت بيه نْفاعل : واخة،ماتجيبيش حياتك لخاصة للخدمة خليها فداركم،وثانيا قلت ليك 2 دقايق تكوني هنا،،تعطلتي ب 9 دقايق غتسناي 18 دقيقة ! تفاهمنا!
حدرت راسي : اه فهمت،،،وتميت خارجة !
قالي : اجي اجي جيبي هزي داك البي سي لي فالكارطابل عندي جبتو خدمتو ...جبد ليا ليسْتة قد ماميلها ديال اسماء الملفات نخدمهم وندير الابحاث ونقاد التقارير ونجمع كيّلني تفو هادشي بزاف عليا واه ! وماشي خدمتي زايدون،،ماقدرتش نعتارض حدرت راسي وبديت ندْمر لانني مايمكنش نهدر !
بقيت حادرة راسي على الخدمة ماديتهاش فيه وماهزيتش راسي،،،درني ظهري من راسي ..حسيت بيه ناض وقف ،،هز لڤيستا ديالو لبسها....جا عندي : 12 هادي ف 2 ترجعي!
قلت ليه لا غير خليني خدامة وحدرت راسي،،،!
جا حدايا : امم ماباغاش تخرجي تشوفي احمد؟ هه
زَيًرت على سناني حتى ضروني،ماجوبتوش،،وبقيت حادرة راسي !
حبس الضحكة وبقا ساكت : كنضحك معاك هانيا راه وقيتة ديال لغدا ماغتغدايش؟
دورت وجهي لهيه وبالنفخة جاوبت : لا مكنتغداش !
قطًب حجبانو : صايمة؟
نضت من بلاصتي : هنا غادية ف 2 نجي!
تمينا خارجين وهو كيلوح فالهدرة على احمد وأنا سابقاه ماكنديهاش فيه،،شحال برهوش هادا !
تلاقيت مع احمد جاي فجيهت البيرو،،شافني معصبة،وقفني: زينب باقا كاعيا من الصباح شاف ف عمر لي كان جاي من وراي: أمالك اصاحبي عاطيها الزبل تلوحو؟
تم جاي ضرب كتف احمد بكتفو وديما بنفس النبرة ديال السخرية : عطيتو ليها تلوحو فاش كنا فالجردة دزنا على طارو فعوض تلوحو بقات معنقاه ..ماعرفت عقلها باش معمراه هادي يوماين، شاف فيا : بحالا كيعجبها شي حد !
هزيت عيني وشفت فيه بتخنزيرة،،خفتو يفضحني مع هو برهوش كيفوالو يديرها وأنا مكنرضاش...واش اعباد الله اول مرة يعجبني شي واحد فحياتي خاص هاد المكلخ يتسلّط عليا وعلاش يا ربي هو بالظبط لي سمعني اش هاد المصيبة لالا هادشي بزاف على الزهر المعكس هادا راه النحس كيمشي على رجليه!
شاف فيه احمد :مالك اصاحبي خلي عليك الانسة فتيقار...يالاه نتغداو جميع نعرض عليكم انا على حسابي!
فرحت غنتغدا مع احمد لاول مرة..ولكن هاد الڭنس تاهووا جاي! دار شاف فيا وبدا كيقلي لي فالسم بعينيه !
طلعت قنانفي لسما ويلاه بغيت نجاوب نقز داك المصيبة : لا غير خليها قبيلة قلت ليها تغدى وعييت معايا قالت ليا لا !
بقيت غير كنشوف ففعايلو حطني فموقف محرج...قلت لا وامتنعت على موعد الغداء لي فلتو ليا عمر!!
رجعت لبيرو ديالي لقيت لخدامة خرجو،،جبدت غدايا من الصاك وبديت كاناكل !
ف 2 لقاني كنتسنا فالبيرو ،،دخل كيضحاك!! حيد الڤيستا علقها على الكرسي وڭلس وتكى عيط على "وسيلة " السكرتيرة تجيب ليه لقهوة،،وقاليها جيبي ليا جوج!
جابتها قاليها بعينيه تحط ليا لقهوة قدامي...! وأنا حادرة راسي ومابغيتش نشوف فجيهتو،،،خرجات وسيلة وسدات الباب وخلات من وراها السكات...
بدا كيتجبد..كيهدر معايا كنجاوبو على قد هدرتو..وماكنشوفش فيه ودايراه ماكاينش!
تكى على الكرسي بدا كيتفوّه: الله ليوم عييت ايمكن تغديت مزيان الحمد لله،،قالي :فوّتي عليك واحد لغدا مبرع..أنا مافهمتش كيعجبك وما بغيتيش تمشي تغداي،،والله كون كانت وسيلة والله حتى تمشي!ولكن عندك الحق أنا عرفتك لاش مبغتيش الواحد خاصو يعرف حدودو...احمد بحالي يبغي شي وحدة كلاص زوينة وكتهدر زوين شعر والستايلات..تكون سطار وبدا كيضحك!
هدرتو ستفزاتني،،،تغرغرو ليا عينيا زدت حدت راسي على البيسي لانني خفت يشوفني كنبكي ويضحك عليا،،ماقدرتش نصبر هدرتو جرحاتني..وحبطاتني ...بقا فيا لحال بلا قياس ...!
تزيّرت ودموعي غلبوني...شهقت وانفجرت بالبكا!
سكت وجمع لسانو مابقاش قال حتى كلمة،،،ياك هوا لي قالي متجيبيش المشاعر ديالك لخدمة...علاش كيهيني ويعاملني بدونية...
سمعت كرسيه تحرك،،وبخطواتو فجيهتي..
وأنا كنبكي ،،،،فعقلي كنقول ايلا زاد شي كلمة غنغوت عليه ويلا بغا يجري عليا يجري،،الالم ديال الاهانة اكثر شيئ كيقتلني وشني لي غيآذي طبعا انسة كبرياء من غير المعاملة ديال شخص متعجرف
مهما حاول ومهما قالي ممسامحاش ليه،،،حسيت بالغضب وبجرح كبريائي...!
وهو جاي فجيهتي نضت جْمَعت الوقفة ودوّرت وجهي فجيهة الباب..حدارة راسي ومغطية وجهي...قالي : زينب بلاتي ،،واش كتبكي ؟كنضحكو معاك مالك درتيها بصح
ماجوبتوش كملت طريقي لعند لباب مديت ايدي بغيت نحلو ..جا من ورايا ودار ايديه على لباب،،كان قريب مني ،،مستحملتش نهز عيني ونشوفيه،،ومقدرتش نسمع حتى كلمة منو،،بقيت واقفة فبلاصتي مقدرتش نتحرك،،وهو بقى ساكت..كيشوفيا..بلامايهدر.
بقيت كنتنخصص ونبكي حتى شبعت..هزيت عينيا حسيت بيهم منفوخين،،شفت فيه بعياء !
جرني من ايدي وڭلسني فوق الكرسي ديالو...قالي ڭلسي هنا هانا جاي...!
تكيت وترخيت وغمضت عينيا...حليت عينيا لقيتو ڭالس قدامي كيشوف فيا..ناض عندي فجيهتي وهو كيبتاسم..
فقتي؟رتاحيتي شوية!هاكي شربي لما وحط لما قدامي!
شفت فيه بحقد نضت دفعت لكرسي بجهد وقفت وجاتني الدوخة..نسيت أنني مافاطراش وممغدياش مزيان وماعنديش جهد نتجادل معاه! تميت جارة رجلي لجيهة لباب نخرج فحالي وخليتو واقف فبلاصتو..
جا جرني من ايدي قالي: سمحي لي!
شفت فيه خنزرت فيه : سمح لي نتا،غنقدم استقالتي من هاد لخدمة!
مخلانيش نخرج...وقف لي عند لباب ،،وبدا اكيحلف مانخرج حتى نسمح ليه ولكن أنا عصبني،،كينقز عليا بحال شي قرد من هنا لهنا وصدعني صدعني فراسي ودار لي القلق؛؛قلت ليه صافي الله يسامح
حدرت راسي وخرجت بحالي،،قالي غدا بلاما تجي رتاحي فداركوم!
الصراحة فرحت ...غدا مغنصبحش عليه،،بديت كنضحاك..نشطت ونسيت كلشي ..نهار عطلة !
بدا كيضحك تاهو وقالي هانتي غتهناي منا غدا ..بلا منشعر قلت ليه : داكشي لي كاين وانا كنضحك..
سكت وقطع لحس..بقيت كندور عينيا وأنا نقوليه : هه هانا مشيت الله يعاون،،هزيت حوايجي ورجعت لدار كنجري!
سلمت على الواليدة..جات تبعاتني لبيت فين كنبدل حوايجي: اجي شفتك جيتي ليوم بكري..ياك لاباس!
لحت حوايجي ولبست بيجامة وهي كتغوت:وتي جمعي حوايجك وجاوبيني!
جاوبتها والو ساليت لخدمة وخرجت..الواليدة فيا لموت ديال الجوع كاين مايتكال:؟
وجدت اتاي والكاسكروط وڭلست أنا والواليدة فالبيت:كليت حتى شبعت،،تكيت على ظهري شفت فالسقف..بديت كنضحك!
بقات مّي كتشوف فيا وهي مافاهمة والو: اتي مالك ابنتي راه ليوما ماعجبنيش حالك!
كنتفكر غدا عطلة ..وتلاقى ليا مع السبت ولحد ههه كنزيد نفرح..! وفاش تفكرت هدرة عمر تعصبت وفاش تفكرتو وهو كيطلب مني سماحة : عجبني لحال..وابتسمت حتى جاتني واحد لقرصة جانبية من ايدين لواليدة: ماغدويش نبقا أنا نتسناك تردي عليا!
طرت من بلاصتي بحالا ضربني الضو،بقيت كنحك بلاصة لقرصة: وامّي واش انا باقا صغيرة؟
قالت لي:تكبري وديري ولادك ونبقى نقرصك ..علاش كنتي كضحكي قبيلة!
سكت مايمكنش نعاود ليها،،والله حتى تمشي لعمر لخدمة وتنزل عليه بشي مدلك على الراس،،: اه عيطات ليا جميلة قالت لي لقات خدمة وفرحت ليها مسكينة مفحالهمش تستاهل داكشي لاش فرحت ليها ،،حدرت راسي هزيت كاس اتاي وبقيت كندور فراسي وكنشرب اتاي وماحاملاش تبقى تسولني..
بدات كتشوف فيا وممتيقانيش : اه مبروك عليها ،،راه عوناتني فلكوموند ديال شي ناس تغدات معايا ومشات الله يرضي عليها!
شفت فيها : ناري عنداك تكوني عطيتيها بزاف الخدمة؟
تمات كتقرب ليا وايديها بحال لقاط على وضعية لقرصة أمامية فوجهي،،،خلات ليا بلاصتها حمراء،،ناضت لكوزينة طيب لعشا،،قالت ليا:جمعي لميدة وتبعيني لكوزينة،،بغيت نعلمها لا نتي لاهي ماديو فدراعكم ولكن ايلا داها فيكم شي حد لانتي لا هي ندردك فعرسكم!
بقيت كنضحك ..نضت نجمع لميدة .. " تويت تويت" ميساج!
جبدت تيليفوني ..بقيت كنشوف فالتليفون وأنا كنستغرب!
الصراحة كنت موالفة بالبكى والدموع غالبا ماكان كيجرحني تفاخر لبنات قدامي ب بّاواتهم،،وكيتباهاو بلي شراوه ليهم،،،وكان كيبقى فيا لحال لاني ماقدرتش نقول كلمة : بابا، بّا،،الواليد لفترة طويلة من الزمن....ولكن كنفرح بعض لمرات فاش كنحلم بيه،،ولا فاش كنهدر معاه فخاطري مرة مرة فاش كنت كنشتاق ليه!
لكن ليوم بكيت وخرجت غدايدي فالبكا بسباب السيد عمر ..وفاش كنتفكرو وهو كيطلب مني السماحة كنحس بالفرحة فيها ارضاء لكبريائي وتحطيم بسيط للعجرفة ديالو...ولكن الواليدة ديالي بقرصاتها المباشرة فأنحاء جسدي كتخليني نتقفز غير بوحدي..لدرجة مقدرتش نقرا المساج خفتها طّبْ عليا من حيث لا أدري،،!
دخلت للحمام،بزربة وأنا بغا نشوف الميساج..جبدتو بِتَسَلُّتْ كنقرا << سلام رتاحيتي شوية؟>>
بديت كنضحك وأنا عارفة شكون مول لمساج ،،سجلت النمرة ب اسم " لْمْكَلخ" ،، درت راسي ماعرفتش شكون ،وكتبت ليه '' معرفتش شكون معايا" بقيت ڭالسة فالحمام سادة عليا كنتسنا يجاوب ولكن تعطل،هعع صافي لهلا يجاوب،،مشيت لكوزينة، الواليدة واقفة حدايا كتصايب فالعشا وأنا واقفة كنغسل فالماعن !
صونا ليا تيليفون،جمدت فبلاصتي،بديت كندور فعينيا،ماما جافت فيا بنص عين : ايوا جاوبي!
مسحت ايديا جبدت التيليفون وبعدت عليها ناري هو ..وهيا ناري طفيت التيليفون،،،بانت ليا الواليدة حطات داكشي من ايديها وجاية جيهتي،،،وقفات عليا: شكون عيط ليك يالاه غنقول ليها شي كدبة،،وهو يبدا يصوني ثاني،مدات ايديها ليا : اري لهنا التيليفون!
مقدرتش نعاود معاها لهدرة ،،مديتو ليها وأنا خايفة وكنتخلع: شداتو وجاوبات بالنطرة وهي مخنزرة : ألو السلام عليكم شكون معايا! ايه شبغيتيها؟ أنا مها شكون نتا؟ آه ههه اولدي قولها من الصباح ...اه هيا ناعسة اش نقوليها؟ واخة مع السلامة!
عطاتني التليفون،،وأنا كنشوف فيها وكنترعد..قالت لي: مالك تلونتي،،قالو ليك لي فالخدمة غدا خاصك تجي ضروري بكري فالصباح خصك تقادي ليهم شي وراق!
بقيت كنشوف وأنا مافاهمة والو،غدا عندي الروبو لعطلة باغا نصبح ناعسة ،،طفيت داك المشقوف ودرتو فجيبي وأنا ميتة بالفقصة!
صابحة الصباح طالع لي الدم،،ماحاملاش نشوف داك الڭنس،،وحتى احمد من بعد الهدرة لي قاليا داك المكلخ لي خارج لي فعودي بانه مستحيل يديها فيا فقدت الامل ومابقيتش معمرة راسي بيه!
مشيت دخلت لبيرو باقي ماجاش،،وصلات 9 وهو باقي مجاش،،،بقيت خدامة وكل ساعة كنشوف فالباب نتسناه،،عييت وأنا نتاصل بيه : كيصوني وماكيجاوبش..!
وصلات 9:30 تيليفوني كيصوني، اه هو، هزيتو : السلام علاش ماجيتيش !
كيتفوّه هآه صباح لخير بعدا،،فين غنجي؟
تعصبت : كيفاش راني كنتسنا من 8 صباح ،تاصلتي بالواليدة لبارح !
بدا كيضحاك: هه ايوا حتا نتي واحد فينا يجي نتي خدامة ماكاين لاش نجي،راه كنت ناعس فقت لقيت الاتصال ديالك وتاصلت بيوك ايصحاب لي شي حاجة مهمة!
نآآاري طلع ليا الدم تعصبت وطلعو لي جنوني،،واش كيتصطى عليا هذا ولا شنو،،ايلي هو لي صدق واخد العطلة: جاوبتو : نتا دابا ناعس ءُ فداركم ،مرتاح مزيان كلشي على خير وبيخير الحمد لله عيطت باش نشوف ياكما هاز الهم للخدمة ولا شي حاجة!
بدا كيضحك : لا لا الحمد لله كلشي في امان الله،شكرا نخليك تكملي ليا ديك لخدمة لي فوق البيرو كوني هانية ونرجع أنا نكمل نعاسي بسلامة،، وقطع عليا التيليفون
بقيت شادة التيليفون وأنا ماشي فكامل قواي العقلية واش نوض نمشي نخلي دار بوه،،واش تا انا نمشي نرجع فحالي ولا اش ندير،،تغددت وتعصبت ..لبارح بكاني على والو،يعني ضحك عليا وبكانو ومن لفوق واخد عطلة لراسو يرتاح ومخليني انا ندرب التامارة!
غمضت عينيا وسرطتها،،ضميري انبني ماقدرتش نخرج ونخلي هادشي مكركب ورايا حدرت راسي وكملت لخدمة..
شوية تحل لباب،،دخل لابس بذلة انيقة فالبني،،بحال شي سطار،،وقف حدايا وبدا كيطل على البيسي لي خدامة فيه،، فين وصلتي؟
ريحتو زوينة وشعرو زوين ماشطو جنب كمل على الاناقة ديالو،،سرطت الفقصة وبلا منحس بتاسمت !
بدا كيضحك: والله ا زينب لا كنت كنهدر معاك وميت بالضحك ههه
بضيت كنضحك : ههه والله ايلا صحابلي مغتجيش هه هيا كنتي كتفلا وكضحك عليا؟
مشا ڭلس فكرسي وقال لي: والله ماكنت ناوي نتفلا تاصلت بيك باش نقوليك راني فواحد الاجتماع فشركة خرى بغاو يديرو معانا تعاقد ،،ولكن فاش جاوبتي بديك الطريقة شديت فيك،ماماك لبارح فاش هدرات معايا معرفتش مانقول هه المسامحة نعوضك بللي يرضيك ان شاء الله،،هه ماخليتي فيا غير لي نسيتي!
حشمت وحدرت راسي : زعما قلتي لي هاد النهار ديالي نرتاح فيه وفاش تاصلت قلتي ماكاين لاش نجيو بجوج تما تعصبت ولكن فاش دخلتي مع الباب هه ولابس الكوستيم هه عرفتك كتفلا صافي
شاف فيا وحيد الڤيستا: هه كيجاني شريتو غير سيمانة لي فاتت!
بديت كنقاد ففولاري وكندير راسي مامدياهاش فيه: اه مزيان بالصحة!
بدا كيبتاسم : جا وقف عند راسي ودار ايديه فجيابو : احم احم
تكمشت فبلاصتي وهزيت راسي بشوية : ا اشنو ؟
هز لي لوراق والبيسي من قدامي داهم لجيهة لمقابلة معايا وحطهم : اجي كملي لخدمة هنا،،خصني نسيفط شي لعيبات فالجيمايل !
نضت وأنا محرجة دزت من حداه ..وقلبي بدا كيضرب ! ڭلست وانا حشمانة!
بدا خدام وأنا ماخداماش ،،خدامة مقابلاه،،كل ساعة كيشوفيا كيحصلني كندير راسي كنفكر وزعما ساهية ولا كنبدا نشوف فالسقف ،،ناري مابقيتش كنحشم !ناري مايمكنش مستحيل نديها فهدا هعع واش تسطيت ولا خرج لي لعقل...!
داز داك الصباح دغيا،،واخة بدا بعصبية انتهى بشكل زوين،،جبد الساعة من ايديه باناقة ،شاف فالساعة ودار عندي حدرت راسي بالزربة!
قالي: زينب دابا غندوز عند احمد نمشيو نصليو ليوم الجمعة،ايلا بغيتي ترجعي فعشية جي وايلا مبغيتيش ڭلسي رتاحي ماكاينش مشكيل،غير داكشي لي قلت ليك عليه متنسايهش تسيفطيه ليا فالجيمايل ضروري واخة؟
بقيت حالة فمي وساهية ..!
بدا كيضحك: زينب هه مالك؟ ياكما باقة مقلقة
ارتبكت وبديت كنتلفت فجنابي: هه اه اه صافي ناض وهز لڤيستة لبسها،حل لباب وقالي تفضلي،،طفيت لبي سي بزربة وجمعت الوراق ونضت خرجت وأنا فرحانة،،كان سابقني كنشوف فيه من ورا ظهرو،كنسترق نظرات..وأنا خايفة يلاحظني ..وريحة عطر رجولية هععع حتى لمشية فيها عجرفة،كبرياء وأناقة!
تلاقينا مع احمد ،،سلم علينا،وليت كنحس باحساس عادي احساس اخوي زعما مافهمتش كيفاش تلاشات مشاعيري اتجاهو،،،لالا هاد المشاعر المجرمة ماكتلاشاش كتنتاقل ضد الرغبة ديالي من احمد لعمر..ناري أنا زيرة رجال مامتبتاش على واحد ...
عمر حدر راسو،،بعد شوية خلاني كنهدر أنا و احمد على الخدمة...لوراق ..وشي حوايج مرديتش ليهم لبال،ماعرفتش ..عقلي ماكانش معايا عمري 26 وطالعة ف 27 اول مرة كيعجبني شخص كل ماكنعرف عليه متسلط وفيه ضحك بايخ وكل ذكرياتي عليه عبارة عن لائحة سوداء ولكن علاش ماباغياش نلعن الشيطان او حتى نحاول مايبقاش عجبني على الاقل بحال القرار لي خديت بخصوص اعجابي باحمد ...حتى من مشاعري ككتدخل فحياتي باش نصعب على راسي كلشي ومن جميع الجوانب!
ودعني وأنا مابغياش ندعو ..مشيت لدار،،صليت ودعيت الله يدير لي ليفيها الخير،وطلبت الله توقع شي معجزة ويلتفت ليا وفكر فيا ومانعرف ايمكن يجمعني بيه فدار وحدة !
طبعا كنت باغية نرجع فالعشية ولكن بقات فيا الواليدة واحلة مع الغريبة قلت نڭلس معاها نعاونها!
كتشوف فيا وساكتة..وحتى أنا ماقلت والو،،قالت لي : شعلي ديك التلفازة نتونسو بيها!
شعلتها: اوه فيلم هندي ديال شاروخان !طرطقت فيه عينيا،، وبديت غير كنكور ونعطي لعور فديك غريبة!
ضرباتني لواليدة على ايدي : واتي جمعي عينيك وردي لبال لحلوة !
شفت فيها بنظرات متفقصة : وا مي علاش كتشدي كوموند فيها 10 كيلو وكتوحليني تا انا معاك !
حطات لعجينة من ايديها : اشوفي ياه هديك الشنيولة حالك هادي يوماين ماعجبنيش،،رانا فايقة وعايقة بصاح هداك لي عيط ليك معاك فالخدمة؟
بديت كندور فعينيا.. شفت فيها وأنا كنتمسكن : ناري يا مّي والله حتى خدام معايا وراه هو الشاف ديالي والله ماكاينة شي حاجة!
هزات المدلك وبدات كتشير بيه : وهاودني منك!
اكثر شيئ كيخلعني فهاد الدنيا هو مِدلكُ أُمي،، ايه الاداة لي كاناكل بيها طريحة ديال لعصا،،مكنحملوش كنشوفو كنبغي نشعل فيه العافية،،ولا يمكن التخلص منه،مخليت فين خبيتو عليها،كندور كنلقاها جابداه بحالا ملصقا فيه اداة استقطاب !
حدرت راسي وقلت ليها فخاطري: كون غير كان داكشي لي خيفة منو بصح كيبغيني وكانبغيه والله حتى نولي حسن من وسيلة السكرتيرة ونجيبو لدار يخطبني،ولكن هو ماعقلش ليا!
تسنيت نهار الاثنين على احر من الجمر،فقت صليت الفجر ودزت لمجر امي طرڭت الفوندوتان ولعكر وواحد لماسكرا ماعمرها دارتها ...! درتهم وكالعادة بتسلل خرجت من الدار هه هاد المرة ماشافتنيش!
قدام الباب ديالو وقفت ...كنقول يا ربي يآاربي تسهل ليا فيه باي طريقة،دقيت وقلبي كيضرب !
دخلت،وانا دايرة كل مافجهدي باش نبان متأنقة،جلست لقيتو خدام وممساليش كيلعادة،تركيز ديالو ونظراتو للبي سي وجدية لعمل ديالو واناقتو كيجيبو ليا الشلل!
حدرت راسي على الخدمة وأنا كنحاول نركز معاها،، قالي: زينب جري كرسيك واجي نوريك اش غتقادي ليا !
وبدون تفكير طوّعْت لوراق من ايديا هزيت لكرسي وأنا فرحانة : اهاه
جلست حداه وأنا فرحانة عند بالي بارزة أنا وياه فالعرس،،ناري كنحلم وأنا فايقة،،كون عرف باش كنحلم كون طلقني فالحلمة ديالي،،وجيبني لواقع يعطيني شي قتلة ديال لعصا!
دار عندي غطا فمو بايديه وبدا كيضحك!
خجلت رتابكت،،:شنو؟ مالك؟
جمع الضحكة،،اول مرة تلاقات عينينا،وأول مرة كنشوف عينيه البنيتين لي كان فيهم واحد البريق مشع..كل واحد فينا تحرج وشاف فجيهة معاكسة!
رجعنا للخدمة وعينيه على البي سي : زينب نتي زوينة بلا ماكياج !
تصدمت ومعرفت مانقول وباش نجاوب سكتت وكل واحد فينا كيتسنى الاخر يهدر وأنا احساسي ولا اكبر مني،خفت ليزيد يكبر،،ونتلاح عليه من حيث لا يدري..يعني خاصني نتزوج بيه هي نتزوج بيه وايلا غنستعمل العنف لاجئة إلى مِدْلكِ أُمي
قالي: زينب دابا غندوز عند احمد نمشيو نصليو ليوم الجمعة،ايلا بغيتي ترجعي فعشية جي وايلا مبغيتيش ڭلسي رتاحي ماكاينش مشكيل،غير داكشي لي قلت ليك عليه متنسايهش تسيفطيه ليا فالجيمايل ضروري واخة؟
بقيت حالة فمي وساهية ..!
بدا كيضحك: زينب هه مالك؟ ياكما باقة مقلقة
ارتبكت وبديت كنتلفت فجنابي: هه اه اه صافي ناض وهز لڤيستة لبسها،حل لباب وقالي تفضلي،،طفيت لبي سي بزربة وجمعت الوراق ونضت خرجت وأنا فرحانة،،كان سابقني كنشوف فيه من ورا ظهرو،كنسترق نظرات..وأنا خايفة يلاحظني ..وريحة عطر رجولية هععع حتى لمشية فيها عجرفة،كبرياء وأناقة!
تلاقينا مع احمد ،،سلم علينا،وليت كنحس باحساس عادي احساس اخوي زعما مافهمتش كيفاش تلاشات مشاعيري اتجاهو،،،لالا هاد المشاعر المجرمة ماكتلاشاش كتنتاقل ضد الرغبة ديالي من احمد لعمر..ناري أنا زيرة رجال مامتبتاش على واحد ...
عمر حدر راسو،،بعد شوية خلاني كنهدر أنا و احمد على الخدمة...لوراق ..وشي حوايج مرديتش ليهم لبال،ماعرفتش ..عقلي ماكانش معايا عمري 26 وطالعة ف 27 اول مرة كيعجبني شخص كل ماكنعرف عليه متسلط وفيه ضحك بايخ وكل ذكرياتي عليه عبارة عن لائحة سوداء ولكن علاش ماباغياش نلعن الشيطان او حتى نحاول مايبقاش عجبني على الاقل بحال القرار لي خديت بخصوص اعجابي باحمد ...حتى من مشاعري ككتدخل فحياتي باش نصعب على راسي كلشي ومن جميع الجوانب!
ودعني وأنا مابغياش ندعو ..مشيت لدار،،صليت ودعيت الله يدير لي ليفيها الخير،وطلبت الله توقع شي معجزة ويلتفت ليا وفكر فيا ومانعرف ايمكن يجمعني بيه فدار وحدة !
طبعا كنت باغية نرجع فالعشية ولكن بقات فيا الواليدة واحلة مع الغريبة قلت نڭلس معاها نعاونها!
كتشوف فيا وساكتة..وحتى أنا ماقلت والو،،قالت لي : شعلي ديك التلفازة نتونسو بيها!
شعلتها: اوه فيلم هندي ديال شاروخان !طرطقت فيه عينيا،، وبديت غير كنكور ونعطي لعور فديك غريبة!
ضرباتني لواليدة على ايدي : واتي جمعي عينيك وردي لبال لحلوة !
شفت فيها بنظرات متفقصة : وا مي علاش كتشدي كوموند فيها 10 كيلو وكتوحليني تا انا معاك !
حطات لعجينة من ايديها : اشوفي ياه هديك الشنيولة حالك هادي يوماين ماعجبنيش،،رانا فايقة وعايقة بصاح هداك لي عيط ليك معاك فالخدمة؟
بديت كندور فعينيا.. شفت فيها وأنا كنتمسكن : ناري يا مّي والله حتى خدام معايا وراه هو الشاف ديالي والله ماكاينة شي حاجة!
هزات المدلك وبدات كتشير بيه : وهاودني منك!
اكثر شيئ كيخلعني فهاد الدنيا هو مِدلكُ أُمي،، ايه الاداة لي كاناكل بيها طريحة ديال لعصا،،مكنحملوش كنشوفو كنبغي نشعل فيه العافية،،ولا يمكن التخلص منه،مخليت فين خبيتو عليها،كندور كنلقاها جابداه بحالا ملصقا فيه اداة استقطاب !
حدرت راسي وقلت ليها فخاطري: كون غير كان داكشي لي خيفة منو بصح كيبغيني وكانبغيه والله حتى نولي حسن من وسيلة السكرتيرة ونجيبو لدار يخطبني،ولكن هو ماعقلش ليا!
تسنيت نهار الاثنين على احر من الجمر،فقت صليت الفجر ودزت لمجر امي طرڭت الفوندوتان ولعكر وواحد لماسكرا ماعمرها دارتها ...! درتهم وكالعادة بتسلل خرجت من الدار هه هاد المرة ماشافتنيش!
قدام الباب ديالو وقفت ...كنقول يا ربي يآاربي تسهل ليا فيه باي طريقة،دقيت وقلبي كيضرب !
دخلت،وانا دايرة كل مافجهدي باش نبان متأنقة،جلست لقيتو خدام وممساليش كيلعادة،تركيز ديالو ونظراتو للبي سي وجدية لعمل ديالو واناقتو كيجيبو ليا الشلل!
حدرت راسي على الخدمة وأنا كنحاول نركز معاها،، قالي: زينب جري كرسيك واجي نوريك اش غتقادي ليا !
وبدون تفكير طوّعْت لوراق من ايديا هزيت لكرسي وأنا فرحانة : اهاه
جلست حداه وأنا فرحانة عند بالي بارزة أنا وياه فالعرس،،ناري كنحلم وأنا فايقة،،كون عرف باش كنحلم كون طلقني فالحلمة ديالي،،وجيبني لواقع يعطيني شي قتلة ديال لعصا!
دار عندي غطا فمو بايديه وبدا كيضحك!
خجلت رتابكت،،:شنو؟ مالك؟
جمع الضحكة،،اول مرة تلاقات عينينا،وأول مرة كنشوف عينيه البنيتين لي كان فيهم واحد البريق مشع..كل واحد فينا تحرج وشاف فجيهة معاكسة!
رجعنا للخدمة وعينيه على البي سي : زينب نتي زوينة بلا ماكياج !
تصدمت ومعرفت مانقول وباش نجاوب سكتت وكل واحد فينا كيتسنى الاخر يهدر وأنا احساسي ولا اكبر مني،خفت ليزيد يكبر،،ونتلاح عليه من حيث لا يدري..يعني خاصني نتزوج بيه هي نتزوج بيه وايلا غنستعمل العنف لاجئة إلى مِدْلكِ أُمي
أنا راه فينما مشا تابعاه،بحال الرادار لا خدمة بقيت نخدمها مقادة لا زين ولا مجي بكري..لي كنت متأكدة منو ومادخليش فيه الشك هو : ماعمرو غيديها في،،ولكن أنا وليييت فقمة لغباء ماتليتش عرفت كيفاش نتصرف بعقلي...وديما كنقول يا ربي مايعيقش بيا،،معلوم مهما كان خاص هو يجي يهدر معايا!ويقوم بالخطوة الاولى!
من نهار قالي "زينب نتي زوينة بلاماكياج" أما بقيتش درت بجيهتو،،خليتو لواليدة،،وَ وليت كنخرج قدامها ونوريها وجهي هانتي شوفي راه مادايرا والو...!
جاية فرحانة ودائما نفس الدعاء فينما كنغي ندخل لبيرو : يا ربي تيسر وتجعل لي فيه خيرا يا ربي
اوه ماكاينش...ماجاش!بقيت كنتسنا اووف هاد الوقت بزز باش كيدوز...وكل ساعة كنجبد التيليفون..واش نتاصل بيه...ولا هو غيتاصل بيا...لا لا ايلا تاصلت غيعيق بيا،خليني متبتة نبانو بعقلنا!
ايدي مابغاوش يهنيوني،،تاصلت بيه..ماكيجاوبش!
وصلات وقيتة ديال لغدا،،بانو ليا لبنات والدراري لي خدامين معايا مجموعين،،،تخشيت وسط منهم باغة نشوف اش كاين!
سميرة : ويالاه دابا ايلا كنتو باغيت تمشيو ناخدو كلشي من الطريق!
عادل صافي نديكم فالطوموبيل أنا و احسان راه غتقدنا!
أنا نقزت عليهم : اش كين اش واقع؟ طالقة ودني ومخرجة عيني فيهم قولو اش كاين؟
دارت عندي سميرة باستهزاء: مافخباركش زعما،خدامة معاه فالبيرو وماسيقاش لخبار!
كنت غنقجها ولكن تهدنت بغيت نعرف...درت عند عادل : قولي اخويا اش واقع؟
دار علامات حزن : الشاف عمر دار كسيدة واحد مول لموطور خرج فيه سمعت حالتو صعيبة حنا غنمشو نشوفوه قالو حالتو خايبة يقدر يمشي فيها!
شديت فراسي،دارت بي الدنيا،،اويلي علا يمشي فيها ،،فشلو لي ركابي ڭلست على الارض ودرت مشهد درامي فيه البكا وبقيت كنتركل وكنبكي،،هيا هاديك منها نيت هزوني وداوني معاهم تا أنا يشوفني الطبيب!
وصلنا دفعتهم دخلت لقيتو ڭالس كيتفرج فدوزيم كوميكات ديال زاي زازاي وكياكل فالليمون وكيضحاك وفرحان!
شفتو تصدمت،،مشيت تكوّنت فوق واحد الكريسي حدا لباب،دخلو البنات ودراري،،كل وحدة كتميع فالهدرة
سميرة: على سلآآامتك ا سي عمر والله فاش سمعتها تخلعت عليك
لمياء : كيف بقيتي شوية.؟شكو كيضرك؟ ربي يشافيك
...
وأنا كنخنزر،،حتى على سلامتك مابغاتش تخرج لي..بقيت ڭالسة فاش بغاو يخرجو حتى أنا جمعت لوقفة وتميت خارجة فحالي،،عيّط لي : زينب بلاتي!
رجعت وقفت ليه عند راسو كنقلي لبنات السم ههه وأنا فرحانة هه وتاوحدة فيهم ماسلمات عليا قبل مانمشي!وهوما كيتمسنكو بزز باش خرجو!
دار عندي : ڭلسي هه مالك واقفة؟
ڭلست وأنا حادرة راسي،،قلت نبدل جو الاحراج لي درتو من سمعت انه دار كسيدة: اه فكرتيني راه صيفط الجيمايل،وخدمت دوك الملفات لي قلتي ليا،بقا خاصك تشوفهم وتسني عليهم وراه تاصل...
قاطعني : اووه ضارني راسي هه كتهدري بزاف،واش مبقيتش فيك أنا لي وقع ليا داكشي! وماسولييش فيا كيف بقيت وهانتي عقلي عقلي !
حدرت راسي وبداو عيني كيتغرغرو ليا بالدموع ،،
شد فراسو : اوه ماتقوليش ليا غتبداي تبكي راه أنا لي غنبكي ماجايبة لي حتى نص ايترو ديال لحليب!
ضربتو على ايديه لي مضروب فيها: نتا ديما كتكذب عليا،،قالو لي راك فمرحلة ديال لخطر وتقدر الله يحفظ
بدا كيضحك وكيشوف فيا: احم اشنو يقدر شنو !
تعصبت وغوت عليه : تمشي فيها الحمار !
تصدم مسكين وبقا كيشوف فيا...وماعرف مايقول،،عرفت راسي اش درت حدرت راسي تكمّشت فبلاصتي..وجمعت فمي!
بدهشة قالي : واش كتسبيني ،،واش عاد دابا ڭلتي لي حمار؟!
حدرت راسي وبقيت كنتسنى شي ضقة تنزل على راسي .
بقى كيضحك حتى سخف : هه أودّا ا زينب هه والله معمرني ماشفت بحالك تخافي ماتحشمي،،نهار لول باغة ضربيني ودابا انا عيان وكتسبيني،،راه وليت كنخاف منك !
بديت كنجمع فصاكي: باغة نوض فحالي،سمح ليا ايلا كنتي لاباس عليك خاصني نمشي
يالاه بغيت نوض : قالي أنا توحشـــ...
باقي ماكملش لكلمة نقزت أنا : اه آش؟.. اش توحشتي؟ وكنبتاسم ومخرجة عينيا كنتسنى فالجواب!
ماكنتش كنتوقع أن الامور تقدر تطور بهاد السرعة ...ولكن حتى أنا صبرت ودعيت الله باش يسر لي فيه!
وأخيرا يالاه قال: أنا توحشــــتــــ..
نقزت أنا بحمآس : اش اش توحشتي..
بقا كيشوف فيا وهو مصدوم وأنا كنحسب فالثواني باش يهدر..
اه بغيت نقول: أنا توحشت ديك الحلوة ديال اللوز والشكلاط وتخيلي ا زينب من صباح وأنا كنتسناك تجي باش نقولها ليك كنت بغيت نصيفط ليك مساج ولكن لقيت راسي ناسي التيليفون فالدار!
خنزرت فيه ودرت فيه واحد الشوفة،،بدا كيترعد فبلاصتو ... قاليا : ولكن ايلا مابغيتيش صافي بلاش متجيبيها!
نضت من بلاصتي شديت فصاكي ،قلت ليه : الله يعاون وزدت بحالي،وأنا خارجة مع الباب قالي، بسلامة تهلاي فراسك وشكرا لي جيتي شفتيني،،راه كنضحك معاك غدا غنخرج ان شاء الله نجي لخدمة!
حدرت راسي ورجعت فحالي لدار،،،
دخلت ماحاملاش كالعادة،ماما تابعاني لبيت تسولني اش درت فالخدمة وكتغوت على لحويج لي كنلوح والصباط لي كنطوعو كند الباب..
بقيت ڭالسة كنفكر...ندي ليه لحلوى ونمشي نشوفو؟ مسكين هو عيا! وشوية نقول : خليه يستاهل كيعاملني على أساس أنا كنعني ليه شي حاجة من غير موظفة كيلوح ليها خدمتو !
نضت للكوزينة كنقلب فالسطول ديال الحلوة،سمعات مّي تقرقيب وجات كتجري : اش كديري حطي سطولا ماشي دياولنا!
ماديتهاش فيها: هآآ هاهيآ حلوى اللوز بالشكلاط !جبدت بواطة وبديت بغيت نعمرها بالحلوى!
جات الواليدة نطراتها لي: مكتسمعيش ماشي ديالنا ديال الناس غدا فالصباح تجي مولاتها ديها !
شفت فيها: وامي راه غير شوية والله !وفاش نرجع غنعاود نسايبها صافي؟ وأراي لي البواطة!
ڭلسات ودارت فيها شوفة ديال صحاب المخزن : اجي نتي وفين غادية بالسلامة ولمن باغة تعطيها!
حدرت راسي : اه لواحد السيدة خدامة معايا مسكينة دارت كسيدة ليوم فالصباح بغيت نمشي نشوفها وندي ليها شي حويجة!
بدات كدور فراسها : ومالك كدوري فعينيك،،وعلاش باغيا ديليها هاد الحلوى وماشي من غيرها!
بديت كنضحك وتزنڭت : حيت كتعجبها وطلباتني نجيبها ليها جريت ليها لبواطة وبديت كنعمر فيها!
جات حيدات لي السطل غطاتو : واتي فرقي عليك لحلوى ديال عباد الله واش باغية تركبي فيا لسكار هاد لعشية تي مالك ابنتي معكسة!
تقصت يالاه غنبدا نڭر وهي تدور عندي اجي : ماشي لباطرون ديالك؟ كاتكدبي عليا؟
صفاريت وخضاريت وتسمّرت فبلاصتي: مم لا شكون ڭالها ليك؟
جات قربات لحدا عينيا : شكون ڭالها ليا؟ يالاه هزي منها !
بقيت كنعمر فالبواطة وكنختار هادوك لي مزيانين!..بغيت نخرج لقيتها لابسة جلابتها وكتسنى !
درت ضحكة صفرة ! مي ؟ فين غادة؟
دفعاتني سدات لباب بالساروت : معاك نشوف السيدة مسكينة كيبقات نيت بغيت نمشي رجلي ضروني بلڭلسة فدار !
تميت غادة وكنطلب فيها نرجعو ،،ماخليت ماكدبت عليها،حتى من لكذبة ديال الكلينيك سَد قلتها ليها!
دخلنا،غير سمعات لموظفة لي فالاستقبال قالت سمية ديال عمر وهي تقرصني قرصة خَفية لا يراها إلا الله ولا يحس بها غيري !أنا ديما كنبعد منها ملي كنكون دايرة شي زبلة ايديها مكنرتاحش ليهم..
دخلنا لقيناه ڭالس جابد بي سي وخدام!
دخلت سلمت وأنا حادرة راسي وحشمانة..ماقدراش ندوي..سلم على الواليدة وبدا كيدي ويجيب فالهدرة معاها..حطات ليه الحلوى وقالت ليه : بغيتي شي كوموند اولدي مرحبا عجباتك البنت وبغيتي تزوجها مرحبا لبنت واخة باها ميت الله يرحمو عندها مها مراة ونص...بغيتي لعب والضحك حنا ناس ملاح شوف ليك فجيهة اخرى!
مقدرتش نهز راسي،،سمعتو سكت ومابقاش جاوب،،صدماتو هدرة مي وأنا كون صبت الارض تشق نتخشى فيها!
دارت عندي : يالاه نوضي شافت فيه : الله يشافيك اولدي ويصلحك خلينا ليك الراحة!
دخلت لدار ،مهدرتهاش،ومدويتش معاها،،تابعاني لصالون : احياني عليك هادي هيا السيدة ليسحابليك باقا صغيرة..
قاطعتها : امي حرام عليك والله حتى حرام عليك شوهتيني قدام الشيف مابيني وبينو والو،هاديك الخدمة والله لاباقي حطيت فيها رجلي!
بدات كتلبس فطابليتها وكتشمر : ايوا لي بغى لمعقول راه باين ولي مابغاهش يعطينا بالتيساع!
بقيت كنبكي صافي غدا غنخرج من الخدمة ،ماداني نعاس غير بزز،غدليه جات الواليدة حيدات عليا لمانطة: انودي ماغتمشيش لخدمتك؟
جريت لمانطة وعاود غطيت راسي : ونتي خليتي لي لوجه باش نمشي ؟
حلات الشرجم وعاود جرات المانطة نشراتها : اتنودي ولا شبغيتي وبدات كتخاصم بقات واقفة عليا حتى نضت وفطرت ومشيت لخدمة!
غادية وأنا معصبة ومفقصة..وناوية نقدم طلب الاستقالة!
دخلت: لقيتو كيهدر فالتيليفون،،شافني وبدا كيضحك!وكمل الهدرة وقالي بايديه دخلي!
ڭلست ودرت صاكي قدامي وبقيت جامعة ايدي كنتسناه يسالي وأنا حشمانة على لهدرة لي قالت لي الواليدة!
سالا الهدرة،، جا ڭلس حدايا : كيشوف فيا ..ماهدرتش .. قالي : السلام لاباس ؟
كنشوف فالارض : أنا جيت ليوم باش نقوليك راه غنخرج من الخدمة !
حل الصدفة ديال الڤيستة، قطب حجبانو : وعلاش؟
بيأس جاوبتو : قدر الله ،وسمح لي على الطريقة باش هدرات معاك البارح الواليدة راك عارف خايفة عليا..
بدا كيضحك،دار رجل على رجل وتكى على الفوتوي : آه هه فهمت ،،لواليدة ديالك تباركالله عليها الله يخليها ليك،امم واخة انعتبر انك غير فلحظة غضب وخديتي قرار خاطئ فكري مزيان،غدا بلاماتجي ..خوديه وفكري فيه!
بقييت كنشوف فالارض ،ضحكت على راسي،،معرفتش واش نبكي ولا اش ندير،،بلاما نبقى نحلم كتر من لقياس،جا لوقت لي نفيق فيه ..من هدرتو باين انه مامعتابرنيش،،ومعمرو فكر فيا..كانت قمة الاحراج..خرجت من الباب بعقل ساكن،قلب حزين وكبرياء مجروح
وأخيرا يالاه قال: أنا توحشــــتــــ..
نقزت أنا بحمآس : اش اش توحشتي..
بقا كيشوف فيا وهو مصدوم وأنا كنحسب فالثواني باش يهدر..
اه بغيت نقول: أنا توحشت ديك الحلوة ديال اللوز والشكلاط وتخيلي ا زينب من صباح وأنا كنتسناك تجي باش نقولها ليك كنت بغيت نصيفط ليك مساج ولكن لقيت راسي ناسي التيليفون فالدار!
خنزرت فيه ودرت فيه واحد الشوفة،،بدا كيترعد فبلاصتو ... قاليا : ولكن ايلا مابغيتيش صافي بلاش متجيبيها!
نضت من بلاصتي شديت فصاكي ،قلت ليه : الله يعاون وزدت بحالي،وأنا خارجة مع الباب قالي، بسلامة تهلاي فراسك وشكرا لي جيتي شفتيني،،راه كنضحك معاك غدا غنخرج ان شاء الله نجي لخدمة!
حدرت راسي ورجعت فحالي لدار،،،
دخلت ماحاملاش كالعادة،ماما تابعاني لبيت تسولني اش درت فالخدمة وكتغوت على لحويج لي كنلوح والصباط لي كنطوعو كند الباب..
بقيت ڭالسة كنفكر...ندي ليه لحلوى ونمشي نشوفو؟ مسكين هو عيا! وشوية نقول : خليه يستاهل كيعاملني على أساس أنا كنعني ليه شي حاجة من غير موظفة كيلوح ليها خدمتو !
نضت للكوزينة كنقلب فالسطول ديال الحلوة،سمعات مّي تقرقيب وجات كتجري : اش كديري حطي سطولا ماشي دياولنا!
ماديتهاش فيها: هآآ هاهيآ حلوى اللوز بالشكلاط !جبدت بواطة وبديت بغيت نعمرها بالحلوى!
جات الواليدة نطراتها لي: مكتسمعيش ماشي ديالنا ديال الناس غدا فالصباح تجي مولاتها ديها !
شفت فيها: وامي راه غير شوية والله !وفاش نرجع غنعاود نسايبها صافي؟ وأراي لي البواطة!
ڭلسات ودارت فيها شوفة ديال صحاب المخزن : اجي نتي وفين غادية بالسلامة ولمن باغة تعطيها!
حدرت راسي : اه لواحد السيدة خدامة معايا مسكينة دارت كسيدة ليوم فالصباح بغيت نمشي نشوفها وندي ليها شي حويجة!
بدات كدور فراسها : ومالك كدوري فعينيك،،وعلاش باغيا ديليها هاد الحلوى وماشي من غيرها!
بديت كنضحك وتزنڭت : حيت كتعجبها وطلباتني نجيبها ليها جريت ليها لبواطة وبديت كنعمر فيها!
جات حيدات لي السطل غطاتو : واتي فرقي عليك لحلوى ديال عباد الله واش باغية تركبي فيا لسكار هاد لعشية تي مالك ابنتي معكسة!
تقصت يالاه غنبدا نڭر وهي تدور عندي اجي : ماشي لباطرون ديالك؟ كاتكدبي عليا؟
صفاريت وخضاريت وتسمّرت فبلاصتي: مم لا شكون ڭالها ليك؟
جات قربات لحدا عينيا : شكون ڭالها ليا؟ يالاه هزي منها !
بقيت كنعمر فالبواطة وكنختار هادوك لي مزيانين!..بغيت نخرج لقيتها لابسة جلابتها وكتسنى !
درت ضحكة صفرة ! مي ؟ فين غادة؟
دفعاتني سدات لباب بالساروت : معاك نشوف السيدة مسكينة كيبقات نيت بغيت نمشي رجلي ضروني بلڭلسة فدار !
تميت غادة وكنطلب فيها نرجعو ،،ماخليت ماكدبت عليها،حتى من لكذبة ديال الكلينيك سَد قلتها ليها!
دخلنا،غير سمعات لموظفة لي فالاستقبال قالت سمية ديال عمر وهي تقرصني قرصة خَفية لا يراها إلا الله ولا يحس بها غيري !أنا ديما كنبعد منها ملي كنكون دايرة شي زبلة ايديها مكنرتاحش ليهم..
دخلنا لقيناه ڭالس جابد بي سي وخدام!
دخلت سلمت وأنا حادرة راسي وحشمانة..ماقدراش ندوي..سلم على الواليدة وبدا كيدي ويجيب فالهدرة معاها..حطات ليه الحلوى وقالت ليه : بغيتي شي كوموند اولدي مرحبا عجباتك البنت وبغيتي تزوجها مرحبا لبنت واخة باها ميت الله يرحمو عندها مها مراة ونص...بغيتي لعب والضحك حنا ناس ملاح شوف ليك فجيهة اخرى!
مقدرتش نهز راسي،،سمعتو سكت ومابقاش جاوب،،صدماتو هدرة مي وأنا كون صبت الارض تشق نتخشى فيها!
دارت عندي : يالاه نوضي شافت فيه : الله يشافيك اولدي ويصلحك خلينا ليك الراحة!
دخلت لدار ،مهدرتهاش،ومدويتش معاها،،تابعاني لصالون : احياني عليك هادي هيا السيدة ليسحابليك باقا صغيرة..
قاطعتها : امي حرام عليك والله حتى حرام عليك شوهتيني قدام الشيف مابيني وبينو والو،هاديك الخدمة والله لاباقي حطيت فيها رجلي!
بدات كتلبس فطابليتها وكتشمر : ايوا لي بغى لمعقول راه باين ولي مابغاهش يعطينا بالتيساع!
بقيت كنبكي صافي غدا غنخرج من الخدمة ،ماداني نعاس غير بزز،غدليه جات الواليدة حيدات عليا لمانطة: انودي ماغتمشيش لخدمتك؟
جريت لمانطة وعاود غطيت راسي : ونتي خليتي لي لوجه باش نمشي ؟
حلات الشرجم وعاود جرات المانطة نشراتها : اتنودي ولا شبغيتي وبدات كتخاصم بقات واقفة عليا حتى نضت وفطرت ومشيت لخدمة!
غادية وأنا معصبة ومفقصة..وناوية نقدم طلب الاستقالة!
دخلت: لقيتو كيهدر فالتيليفون،،شافني وبدا كيضحك!وكمل الهدرة وقالي بايديه دخلي!
ڭلست ودرت صاكي قدامي وبقيت جامعة ايدي كنتسناه يسالي وأنا حشمانة على لهدرة لي قالت لي الواليدة!
سالا الهدرة،، جا ڭلس حدايا : كيشوف فيا ..ماهدرتش .. قالي : السلام لاباس ؟
كنشوف فالارض : أنا جيت ليوم باش نقوليك راه غنخرج من الخدمة !
حل الصدفة ديال الڤيستة، قطب حجبانو : وعلاش؟
بيأس جاوبتو : قدر الله ،وسمح لي على الطريقة باش هدرات معاك البارح الواليدة راك عارف خايفة عليا..
بدا كيضحك،دار رجل على رجل وتكى على الفوتوي : آه هه فهمت ،،لواليدة ديالك تباركالله عليها الله يخليها ليك،امم واخة انعتبر انك غير فلحظة غضب وخديتي قرار خاطئ فكري مزيان،غدا بلاماتجي ..خوديه وفكري فيه!
بقييت كنشوف فالارض ،ضحكت على راسي،،معرفتش واش نبكي ولا اش ندير،،بلاما نبقى نحلم كتر من لقياس،جا لوقت لي نفيق فيه ..من هدرتو باين انه مامعتابرنيش،،ومعمرو فكر فيا..كانت قمة الاحراج..خرجت من الباب بعقل ساكن،قلب حزين وكبرياء مجروح
كرامتي وكبريائي وقيمتي كلشي طاح قدام وجه عمر،،بقا في الحال بزاف،،وكل مرة كنتفكر اش قالت ليه الواليدة كنزيد نكعا،،جا لغد ليه،مامشيتش لخدمة،،وجا نهار لي بعدو وأنا باقية فالدار،،من التلفزة،،لعند جميلة لسطاح ..وندور فالدار..وحتي مي مابقيتش كنكتر معاها لهدرة..!
دازت 4 ايام طفية التيليفون ومعزولة عن العالم ..شفت حتى عييت ودزت نلاهي راسي فالحلوة مع الواليدة!
قبل مانبدا معاها لكموند الجديدة،شفت فيها : شوفي ا مّي غنبدا نخدم معاك وتعطيني النص بالنص !
شافت فيا : كيفاش النص بالنص
الصراحة بدا الخوف كيسري فأنحاء جسدي من نظراتها التي تحمل الكثير من الرعب ..
قصحت وجهي وقلت ليها : ايه النص بالنص فالرباح أنا غنبدا نخدم معاك ايدي بايديك،ونتي كتكّاي على كلشي كديريه فجيبك!
خرجت في عينيها : ياك المسيخيطة؟ أنا كندير فجيبي؟ خدامة عندك نوضي من قدامي ..وبدات كتقلب على المدلك ...فين هو فين زاد..جبداتو وبغات تزف بيه
شديتو ليها: وا مّي والله كنضحك معاك والله !
شافت فيا ضرباتو مع الميدة،ضربة كتهددني ببحالها غتجيني على الراس ايلا مجمعتش فمي
بديت كنصاوب معاها فالحلوى وساكتة،،، : مانوياش ترجعي لخدمتك؟ماخفتيش يجرو عليك؟
بقيت مدهية مع الحلوى كنقاد فيها،وببرودة جاوبتها : راه خليتها قدمت استقالتي صافي نشوف غيرها،،!
ايمكن الواليدة فقصاتها هدرتي لدرجة تجاهلاتني وقالت لي : ديري لي عجبك! نوضي لبسي حوايجك دي الطاوات للفران وفي ساع رجعي كملي معايا هادشي!
نضت وأنا مافيآش،،جبدت غير جلابة ديال لواليدة لبستها وجيت عندها : هاري لي السوارت!
هزات عينيها لقاتني لابسة جلابتها: واتي سيري حطي ليا حوايجي وتي مالك مخورجة شحال من مرة ڭلت ليك راه مكتجيش قدك،واش تي تسطيتي؟
جريت معدها السوارت : هاد الجلابة كنرتاح فيها هي لي لقيتها قدامي،لبست صندالة ديال الدار وخرجت!
تميت راجعة وكنجر رجلي فالطريق،،كيبان لي شي حد واقف مقابل مع الباب ...ناري واش هو؟ لا مستحيل ناري وليت كنحلم بكنتهيأ خيال عمر وأنا حالة عينيا...واقيلا غير تخالط لي
بديت كنقرب وأنا كنقول يا ربي يكون هوا،،حتى وصلت لباب وتفكرت راسي لابسة بحال بو خنشة وأنا نبدا نطلب يا ربي مايكونش هو،،درت الفولار على وجهي حدرت راسي وجبدت السوارت كنحل بالزربة!
جا عندي : اه زينب بلاتي..السلام !
حدرت راسي ودرت عندو : السلام هه اش كدير هنا؟
ربّع ايديه وبقا كيشوف فيا : هه معرفتك واش حية ولا ميتة ،،مد ايديه يحيد لي الفولار على وجهي،خنزرت فيه وتساخرت : جمع ايديك!
ضربني على راسي : بغيت نعرف هاد الراس باش عامر،اش عندك لعجينة ولا شي مصيبة!هه ولكن كتعجبيني بهاد الشخصية لي كتصدميني بيها هه كضربي وتسبي وضوري فيا زعما نتي هه
اه ياك ڭالها ياك قالها وأنا سمعتها: قال كتعجبيني ماشي شغلي بلاما يقول ليا :لا ماقاصدتش داكشي لي فهمتي ولا شيحاجة ...بغا يسطيني ولا شنو!
شفت فيه بشكل جدي : عمر علاش جيتي هنا،،وفاش يهمك ايلا كنت عايشة ولا ميتة،،!صافي قلت ليك بغيت نخرج من الخدمة علاش مابغيتيش..
كنشوف فيه وكنتسناه يجاوبني...خفت لا يقول شي سبب مكيتعلقش بيا..!بقا ساكت : ضحك
يالاه هدر،،سربي الواليدة كتسنا
حدر راسو،،وبدا كيتزنڭ هه وجهو ولا بحال الماطيشة ..: جيت نشوفك!
تحلو ليا لعينين وبداو كيبريو هه هآآ عتارف جا يشوفني،،بلاتي يشوفني،،ماكتعني والو بديت كنرمش فعينيا : احم كيفاش تشوفني،،وعلاش باغي تشوفني!
بدا كيضحك وكيشوف لهيه وهنا ورتابك واول مرة كنحس بيه متردد..: وا اشنو جاوبني !
حدر راسو : من اول مرة شفتك حسيت براسي فشكل،،قلت ايمكن غير صدفة،،ولكن من بعد كل مرة كنشوفك فيها كضحكي،ولا معصبة ،،،كانت شي حاجة فيك كتشدني ليك،،شي حاجة مميزة،،ماشي بحال لبنات!ولكن اش هادشي لابسة؟
غطيت وجهي بايديا وأنا كنضحك وحشمانة: يالاه بغيت نهدر حلات الواليدة لباب لقاتنا فمشهد لايحمد عقباه...لقاتنا بجوج مزنڭين وحشمانين من بعضياتنا...وبدات الموال ديالها : ايلا اولدي بغيتي المعقول مرحبا وايلا مـــ....
قاطعها عمر وشاف فيا : أنا بغيت لمعقول !
تزوجنا وعشنا ايام جميلة...بدات كتنقص خلالها العجرفة ديال السيد عمر وبدات كتنسجم مع الكبرياء ديالي أنا السيدة زينب...!ولكن لحد الان باقي كيلاحقني أنا وولادي قرْصات و طرحات معند الواليدة وهكذا عشنا في سلام وعاش معنا مدلك أمي
دازت 4 ايام طفية التيليفون ومعزولة عن العالم ..شفت حتى عييت ودزت نلاهي راسي فالحلوة مع الواليدة!
قبل مانبدا معاها لكموند الجديدة،شفت فيها : شوفي ا مّي غنبدا نخدم معاك وتعطيني النص بالنص !
شافت فيا : كيفاش النص بالنص
الصراحة بدا الخوف كيسري فأنحاء جسدي من نظراتها التي تحمل الكثير من الرعب ..
قصحت وجهي وقلت ليها : ايه النص بالنص فالرباح أنا غنبدا نخدم معاك ايدي بايديك،ونتي كتكّاي على كلشي كديريه فجيبك!
خرجت في عينيها : ياك المسيخيطة؟ أنا كندير فجيبي؟ خدامة عندك نوضي من قدامي ..وبدات كتقلب على المدلك ...فين هو فين زاد..جبداتو وبغات تزف بيه
شديتو ليها: وا مّي والله كنضحك معاك والله !
شافت فيا ضرباتو مع الميدة،ضربة كتهددني ببحالها غتجيني على الراس ايلا مجمعتش فمي
بديت كنصاوب معاها فالحلوى وساكتة،،، : مانوياش ترجعي لخدمتك؟ماخفتيش يجرو عليك؟
بقيت مدهية مع الحلوى كنقاد فيها،وببرودة جاوبتها : راه خليتها قدمت استقالتي صافي نشوف غيرها،،!
ايمكن الواليدة فقصاتها هدرتي لدرجة تجاهلاتني وقالت لي : ديري لي عجبك! نوضي لبسي حوايجك دي الطاوات للفران وفي ساع رجعي كملي معايا هادشي!
نضت وأنا مافيآش،،جبدت غير جلابة ديال لواليدة لبستها وجيت عندها : هاري لي السوارت!
هزات عينيها لقاتني لابسة جلابتها: واتي سيري حطي ليا حوايجي وتي مالك مخورجة شحال من مرة ڭلت ليك راه مكتجيش قدك،واش تي تسطيتي؟
جريت معدها السوارت : هاد الجلابة كنرتاح فيها هي لي لقيتها قدامي،لبست صندالة ديال الدار وخرجت!
تميت راجعة وكنجر رجلي فالطريق،،كيبان لي شي حد واقف مقابل مع الباب ...ناري واش هو؟ لا مستحيل ناري وليت كنحلم بكنتهيأ خيال عمر وأنا حالة عينيا...واقيلا غير تخالط لي
بديت كنقرب وأنا كنقول يا ربي يكون هوا،،حتى وصلت لباب وتفكرت راسي لابسة بحال بو خنشة وأنا نبدا نطلب يا ربي مايكونش هو،،درت الفولار على وجهي حدرت راسي وجبدت السوارت كنحل بالزربة!
جا عندي : اه زينب بلاتي..السلام !
حدرت راسي ودرت عندو : السلام هه اش كدير هنا؟
ربّع ايديه وبقا كيشوف فيا : هه معرفتك واش حية ولا ميتة ،،مد ايديه يحيد لي الفولار على وجهي،خنزرت فيه وتساخرت : جمع ايديك!
ضربني على راسي : بغيت نعرف هاد الراس باش عامر،اش عندك لعجينة ولا شي مصيبة!هه ولكن كتعجبيني بهاد الشخصية لي كتصدميني بيها هه كضربي وتسبي وضوري فيا زعما نتي هه
اه ياك ڭالها ياك قالها وأنا سمعتها: قال كتعجبيني ماشي شغلي بلاما يقول ليا :لا ماقاصدتش داكشي لي فهمتي ولا شيحاجة ...بغا يسطيني ولا شنو!
شفت فيه بشكل جدي : عمر علاش جيتي هنا،،وفاش يهمك ايلا كنت عايشة ولا ميتة،،!صافي قلت ليك بغيت نخرج من الخدمة علاش مابغيتيش..
كنشوف فيه وكنتسناه يجاوبني...خفت لا يقول شي سبب مكيتعلقش بيا..!بقا ساكت : ضحك
يالاه هدر،،سربي الواليدة كتسنا
حدر راسو،،وبدا كيتزنڭ هه وجهو ولا بحال الماطيشة ..: جيت نشوفك!
تحلو ليا لعينين وبداو كيبريو هه هآآ عتارف جا يشوفني،،بلاتي يشوفني،،ماكتعني والو بديت كنرمش فعينيا : احم كيفاش تشوفني،،وعلاش باغي تشوفني!
بدا كيضحك وكيشوف لهيه وهنا ورتابك واول مرة كنحس بيه متردد..: وا اشنو جاوبني !
حدر راسو : من اول مرة شفتك حسيت براسي فشكل،،قلت ايمكن غير صدفة،،ولكن من بعد كل مرة كنشوفك فيها كضحكي،ولا معصبة ،،،كانت شي حاجة فيك كتشدني ليك،،شي حاجة مميزة،،ماشي بحال لبنات!ولكن اش هادشي لابسة؟
غطيت وجهي بايديا وأنا كنضحك وحشمانة: يالاه بغيت نهدر حلات الواليدة لباب لقاتنا فمشهد لايحمد عقباه...لقاتنا بجوج مزنڭين وحشمانين من بعضياتنا...وبدات الموال ديالها : ايلا اولدي بغيتي المعقول مرحبا وايلا مـــ....
قاطعها عمر وشاف فيا : أنا بغيت لمعقول !
تزوجنا وعشنا ايام جميلة...بدات كتنقص خلالها العجرفة ديال السيد عمر وبدات كتنسجم مع الكبرياء ديالي أنا السيدة زينب...!ولكن لحد الان باقي كيلاحقني أنا وولادي قرْصات و طرحات معند الواليدة وهكذا عشنا في سلام وعاش معنا مدلك أمي
تعليقات
إرسال تعليق